صرخة مواطن!!

[بندر المرشدي]

السلام عليكم ورحمة الله وبركاته




يالله يــاجــامـــع شـــتــــات الــمــوالــيــف=ومن فضلك ابصر من عيونه كفيفه
افــرج لـمـن هـمـه يـفــوق التـواصـيـف=وجــرحــه عـمـيــق ولا يــوقــف نـزيـفــه
مـن وقـتـه الــي قــام يـاخـذ عجـاريـف=ويـحــد خـطــلان الـيـديـن ال رصـيـفــه
وقـتـن تـغـيـر فـيــه حـتــى العـواصـيـف=قد بندر ابن سرور ابه شاف شيفـه
يــوم يتفـكـر فـالـوطـن معـظـمـه ريـــف=لــكـــن مـــــن ريــفـــه يــدانـــا نـضـيــفــه
وحــنـــا عـلــيــه مـبــذريــن الـمـعـاريــف=واروحـنــا تــبــذل عــلــى كــيــف كـيـفــه
يــوم انـهـا بالسـهـم والـرمـح والسـيـف=مــن هــم فـيـه انـقـص راســـه بسـيـفـه
والـيـوم نـدفــع فـــي سـكـنـا مـصـاريـف=مـسـتـاجـريـن وحـالــنــا بــــــه كـسـيــفــه
مـــا نمـتـلـك شـبـريـن غـيــر بتكـالـيـف=كــــأن الــمـــوارد والأراضـــــي قـصـيـفــه
وبنـك العقـار يطـفـف الـحـق تطفـيـف=جـــدي مـــازال ســـراه داخـــل ارشـيـفـه
ويمكن بعد مية سنه يصـدق الطيـف=ويـفــرح حـفـيـد احــفــاده ويستـضـيـفـه
ضاع الطموح بوعـد كـاذب وتسويـف=حـتــى الامـــل مـفـقــود مــالــه وظـيـفــة
نـوحـي عـلـوم تـرفـع الــراس تشـريـف=لـكــن مـاتــت فــــي مـهـدهــا الـشـريـفـة
كـــل وزرانـــا عـنــد فـتــح المـضـاريـف=قـلـيــل مــــن يـعـمــل بـنــفــس عـفـيـفــة
كـم واحــدن لا جــاه شـكـوى ملاهـيـف=يـخـبـط لــهــا صــــدره بـنـفــس لـطـيـفـة
لـكـن ينـسـى وش هــو الـكـم والـكـيـف=لا جــاه مــن صـحـن الـولايــم غـريـفـة
ولا نــنـــهـــي مـعـنــاتــنــا بـالـســوالــيــف=يـالــلــي تـقــولــون الـقـضـيــة خـفـيــفــة
حـكــي الـجـرايـد والمذيـعـيـن تصـفـيـف=مــا نـقـص الـواقـع لا يـمـكـن يضـيـفـه
نحـتـاج وقـفـة مــن عظـيـم المـواقـيـف=الــــــي نــجــاحــه فـالـمــواقــف حـلــيــفــه
مشهـور فـي حـل القضـايـا وتخفـيـف=الآم واحــــــزان الــشــعــوب الـضـعـيـفــة
مـن حكمتـه تـذهـل عـقـول العـواريـف=ومـن هيبتـه صـاب السلاطيـن خيـفـة
يهتز من تصريح ابـو متعـب جنيـف=ويطـيـح راس المعـضـلـة مـــن رهـيـفـة
قلـتـه بعـدمـا صــاب قـلـبـي صـواديــف=واصبح ما بين ضلوع صـدري قذيفـة
وانـا ضمـيـري لا حـصـل لــه تخالـيـف=لازم تـــجــــي ردات فــعـــلـــه عــنــيــفــه
شاعر واللي في منبر الشعر تعريف=وشـرد القـوافـي فــي لـزومـي عسيـفـة
كتـبـت زبــدة عـلـم مـــن دون تغـلـيـف=ولا بـــاقـــي الا نــنــشـــره فـالـصـحـيـفــة





وسلامتكم ,,,

[عقاب العنزي]

ياسلام


صح لسانك ولاهنت مبدع يابندر بلا مجامله


وهذي معاناة اغلب الشعب للاسف

[ابو فايح]

صح لسانك يا ابو سلطان


كتبت فأبدعت


قصيده تحكي واقع الكثير من أبناء الشعب

[ولدعساف]

..


صح لســآنك ياولد مرشد ..

,,,

[أخو جوزا]

كفو وصح لسانك يابوسلطان

[حفيد المسنحاني]

بندر صح الله لسانك لين ترضى قصيده رائعه وهادفه وثمينه تحياتي

[عبدالله الجـــذع]

لازم تجي ردات فعله عنيفه

الله اكبر

صح لسانك يابو سلطان والقصائد التي تحاكي

كثيرا من عينات مجتمعنا وترصد معاناته المستمره

هي بلا شك الاقرب له ويجد فيها تجسيد لمعاناته

ويجد شيئا من الراحه بعد معاتبه بعض المسوؤلين عن هذه المعاناه

والاستنجاد من بيده حل هذه المعاناه بعد الله عزوجل


قصيده رائعه يابو سلطان

صح لسانك مبدع اينما حللت

محبك

[بندر المرشدي]

عقاب العنزي



صح بدنكـ




شاكر لك مرورك المشرف

[بندر المرشدي]

ابو فايح







صح بدنك






شكري وتقديري لمرورك الكريم

[نوآف الغنامي]

يا سلام عليك يا بندر




ابيااات جزله ومن راس جزل



صح لساااانك ولا هنت

[مرزوق حمدان العتيبي]

..
.

جميله معبره يابو سلطان..
وانت فوق كل اشاده يا سنايدي
صح لسانك وقلبكـــ
...

[ابو عبد الإله]

بسم الله الرحمن الرحيم


صح لسانك ابو سلطان قصيده رائعه جداً وهادفه