يا عايف السم لابدك تذوقه

[الكاايد]

محاورة بين الشاعرين صياف الحربي رحمه الله ومستور العصيمي
اطال الله عمره


صياف
سلام ردة وبيت العز مركوز
على العمد والعلم مركوز فوقه
ترى العصيمي عشاه من ..
وان كان حلقه صغير لايذوقه

مستور
يامرحبا يامسلم وابعد النوز
يالشاعر اللي تنشطنا طروقه
انته من العام ياصياف ..
وآضن قلبك تصرب من عروقه

صياف
الطيب اللي يفوز ويكسب الفوز
قدام تمر النخل يملى حلوقه
الظاهر انك معك حيله ومكزوز
لكن كلاً يبا يآخذ حقوقه

مستور
شرواك شيطانها ماهوب محجوز
تلقاه بين العرب عمره يسوقه
ماجوز ماجوز عن صحبتك ماجوز
بكره سحابي تبا تبرق بروقه

صياف
مادام للطايره شكمان وقزوز
من باقني فالخفى والله لابوقه
اعرف حدودك وعني حوزها حوز
لو ينتثر حب ماتقدر تحوقه

مستور
الخط يبدى عليه احروف ورموز
يا عايف السم لابدك تذوقه
تحمد الله ولايغمزك غاموز
لاتحتمل لك بحملً ماتطوقه

صياف
ترى الجدار القصير غصب منقوز
من لايطول جداره شيف سوقه
بيني وبينك وعد في شهر تموز
والله لخلي الجمل يآكل شدوقه

مستور
تال الزمان النعامه جالها بوز
واللي يبا الخير لايكفى غبوقه
انته تباها سنان وجات عكوز
كلاً نهار الوعد فعله يشوقه

[ولدعساف]

الله الله ..

صح لسان أبو تركي و لسان صيآف رحمة الله عليه ..

لاهنت الكـآيد :)..

,,,

[الباااسل]

الله يرحم صياف ويبقي مستور ولا هنت على النقل الطيب ياطيب