زيد العضيله يقول لـ حبيب فكنا من الجلاوي

[المثالي]

زيد العضيله



مرحبا فالديره اللي حدهها ما احد ٍ يطوله
كم طماع ٍ تهقواها لكنه ما قدرها
يا حددانا صاير ٍ فالمنطقه صوله وجوله
والعرب فيها خطا والعين يقداها نظرها


حبيب العازمي


البقاء والحق واضح والبعارين معقوله
والعرب لو تاصل المريخ ما تترك ديرها
انت لو انك تفكر فالكلام اللي تقوله
ما بعثت جنازة الميت بعد جارك قبرها



زيد


المحل اللي ملكته عارف ٍ عرضه وطوله
كلها ملك ٍ لجدي بطنها والا ظهرها
علم اللي طامع ٍ في مركزٍ ما هوب حوله
الذيااب اللي تلد العين لا يامن خطرها


حبيب


ما دريت انا نحل الارض ونشدد نزوله
وانت كم شديت مره ثابته وانت تخبرها
العضيله لا يجينا بالمشاكل في حثوله
والله انا نكرم الجيران والدار نعمرها


زيد


الشجيع اليا فعل له فعل ما تجحد فعوله
ومن يمد يديه في درب الخطر جاء من قصرها
العضيله شاف له رجل ٍ غلط يشعب ذلوله
علمه قدام سكين العرب تتدرك نحرها



حبيب



كل ما فكيت باب ٍ حظنا يغلق قفوله
كان حظك ما كسرها والله انه ماجبرها
اذكر الله واكمل الواجب على سنة رسوله
والغشيم اللي يضيعها ويمشي مع جررها


زيد


التعالي ويش هوا له والتعدي ويش هوا له
كان ما عدلتوا اللي مخطيه جاكم خبرها
يا حددانا يا نسبانا قصة ٍ ما هي رجوله
والله اني حاشم الانساب ما ابغى افتش صررها




حبيب



تبتديها بالصعوبه والنهايه بالسهوله
الك شبر ٍ من سهلها والك شبر ٍ من وعرها
ليه ما علمتوا اللي فالخطا تقرع طبوله
كل ما عدابها فوق الصخر بنشر كفرها


زيد


المصيبه جاتنا من واحد ٍ ريس حموله
والدير هاذي علينا غالي ٍ حتى حجرها
كل راس ٍ فيه مخ وكل بنك له عموله
كان تبغى الخير روح وكان تبغى الشر زرها


حبيب


مثل ما جتنا تجيك ولو ما فيها بطوله
كلها خذها وذقها والعصى للي شقرها
وش تسمى الدوله اللي حولت في بطن دوله
فسروها يا الرجال الي يقديها بصرها


زيد


كان ترضيكم فعول اللي سمعتوا صفقوا له
واالله انه ما يجي فالحفره الا من حفرها
لاتحيول وانت رجل ٍ قدي ما فيك حوله
والعرب قامت فعول شيوخها تسبق جبرها



حبيب



كل عدله من جهتكم من توالينا معدوله
ارجعوا للحق والشرهه على اللي يعتبرها
لو تفكر فالزمان وفي طلوعه من نزوله
ما تحاول تكشف الدعوى بعد ربي سترها

[ولدعساف]

الله الله ..

صح لسان أبو فيصل و لسان أبو ممدوح ..

لاهنت المثالي :)..

[ماجد العصيمي]

ههههههههههههههههههههههههههههههههههههههه


ما يلام العضيله جاه ماكفاه















































اذا كان المعنى صحيح

[راشدالعضياني]

هههههههههههه

بيض الله وجهك يابوصاهد


العضيلة ماخلى احدآ ماشتكى علاه .. واذكر انه لعب مع مستور وقاله مستور ياكثر شكاويكم يامطير...




زيد
يا حددانا يا نسبانا قصة ٍ ما هي رجوله
والله اني حاشم الانساب ما ابغى افتش صررها



حبيب
ليه ما علمتوا اللي فالخطا تقرع طبوله
كل ما عدابها فوق الصخر بنشر كفرها


الله الله


حبيب يقووووووول ليش ماعلمتو تركي الميزاني

[العفريت]

محاوره رئعة


لا هنت يالمثالي

لاهان ابو فيصل ولا ابو ممدوح

تحياتي

[الجوراسي]

ابو ممدوح شاعر مافيه شك وابو فيصل يعرف منين تؤكل الكتف

[ابو فايح]

لاهنت يالمثالي


ولكن اعتقد عن المعنى ليس الجلاوي



انما مشاكل حدوديه بين القبيلتين قبل فتره

[المثالي]

الف شكر لكل من شرفني بالمرور


اما بالنسبه للمعنى يا ابو فايح واضح وضوح الشمس


ولا فيه شي يدل على حدود او شي زي كذا .


واتمنى اذا كان لك وجهة نظر تقولها وتبرهنها لنا


اما كذا ما يصير ..

[ابن المحايا]

كلام ابو فايح صحيح 100%


والمعنى واضح وضوح الشمس من اول بيت لزيد العضيلة اللي يقول فيه


مرحبا فالديره اللي حدهها ما احد ٍ يطوله *** كم طماع ٍ تهقواها لكنه ما قدرها



لاهنت على النقل يالمثالي

[علي الشهراني]

مشكووور يا المثااالي

[مساعد المطيري]

ابو فايح

ياحظّك الاقشر تعلّم من وتقنع من بس !!

اكثر ما ضحكت على رد الاخ راشد


يالربع المعنى واضح وهو مشاكل على أراضي في احد الهجر بين العضيلات والعوازم
وزيد زد تكلّم عن الطاروق هذا في لقاء له وكشف معناه للمذيع سعود عالي في قناة صدى


للأخوان اللي قالوا ان المعنى الجلاوي وتركي الميزاني أحب اقول ان حبيب العازمي وزيد العضيله اكبر من أنه يضيعون وقتهم وتفكيرهم ..................,

[المثالي]

اول شي حياك الله يا مساعد

اما المعنى فالمحاوره بشكل عام غيب لايعلمه الا الله سبحانه


والشاعرين .لكن انا قلت المعنى الجلاوي لعدة اسباب .

1- لو ان المعنى على اراضي على كلامكم .كان زيد تكلم بلسان جماعته
ووجه كلامه لقبيلة العوازم وحبيب يتكلم بلسان ربعه .لكن زيد يتكلم عن شخص واحد
(العضيله شاف له رجل ٍ غلط يشعب ذلوله....علمه قدام سكين العرب تتدرك نحرها )


2- يقول زيد


التعالي ويش هوا له والتعدي ويش هوا له
كان ما عدلتوا اللي مخطيه جاكم خبرها
يا حددانا يا نسبانا قصة ٍ ما هي رجوله
والله اني حاشم الانساب ما ابغى افتش صررها


زيد يتكلم عن اسلوب الجلاوي .ويقول انه مارده لايجااريه فاسلوبه
الا حشمته لجيرانه وانسابه حسب كلامه اللي هم عتيبه .


3-رد حبيب يقول


تبتديها بالصعوبه والنهايه بالسهوله
الك شبر ٍ من سهلها والك شبر ٍ من وعرها
ليه ما علمتوا اللي فالخطا تقرع طبوله
كل ما عدابها فوق الصخر بنشر كفرها


انت تكبر الموضوع والدعاوي بسيطه .والمحاوره مره كذا (وعر ) ومركذا (سهل )
ويقول انتم بعد منكم خطا ولا علمتوا راع الخطا ولا رديتوه .



4-المصيبه جاتنا من واحد ريس حموله والكل يعرف ان الجلاوي (بن فهيد )من شيوخ الشيابين.

((كل راس ٍ فيه مخ وكل بنك له عموله ....كان تبغى الخير روح وكان تبغى الشر زرها))

زيد يقول يا حبيب حسب معقوليته ويلقى عميل نفس معقوليته .وينصح حبيب يقول كان ودك بالخير
روّح عنهم وكان تبى الشر لاتروح ..يعني اترك الثنين وتلقى الخير .


5- حبيب قال

(مثل ما جتنا تجيك ولو ما فيها بطوله ..كلها خذها وذقها والعصى للي شقرها)

يعني تحملوا الخطا مثل ما تحملناه .


6-(كان ترضيكم فعول اللي سمعتوا صفقوا له...واالله انه ما يجي فالحفره الا من حفرها)

يعني يا حبيب كان كلام الجلاوي معجب صفق له ..(((((اللي سمعتوأ)))))


7-قال ارجعوا للحق واشرهوا علينا كان حصل خطا .ومن يخطي ماعا نعتبربه ابدا


والمعذره على الاطاله ..اتمنى تقبل وجهة نظري بصدر رحب ..
ويمكن اكون مصيب ويمكن اكون مخطي .

تحياتي لكم

[ماجد العصيمي]

يرفع معروض لابوصاهد يمكن يخفف عنهم شوي





ماني متأكد لكن محاوله عسى ان تكتب لها النجاح

[ولدعساف]

..

أعتقد أن أبو فـآيح جاب المعنى ..

//

ولكن قد تكون هناك تخمينات من الاخوان يظنون أن المعنى الجلاوي ..

//

على العموم إختلاف الرأي لايفسد للود قضيه ..

//

محبكم :)..

,,,

[فهد علي العازمي]

قال صدى قال

صدى منهو اللي بكامل قواه العقلية يتفرج فيها



لا هنتوا جميعا والمثالي عضو نشيط ومجتهد ومحل إعجاب الجميع ولا يستهان برايه حتى ولو خالف الحقيقة

[ابو فايح]

الاخ المثالي وجهة نظرك على العين والرأس


الطاروق ابتدأ بحديث عن الديره المتنازع عليها

ثم في منتصف الطاروق ذهب الحديث لشخص معين له دخل فالموضوع


مرحبا فالديره اللي حدهها ما احد ٍ يطوله **كم طماع ٍ تهقواها لكنه ما قدرها
يا حددانا صاير ٍ فالمنطقه صوله وجوله**والعرب فيها خطا والعين يقداها نظرها


الديره ,وحدها ,وطماع, المنطقه والحاصل فيها ,


البقاء والحق واضح والبعارين معقوله**والعرب لو تاصل المريخ ما تترك ديرها


لو تأصل المريخ ما تترك ديرها


المحل اللي ملكته عارف ٍ عرضه وطوله**كلها ملك ٍ لجدي بطنها والا ظهرها


المحل المتنازع ملك لجده منذ القدم




كل هذه دلائل أن الحديث عن المشاكل الحدوديه

(أنا لا أعرف تفاصيل الموضوع كاملا وإلا عرفت من الشخص المقصود فالقضيه )

[راشدالعضياني]

الاخ// مساعدالمطيري


انت تقول انك شفت تفسير المحاورة من زيد في قناة صدى


طيب ليش تضحك من كلامي انا فسرت وجهت نظري وربما اكون مخطئ


يعني انت لو ماشفت تفسيرهـــا من زيد وش بتقوووووول ياذكي ....؟ هههههههه



وانا مع الاخ // ابوفايح وين مايوجه ههههههههههه

[سويلم الشيباني]

ابوصاهد خارج هالمحاورة واتفق مع ابوفايح

[خلف المطيري]

كلام ابوفايح صحيح

مشكله علي اراضي

ومعروفه وصدر فيها حكم للعضيلات

وقبل يصدر حكم اثناء المشكله قم يامطيري واضرب العتيبي وقم يالعتيبي وردها للمطيري واضربه

وقوموا يامشايخ روق ومشايخ الصعبه وتشاكوا علي بعض

والمحاوره كلها تشير الي المعني هذا مع بعض التشره من زيد علي حبيب بمعني ان حنا يامطير نشره عليكم ياعتيبه

من باب الجيره والنسابه











شبل الموازين انت من صدقك تكلم وش جاب الجلاوي عند زيد

انت شف الطاروق هذا وقبيله حبيب العازمي الشاعر العلم ارسموا المعني ومشو عليه ميه ميه

المحاوره ماهي سب وقذف المحاوره فكر ومعني

[اسير الروح]

على طاري زيد والجلاوي

من يجيب محاورة الجلاوي يوم يقول لزيد

بيت الشعر مطوي وباقي زهابه


اعتقد انها كذا بس ماني متأكد





اما قناه صدى حاجه ثانيه هههههههههه

[منصور الدرين]

من المحاورات النادرة

والمعنى أبعد مايكون عن الجلاوي

وليس الجلاوي محلاً للنقاش


صح لسان الشاعرين


والله يهديكم ويصلحكم بس

[تركي ابن مكه]

يمكن ويمكن
والموضوع عن الجلاوي بعد تصريح العضيلة في قناة المرقاب انه يتهرب من الجلاوي
ويبتعد عن مقابلتة هو وشعراء القبيله امثال تركي الفين
لشدة هجوم الجلاوي
وبصراحة الجلاوي مرعب ويخوف

[خالد بن مورق]

اظن المحاوره معناها الجلاوي وتركي 2000 يقول حبيب


مثل ما جتنا تجيك ولو ما فيها بطوله
كلها خذها وذقها والعصى للي شقرها


يقصد مثل ماقام تركي بالسب والشتم قام الجلاوي بالرد ولو ماهي بطوله ويرد زيد العضيله ويقول


كان ترضيكم فعول اللي سمعتوا صفقوا له
واالله انه ما يجي فالحفره الا من حفرها


بمعنى اذا يجوز لكم محاورات الجلاوي واسلوبه صفقو له يرد حبيب ويقول

كل عدله من جهتكم من توالينا معدوله
ارجعوا للحق والشرهه على اللي يعتبرها



يقصد حبيب اذا ترك خويكم تركي 2000 اسلوبه الشتم والسب بيترك الجلاوي الاسلوب نفسه




المحاوره واضحه معناها وهو الجلاوي وتركي 2000

[بخيت السعد]

يدافع البلا ء كل يوم ماسكين خط على هالموال فلان يقصد كذا وفلان يقصد كذا ماباقي الا تلازمون بالشوش والقضيه بيت شعر لهالشعار .

والله العظيم لو يسأل حبيب عن معنلى المحاوره ليقول موضوع بيني وبين زيد خاص وانتناقش فيه وزيد كذالك يبا يكون جوابه . انتم تطول السالفه وهي قصيره .

بالله عليكم تحاولون تناقشون في مواضيع غير المحاوره لاتقعدون كل ليله وانتم فاتحينه هواش..


ترى الشعار اللي بينهم اكبر من هالمواضيع اللي انتم تناقشون فيها ..


وبعدين بعض رموز المحاوره اللي مافيه داعي للتحليلها ولا مناقشتها من المفترض على القائم بالاشراف على الصفحه ان يقوم بحجبها او حذف مشاركت العضو اللي يحاول فتح النقاش فيها .لانها لاتخدم المحاوره بل تسئ لها .


هذا مجرد راي قابل للخطاء والصواب ...


تحياتي للجميع

[علاي الحافي]

الله الله ..

صح لسان أبو فيصل و لسان أبو ممدوح ..

لاهنت

علمين من اعلام الشعر

[الحنش]

محاوره ممتعه وشكرا اخوي على النقل

[عاشق الطاروق]

مشكور اخوي المثالي على الطاروق الجميل وشاكرين لك جهدك على البحث عن المحاورات

الحماسية وعمق المعنى


اما المعنى فيه اختلاف ولا يعلم الغيب الا الله


تقبلوا مروري تحياتي

[الباااسل]

زيد العضيله



مرحبا فالديره اللي حدهها ما احد ٍ يطوله
كم طماع ٍ تهقواها لكنه ما قدرها
يا حددانا صاير ٍ فالمنطقه صوله وجوله
والعرب فيها خطا والعين يقداها نظرها


حبيب العازمي


البقاء والحق واضح والبعارين معقوله
والعرب لو تاصل المريخ ما تترك ديرها
انت لو انك تفكر فالكلام اللي تقوله
ما بعثت جنازة الميت بعد جارك قبرها



زيد


المحل اللي ملكته عارف ٍ عرضه وطوله
كلها ملك ٍ لجدي بطنها والا ظهرها
علم اللي طامع ٍ في مركزٍ ما هوب حوله
الذيااب اللي تلد العين لا يامن خطرها


حبيب


ما دريت انا نحل الارض ونشدد نزوله
وانت كم شديت مره ثابته وانت تخبرها
العضيله لا يجينا بالمشاكل في حثوله
والله انا نكرم الجيران والدار نعمرها








المعنى من بداية المحاوره وواااااضح انه ماهوب حول الجلاوي ولا الشعار كلهم وانه على حدود ديره

["بندر العصيمي"]

الجلاوي ماله داخل بالمحاوره ابداً

المحاورة تدور عن حدود واراضي والشيبان يعرفون ويدرون وش صار بلي صار

مير زيد العضيلة علم من اعلام الشعر وشاعر محترم ويقدر القبايل وفخر لمطير

والشاعر حبيب العازمي كذالك شاعر فخر لعتيبة ويقدر القبائل ومحترم ويسوق المعنى

ومستحيل يجبون المعنى عشان شاعر والمعنى واضح وضوح الشمس

تحيتي