لا والله اللي راح زبن الونيه .. يمناك لاجاء يمه العلم مردود

[الكريزي . com]

بعض القصائد تحتاج لمقدمه رائعه لكي تساعد في نجاحها
ولكن البعض الاخر هي المقدمه وهي الوصف .
ومنها هذه القصيده للشاعر / زايد بن جلال المقاطي
رثاءً في والده - أسكنه الله فسيح جناته







هلت دموع العين غصبٍ عليّه=من يوم كلمني على الهاتف سعود
يقول أبوي اليوم جته المنيه=والعصر وسط القبر فاللحد ملحود
و فالمقبره وقفت أناظر شويه=نظرة وداعٍ خلت القلب ملهود
قالوا علامك قلت فرقا قويه=حسرت فراق مفارق اليومه العود
نفسي عقب فرقاه صارت رديه=أجر بالونات والعالم رقود
مرحوم يا راعي الوفاء والحميه=يا كاسب النوماس يا منبع الجود
لا والله اللي راح زبن الونيه=يمناك لا جاء يمه العلم مردود
حلحيل حلال القضايا الخفيه=يكوي له كبود ويشفي له كبود
سعد الرفيق اللي بلته البليه=لاجاه يشكي من عنا الوقت مضهود
ريفٍ على جاره ويدرا خويه=و الباب مفتوحٍ ولا هوب مردود
في مجلسٍ دارت به الشاذليه=والعود الازرق ذعذع بريحه النود
عسى السحاب اللي قويٍ وحيّه=يسقى ثرى قبرٍ به العود ممدود
يا الله يا معبود رب البريه=يامنجيٍ يونس ويامنجيٍ هود
تغفر لبو زايد وتمحي خطيه=ياغافر الزلات يا خير معبود