المثالي
30-May-2010, 09:42 AM
اليكم هذه المحاوره وتحليلها بين الشاعرين سفر الدغيلبي وزيد العظيله
واتمنى ان اوفق في فالتحليل.
زيد العظيله
ياهاجسي في بحور الشعر اخذ فره
واختار لي بعض لولوه ومن دره
هدية ٍ للمعزب والله يدره
والنار ما تحرق الا رجل واطيها
يال لا لالا يا لال فلاح انا وانت والقوم
.................. والقوم روس ٍ عنيده
زيد العضيله يخاطب هاجسه ويحثه على الابداع
على شان صاحب الحفله يزيد الاكراميه .. (للمعزب والله يدره)
سفر الدغيلبي
يا هاجسي غن باللي تشتهي غنه
وابدع ترا مال احد فضل ٍ ولا منه
الناس ما عندهم نار ٍ ولاجنه
والنار ما تحرق....
يالال لال ....القوم غازينك اليوم
.............. انته وشاعر عبيده
اما سفر يخاطب هاجسه ويقول ابدع ولا لاحد
عليك فضل ولا ترتجي احد .
زيد العضيله
اشوف لي ناس ملقوفه ومنخطفه
يا صاحبي يا سفر يا راعي العطفه
ما عندنا الا خشم رشاش ابو عطفه
والنار ما تحرق.....
يالالالاا....من باعها باول السوم
.......... يحمى الظروف الشديده
بدا زيد بمعنى ويرمز لشي صاير فالحفله
ويوجه رساله لاشخاص معينين من وجهة نظري
والحفله كانت عند عتبان ..
سفر الدغيلبي
يا زيد سلمي هنا مايوجد ملقف
لكن وقف على الخط الحمروقف
تبى تسوي مثقف ما انت بمثقف
والنار ما تحرق الا رجل واطيها
يا لالال ...تروج ياطير وتحوم
.......... وتبيت فوق الجريده
و رد سفر واضح يقول ما في حفل عتيبه ملقف
ولا تعدا الحد والخطوط الحمرا..وامهما تقول نهايتك معروفه
زيد
انته عيونك كبار ولا انت شايفني
وانا مثقف ما ابى ناس ٍ تثقفني
واطلق شنب يا عتيبه ما يوقفني
والنار................
يا لالال............لا تقرب الرمح ملحوم
...........................تراك تال الشريده
زيد يقول انت على كبر عيونك ما تشوفني يا سفر
ولكن لازال زيد يكابر (اطلق شنب يا عتيبه ما يوقفني )
ويحذر سفر بلهجه قويه .لكن سفر وجد مدخل على بم سلمي من كلامه
سفر
المعذره يالمطيري كان ما شفتك
عيني تزمك ولا ادري ويش سالفتك
تشبها وانت لا تارد ولا تفتك
والنار .............
يالالا ...........ياليت ما انته بمحروم
.................. كان العرب مستفيده
اما سفر استغل غلطه زيد وقال صحيح اني ما شوفك
يا زيد يعني ما اشوفك شي قدامي . وانت تسبب المشكله
وانت لاتهوش ولا تفتك من اخصامك ..(وياليت ما انته بمحروم)
بيت سفر هذا ملغوم حسى فهمي .
زيد
كبن عينك وسيعه يا بعد عمري
لكن ابى احكمك واصرفك تحت امري
وان كان هبت هبوبك طير يا قمري
والنار ...........
يالالال ........ادغيلبي ٍ و محموم
............. حمى خنازير سيده
هنا بدا ضغط سفر على زيد حيث اتجه زيد لتنزيل المحاوره.
سفر
هذا انت يا زيد لا سرّا ولا ضرّا
والمؤسف انك بعد في نفسك مورّا
لاعب وكبتن ولكن ملعبك برّا
والنار...............
يالالال..... ياوارد الفرس والروم
.......... مال للخوارج عقيده
اما سفر يقول هذا انت يازيد اذا ضغط عليك خصمك
وحط له لغم (لاسرا ولا ضرا )
زيد
العام ادرسك والقنك بدروسي
واليوم جاي ٍ كبير جنوب ممسوسي
راسي عنيد ويخضع قاسي الروسي
والنار ما ............
يالالال..... ياشيوخ ببشوت وختوم
............ رحتوا ولا انتم فقيده
وهنا نقدر نقول ان زيد يعترف لسفر
حيث رجع زيد للماضي ويقول انا كنت ادرسك يا سفر
(واليوم جاي كبير جنوب ممسوسي)
سفر
النكتف ما يعوضنا عن الصوره
اسود ولا ينفع التلميع ديكوره
لكن ابى اسفطه تحت الاباجوره
والنار ما تحرق
يالالالال.......يسبح بك الحوت ويعوم
........ شبيه بركة زبيده
اما سفر يقول اترك الفايت (النكتف) وشف الحاصل الان (الصوره)
اللي فات فات .وبدا سفر يتفرنك على زيد ويقول (شبيه بركت زبيده)ما انت ببحر
يا زيد.
زيد
ترا الممرض يعرفونه بتمريضيه
ياراعي الفلم ما زينت تحميضه
هاذي علوم ٍ وفيضها مع الفيضه
والنار ....
يالالال...انته تريح ومخدوم
........ ما للجمل غير قيده
هنا زيد كأنه يستسلم لسفر وكان رده غريب
اي فلم واي تحميض واي ممرض جابها كذا .
ويقول بعد انا اخصامي معروفين انت ارتح يا سفر .
سفر
لا والله الا الكداده جمرها هشم
ودخانها صار يثر فالسمع والشم
باح الوقود استرح يا ضيف ومحشم
والنار
يالالال... حظرت وعظامك سلوم
........ وتروح جثه هميده
هنا سفر يقول ضاعت علومك يا زيد لكن استريح احسن لك
.وانك حضرت سليم ورحت ما انت بسليم ..
اتمنى اني وفقت وهذه وجهة نظري الخاصه ..واتمنى ان ما احد يتضايق منها .
واتمنى ان اوفق في فالتحليل.
زيد العظيله
ياهاجسي في بحور الشعر اخذ فره
واختار لي بعض لولوه ومن دره
هدية ٍ للمعزب والله يدره
والنار ما تحرق الا رجل واطيها
يال لا لالا يا لال فلاح انا وانت والقوم
.................. والقوم روس ٍ عنيده
زيد العضيله يخاطب هاجسه ويحثه على الابداع
على شان صاحب الحفله يزيد الاكراميه .. (للمعزب والله يدره)
سفر الدغيلبي
يا هاجسي غن باللي تشتهي غنه
وابدع ترا مال احد فضل ٍ ولا منه
الناس ما عندهم نار ٍ ولاجنه
والنار ما تحرق....
يالال لال ....القوم غازينك اليوم
.............. انته وشاعر عبيده
اما سفر يخاطب هاجسه ويقول ابدع ولا لاحد
عليك فضل ولا ترتجي احد .
زيد العضيله
اشوف لي ناس ملقوفه ومنخطفه
يا صاحبي يا سفر يا راعي العطفه
ما عندنا الا خشم رشاش ابو عطفه
والنار ما تحرق.....
يالالالاا....من باعها باول السوم
.......... يحمى الظروف الشديده
بدا زيد بمعنى ويرمز لشي صاير فالحفله
ويوجه رساله لاشخاص معينين من وجهة نظري
والحفله كانت عند عتبان ..
سفر الدغيلبي
يا زيد سلمي هنا مايوجد ملقف
لكن وقف على الخط الحمروقف
تبى تسوي مثقف ما انت بمثقف
والنار ما تحرق الا رجل واطيها
يا لالال ...تروج ياطير وتحوم
.......... وتبيت فوق الجريده
و رد سفر واضح يقول ما في حفل عتيبه ملقف
ولا تعدا الحد والخطوط الحمرا..وامهما تقول نهايتك معروفه
زيد
انته عيونك كبار ولا انت شايفني
وانا مثقف ما ابى ناس ٍ تثقفني
واطلق شنب يا عتيبه ما يوقفني
والنار................
يا لالال............لا تقرب الرمح ملحوم
...........................تراك تال الشريده
زيد يقول انت على كبر عيونك ما تشوفني يا سفر
ولكن لازال زيد يكابر (اطلق شنب يا عتيبه ما يوقفني )
ويحذر سفر بلهجه قويه .لكن سفر وجد مدخل على بم سلمي من كلامه
سفر
المعذره يالمطيري كان ما شفتك
عيني تزمك ولا ادري ويش سالفتك
تشبها وانت لا تارد ولا تفتك
والنار .............
يالالا ...........ياليت ما انته بمحروم
.................. كان العرب مستفيده
اما سفر استغل غلطه زيد وقال صحيح اني ما شوفك
يا زيد يعني ما اشوفك شي قدامي . وانت تسبب المشكله
وانت لاتهوش ولا تفتك من اخصامك ..(وياليت ما انته بمحروم)
بيت سفر هذا ملغوم حسى فهمي .
زيد
كبن عينك وسيعه يا بعد عمري
لكن ابى احكمك واصرفك تحت امري
وان كان هبت هبوبك طير يا قمري
والنار ...........
يالالال ........ادغيلبي ٍ و محموم
............. حمى خنازير سيده
هنا بدا ضغط سفر على زيد حيث اتجه زيد لتنزيل المحاوره.
سفر
هذا انت يا زيد لا سرّا ولا ضرّا
والمؤسف انك بعد في نفسك مورّا
لاعب وكبتن ولكن ملعبك برّا
والنار...............
يالالال..... ياوارد الفرس والروم
.......... مال للخوارج عقيده
اما سفر يقول هذا انت يازيد اذا ضغط عليك خصمك
وحط له لغم (لاسرا ولا ضرا )
زيد
العام ادرسك والقنك بدروسي
واليوم جاي ٍ كبير جنوب ممسوسي
راسي عنيد ويخضع قاسي الروسي
والنار ما ............
يالالال..... ياشيوخ ببشوت وختوم
............ رحتوا ولا انتم فقيده
وهنا نقدر نقول ان زيد يعترف لسفر
حيث رجع زيد للماضي ويقول انا كنت ادرسك يا سفر
(واليوم جاي كبير جنوب ممسوسي)
سفر
النكتف ما يعوضنا عن الصوره
اسود ولا ينفع التلميع ديكوره
لكن ابى اسفطه تحت الاباجوره
والنار ما تحرق
يالالالال.......يسبح بك الحوت ويعوم
........ شبيه بركة زبيده
اما سفر يقول اترك الفايت (النكتف) وشف الحاصل الان (الصوره)
اللي فات فات .وبدا سفر يتفرنك على زيد ويقول (شبيه بركت زبيده)ما انت ببحر
يا زيد.
زيد
ترا الممرض يعرفونه بتمريضيه
ياراعي الفلم ما زينت تحميضه
هاذي علوم ٍ وفيضها مع الفيضه
والنار ....
يالالال...انته تريح ومخدوم
........ ما للجمل غير قيده
هنا زيد كأنه يستسلم لسفر وكان رده غريب
اي فلم واي تحميض واي ممرض جابها كذا .
ويقول بعد انا اخصامي معروفين انت ارتح يا سفر .
سفر
لا والله الا الكداده جمرها هشم
ودخانها صار يثر فالسمع والشم
باح الوقود استرح يا ضيف ومحشم
والنار
يالالال... حظرت وعظامك سلوم
........ وتروح جثه هميده
هنا سفر يقول ضاعت علومك يا زيد لكن استريح احسن لك
.وانك حضرت سليم ورحت ما انت بسليم ..
اتمنى اني وفقت وهذه وجهة نظري الخاصه ..واتمنى ان ما احد يتضايق منها .