ســلام اللــه وأنــا فالنــاس ألــي غــاية وألــي مقصــود / عيــــد مــرضــي

[طلال ناشي]

سلام الله وأنا فالناس ألي غاية ولي مقصود = على وضح النقا وبعد من الخفجي عن الديره

ليامن المزون الغر ساقتها هبوب النود = أنا ماودي أحرج عيد مرضي مع جماهيره

[رعد الروقي]

ليامن المزون الغر ساقتهـا هبـوب النـود
أنا ماودي أحرج عيد مرضي مع جماهيـره




هههههه


صح لسانك يا طلال وصح ولسان عيد بن مرضي سلفاً



واحسبوني فالصف

[طلال ناشي]

هههههه


صح بدنكــ يالعـــمده


والصَف يزهابكـ بس أيآآآآت ,,,

[عيد بن مرضي]

الله حيّه ابن ناشي :)



هلا يامرحبا ترحيب يجهر فـ / الليال السود=ابن ناشي يشوفه لا سرى و يقود في بعيره
ليامن المزون تهل تبشر بـ / الكرم و الجود=ونعطيك البشوت الضافيه يا طيب السيره

[عيد بن مرضي]

هلا والله بالعمده :)



والصف اكيد عندي مير حياك

[طلال ناشي]

الله يبقيك ياعيد



يدوم ألك البقا وما روينا من حليب الذود = ترنا يابن مرضي ماسهرنا نشرب البيره

أنا مدري لاكن أن كان حك العود راس العود = يبا يعطونك العتبان عقبي ختم تسفيره

[علي الثبيتي]

الله الله

صح لسااااااااااااانك يابو ناشي



و=


صح لساااااااااااااااااان ابن مرضي

[عيد بن مرضي]

ترى مثلك نعزه مير ليش يثور البارود=وانا قرر على الموضوع واعرف كيف تقريره
ترى ماهمنّي غير العصيمي والعصيمي سعود=وبعض الخلق لو يزعل تبى ترضيه تعميره

[عيد بن مرضي]

هلا والله بالعود :)



وصح لسان ومرورك تشريف لاهنت

[طلال ناشي]

أنا ماني بظارن بالردى والنقص والمنقود = أسوق القاف سوق وصاحبي ماقل تقديره

تمر سعود وتغني معه والفود مامن فود = وغيره كنهم من دونهم لفه وتدويره

[طلال ناشي]

صح بدنكــ

يابو فــــــهد شــــرفت

[عقاب العنزي]

صحة الالسن والقلوب يامبدعين


وبصف عيد ولايهون طلال

[طلال ناشي]

صح بدنكـ ياعقــاب


وهلا وغلا


شرفتنا

والصَف يزهابكــ

[عيد بن مرضي]

تقوله و اثر انا خابرك وافي و العباد شهود=وبعض اوقات من زود الغضب تجتاحك الغيره
يا ابن ناشي ترى عمك يعرف الحاشي المفرود=لكنّك لا تفك الباب إلاّ يا زين تسكيره

[عيد بن مرضي]

هلا والله ياعقاب الله حيّه :)




وصح بدنك والصف يزهابك والآبداع مرورك ,,,,

[طلال ناشي]

ألا ياربعنا الروسان منا ... ماعلاكم زود = لاكن اذهيبكم لاراح ماجوبه مداويره

ابن مرضي لونه من يميني يروح البارود = يبا يصبح مع العتبان من حفره لدحديره



الختاااام عندك ياعيد

ولاهنت شرفتني

تبح على خير

[عيد بن مرضي]

ههههههههه الله الله


لا وإنّك يا ابن ناشي حاضرٍ فالماقف المشهود=نرد القوم ونكمل حقوق الضيف والجيره
ولا يا راعي البندق نشبّ في وسطها العبرود=ولا انته اللي يشبّ الضوء لامن قرب النيره

[عيد بن مرضي]

صح بدنك يا ابن ناشي



واشكرك على الدعوه الطيبه



وانت شاعر جزل نستفيد من مجاراته لاهنت



وتصبح على خير يالقرم



تقديري

[طلال ناشي]

هذا من طيبك طال عمرك


والفايده لي أنا ... شاعر بحجم عيد بن مرضي مستحيل أن يستفيد


من طلال ناشي ... شكراً على تلبية الدعوه


ولك جل التحايا ياعيد

[عاشق الطاروق]

محاورة وطاروق متميز لاهنتوا ياطلال وابن مرضي




تقبلوا مروري تحياتي

[طلال ناشي]

مرحبا عاشق

مروركـ المميز طال عمركـ

شرفتنا ...