العمده قالو انك عازمي

[علي الثبيتي]

رعد صباح الخير
ودي معك بطاروق للستفاده متى ماسمح وقتك


دوك ياعمدة الشعر قلي ،، ولاجابه على قد السوالي= كل منشد عتابه قالو انك عازمي مار ابا منك الحقيقه
كل عقده لها فالوقت حلي،،والحيل حلت اعقود الحبالي= مانشدناك غير اكبر معزه وان تغليت جعلك في حريقه

[علي الشهراني]

ابو فهد و العمده .... صحت السنتكم جميعا




و يا ليل يا ليل يا ليل




ما فيه نوووم لين نشووف اخرتها

[رعد الروقي]

صباح الود والرضا

ارررحب يابو فهد والفايدة لي دون شك




جيت اقول المهلي ما يولي...مير ما شفت نار ولا دلالي =ابن عمك ولا تجهل علومه وانت اظنك يابن ثابت رفيقه
كان صليت خلف اللي يصلي...مالك الا الجماله والكمالي=لا تثور السواري في خباها والسبب سالفة فار الحديقه

[ابوهــندي]

بدع ورد قوي

والليل ياشعار

[علي الثبيتي]

طيب طيب
اقول اعترف اطيب لك ههههههههه


ليش عن كلمة الحق متجلي،، قولها وافتخر بين الرجالي= سم ربعك على وضح النقا قدام احملك حملاً ماتطيقه
انت برضك تكابر ومتغلي،، مار تكشفك عسرات الليالي=وكان ودك تقولنا الحقيقه اختصرها نباها في دقيقه

[علي الثبيتي]

الشهراني

ابو هندي


ارحبو وصحت ابدانكم


يشرفنا تواجدكم

[رعد الروقي]

هههههه



الله الله



النجم في سماء الكون متعلي...هيه ياللي تحثون الجمالي=بعض الاجواد في عينه غشاوه مادرى ويش حصل في طريقه
ارتفع فوق يا ظابط مظلي ... لا تحول تحت يابن الحلالي=لجل تسمع كتاب الله وتعزف لا سمعته عن اصوات المسيقه

[علي الثبيتي]

ياشين اللعب شيناه بدون جمهور ابك العرب وينهم ياعمده

[علي الشهراني]

اعترف احسن لك يا العمده



طع شووري ترا الظابط المظلي ما عنده الا عيار 50



اللهم بلغت اللهم فاشهد

[رعد الروقي]

الشهراني // ابو هندي



يا هلا ويا مرحبا



شرفتونااا بمروركم الغالي



صحت ابدانكم ولاهنتوا


والنتيجة مع العود معروفة


4 / 3


لصالح العود طبعاً ههههه

[رعد الروقي]

ياشين اللعب شيناه بدون جمهور ابك العرب وينهم ياعمده

العرب خذتهم المسابقات والافلام التركية .. وانت جالس على القناة الاولى ههههه


والحاضرين فيهم الخير والبركة وكل واحد منهم عن عشرة

[رعد الروقي]

ههههههه


الشهراني لا تكسر المجاديف



ما راح اتكلم الا في وجود المحامي الخاص ههههه

[علي الثبيتي]

مازل معطينا جلا خخخخخخخخخخخخ


يارعد لاتخاف ولا تذلي،، اعلنه للبعيد وللموالي=راعي المعرفه ينقض ويفتل حزة الضيق مايشرق بريقه

لا تعدى الحدود ولاتزلي،،انت الك عندنا مقدار غالي=عن علوم العرب منته بداري سببت يارعد فالصدر ضيقه

[علي الثبيتي]

والله انك كفو ياصبي شهران والبركه فيك انت وابو هندي

وبيض الله وجيهكم على التواجد والتشجيع المستمر

[رعد الروقي]

الله الله




مثل ورقان ثابت في محلي ...حافظً مكسبي مع راس مالي=مير الاخبار يا راع المعرفة لا تعداك في صدر الوثيقه
جاك بعضي وانا ما جيت كلي ...يا مـــفرق طويلات الجبالي=الفتن ما يوفق من زرعها بكره الوقت من نومه يفيقه

[طلال ناشي]

دوك ياعمدة الشعر قلي ،، ولاجابه على قد السوالـي = كل منشد عتابه قالو انك عازمي مار ابا منك الحقيقه
كل عقده لها فالوقت حلي،،والحيل حلت اعقود الحبالي = مانشدناك غير اكبر معزه وان تغليت جعلك في حريقه



جيت اقول المهلي ما يولي...مير ما شفت نار ولا دلالي = ( ابن عمك ) ولا تجهل علومه وانت اظنك يابن ثابت رفيقه
كان صليت خلف اللي يصلي...مالك الا الجماله والكمالي = لا تثور السواري في خباها والسبب سالفة فار الحديقه



ليش عن كلمة الحق متجلي،، قولها وافتخر بين الرجالي = سم ربعك على وضح النقا قدام احملك حمـلاً ماتطيقـه
انت برضك تكابر ومتغلي،، مار تكشفك عسرات الليالي = وكان ودك تقولنا الحقيقه اختصرها نباهـا فـي دقيقـه



النجم في سماء الكون متعلي...هيه ياللي تحثـون الجمالـي = بعض الاجواد في عينه غشاوه مادرى ويش حصل في طريقه
ارتفع فوق يا ظابط مظلي ... لا تحول تحت يابـن الحلالـي = لجل تسمع كتاب الله وتعزف لا سمعته عن اصوات المسيقه



يارعد لاتخـاف ولا تذلـي،، اعلنـه للبعيـد وللموالـي = راعي المعرفه ينقض ويفتل حزة الضيق مايشرق بريقه
لا تعدى الحدود ولاتزلي،،انت الك عندنا مقـدار غالـي = عن علوم العرب منته بداري سببت يارعد فالصدر ضيقه



مثل ورقان ثابت في محلي ...حافظً مكسبي مع راس مالي = مير الاخبار يا راع المعرفة لا تعداك في صـدر الوثيقـه
جاك بعضي وانا ما جيت كلي ...يا مفرق طويلات الجبالي = الفتن ما يوفق من زرعها بكره الوقت من نومـه يفيقـه



النشــمي // العمـــــــده


صحت السنتكم طارووووووق رااائع

إبداااااع * إبدااااااع


.. ابوفهد أماعرفة العمده بعد الطاروق هذا ,, تتموت ماعرفته ..

:)

سجلا إعجابي

توقيع

[علي الثبيتي]

استلم يارعد والختام من عندك وابيض وجه وصح لساااااانك
شرفتني بهذا الطاروق ولنا لقاء قادم ان الله احيانا


وتصبح على خير



والنعم فيك ياحام المتلي،، مار ماجبتني ياهملالي=والمثل ينطبق ماينثني للحق رجال ماهو مستفيقه

خلها في مفاليها تفلي،، نعرف اهل اليمن واهل الشمالي=خل الاسرار في وسط البحر من دونها الموج والغبه عميقه

[رعد الروقي]

هلا وغلا يا طلال ناشي



حضرت نورت وشرفت بطلتك الغالية


الابداع انت من رموزه


والعود الله يخارجنا منه براس المال هههه


صح بدنك ولاهنت

[علي الثبيتي]

حياك الله يابو ناشي وصح بدنك وتشكر على التنسيق الرائع

وانا ودي ان المعرفه تجي بطيبة خاطر هههههههههه

وياليت يتم تعديل كلمة الشعر

دوك ياعمدة الشعار قلي،،،،،،،،،

[عيد بن مرضي]

ههههههههههههه الله الله



العود الرجال اعترف ولا باقي :)



صحت الآلسن والقلوب ,,, طاروق مكلّف

[رعد الروقي]

الله الله



ما لنا زود عن شرواك ياللي ... محتزم للمقام وللمقالي=مير لو تذرع الدعوى لقيت الباخره في بحر جده غريقه
لو نزيد المسافة ربع ملي...لاح برق الحيا والسيل سالي=الله اللي قصر بعض الخطاوي قبل اصاحيبها تغدي سليقه

[رعد الروقي]

تأكد ان الشرف والفايدة لي يالعود ومنك نستفيد



بيض الله وجهك وصح قلبك وكلك ولا هنت



تشرفني في اي زمان يابو فهد



تقديري واحترامي

[رعد الروقي]

ههههههههههههه الله الله



العود الرجال اعترف ولا باقي :)



صحت الآلسن والقلوب ,,, طاروق مكلّف



هلا وغلا



وصح بدنك يا رجال



شرفت ونورت

[عقاب العنزي]

صحة الالسن والقلوب يامبدعين


قاف عملاق وشعراء عمالقه

[عيد بن مرضي]

ههههههههههههههه



طيب طيب يالعمده



إنما الأعمال بالنيات :)

[عبدالله الاصعر]

النشمي-----------العمده




صحت اللسنتكم طاروق عال العال




يستحق المتابعه



احترامي

[راشدالعضياني]

النشمي والعمده


صح السنتكم

على الطارووووق الكايف

ولو اني متأخر ولكن استمتعت بالقراءة


وصراحة انتم شعراء ميدان


واتمنى ان نراكم قريبآ في ميادين المحاورة


والله الموفق

[فايز بن سرحان الثبيتي]

بيض الله وجيهكم



النشمي \ العمده


طاروق متعوب عليه " صحت السنتكم لين ترضون "