علي الشهراني كم هير

[ابوهــندي]

سلام يالهيلا سلامً مابه اشكوكً وريب
وهذي تحيه صافيه مثل العسل من منحله

يابومحمدحالفً ماصير في دارك قريب
اما قبلة العلم ولا ياعسى ماتقبله

[رعد الروقي]

يا سلام


صح لسانك حتى ترضى يا ابو هندي



وصح لسان الشهراني سلفاً




متابع معكم

[ابوهــندي]

مرحبا يالعمدة ويشرفني متابعتك ياذيب

الليل ياعلي مالك خراج

[علي الشهراني]

عذرا على التاخير يابو هندي

و استلم طال عمرك


يا مرحبا بسم الرجال اللي يضدون الحريب=خل العسل لهل العسل يا هيه منته من هله
انا ترا قد قلت لك امرك مع العالم غريب=من دون لا فكر و مشوره اي شيٍ تعمله

[ابوهــندي]

اهل العسل معروف موقعهم بدارك ياللبيب
ونكان شكيت ابكلامي اسئل النحل اسئله

خليتني مجنون والمجنون ماله من نصيب
لاكن ياذيب الذيابه لاتزيد البلبله

[علي الشهراني]

من شان ما تفهم كلامي عكس يا الشيخ الطبيب=احسب حساب المسطره و احسب حساب المنقله
يا الله عسى تفداك روس العالم الي ما تصيب=قدرك ترا مثل الجبل راسي و لا شي زلزله

[ابوهــندي]

خابرك تاخذها وتعطيها وشوفك ماتجيب
بالكلمه اللي بيننا ياللي تشوف المسئله

اتعبت حالي وثر بعض الناس عن عيني تغيب
وحاولت في بني البيوت اللي معاك امخلخله

[علي الشهراني]

الكلمه اللي بيننا يكرم بها راس النجيب=و ان كان في خاطرك علمٍ بسّ قلّي و ازهله
الله و اكبر كيف ردوك لملازم يا نقيب=و انت الذي شاربك في يوم الملاقا تفتله

[ابوهــندي]

اللي يواعدني ترى امره مع العالم عجيب
يكتب كتابه مير ماشفنا كتابً يرسله

ابشرك بني مقدم مير ظنك لايخيب
ياجنديً وقت اللوازم مايحل المشكله

[علي الشهراني]

الشك زايل طال عمرك و الوفا ساسه قطيب=قصرٍ على طول الزمن صفق الهوا ما حلحله
المنبر اللي كل جمعه ظاهرٍ فوقه خطيب=اطيبهم اللي سر علمه في حدود البسمله

[ابوهــندي]

الشك زايل يشهراني مير ماعينت ذيب
غيرك على الوديان لاكن الثعل تحت اجبله

والمنبر اللي كل جمعه مالقى غير الطليب
اللي علومه كلبوها مهزله في مهزله

[علي الشهراني]

انته عيونك للجبل و الوقت عينه للشعيب=الله يستر لا يضيع الشيخ و يضيع اجمله
الدقن لو يصبغ على طول الزمن لازم يشيب=يعني كذا و الّا كذا من هو يفك السلسله

[ابوهــندي]

صح الله لسانك يابومحمد وعزالله وافي ولاكني لازم اطلع الحين والمعذره على عدم الاكمال

الجايات اكثر

[علي الشهراني]

مرحبا بك في اي وقت يا بو هندي



و الله يستر عليك و تصبح و الجميع بخير