عبدالله الاسعدي .. هات علومك

[المحمدي الظبياني]

يا صاحبي والحمول اثقال واقرب تعال=ان كان كفو الحمول الليله اقرب لها
اجمالكم يا زميلي وش هي امن الجمال=وظل الشجر ما عرفنا ويش هو ظلها

[ابوهــندي]

صح السانك ومبدى كايف

[عبدالله الفهد الاسعدي]

معذرة يالمحمدي الظبياني على التأخير

والله ماقريتها الا اليوم بعد العصر
استلم



جيتك ولاشك جعلك جاهزٍ للنزال = لكن صحصح وفل الطيبه فلها
عطنا علومك وحنا أعلام فوق الجبال = والشجرة اللي تروعك خلها خلها

[المحمدي الظبياني]

يا رجال ما عندكـ مشكلة .. امرنا وسيع ..
.
.
.



يا مرحبا في محل(ن) محتمينه رجال=عتيبه اللي بيوت المجد تحتلها
جاتك حروفي ولا جتني ردود المقال=ما جا لبدع الحكم رد(ن) يبرهن لها

[عبدالله الفهد الاسعدي]

دامك ترحب وأنا راع المحل وش يقال ؟!! = يا ضيف يا مرحبا والناس بمحلها
بعض الحكم من عجب يضرب عليها مثال = وانته سوالفك جاها السيل وابتلها

[المحمدي الظبياني]

لا يضرب العرق عندك هد يابن الحلال=يا جاهل في علومي دقها وجلها
الشعر ساس العرب ماهو بلعب العيال=بعض الجمل يا خوي لازم تمعن لها

[عبدالله الفهد الاسعدي]

ابشر بطاني وسيع الا على أهل الهبال = أنا اشهد أني بسيفي دوماً اذلها
الشعر مطعون في كبده ومعها الطحال = والقابله مثلكم ترفاه في حلها

[المحمدي الظبياني]

العز والمجد فينا يالردي لا يزال=والفعل يكفي عن كثير الحكي قلها
ما شفت ذاك البعير اللي لحمله يشال=جاله في العام كبش ويبغي يشلها

[معجب العتيبي]

الضبياني\\\\\\\\\\\\\\


صح لسانك




الاسعدي



صح لسانك



طاروق استمتعت بقراءته

[عبدالله الفهد الاسعدي]

المحترم يحترم والنذل تحت النعال = والمعتدي لا نويته داره احتلها

التاجر الي يدش السوق من غير مال = يا سرع ما دمعته من ناظره هلها

[عبدالله الفهد الاسعدي]

الضبياني\\\\\\\\\\\\\\


صح لسانك




الاسعدي



صح لسانك



طاروق استمتعت بقراءته

صح بدنك ياولد العم

مرورك اسعدني

لاهنت

[المحمدي الظبياني]

بالمختصر يالفهد عقلك يصيبه خبال=استغفر الله لسانها قالها وزلها
ما كنت ناوي غصب لكن لازم تنال=حق(ن) من حقوقك اللي تنكتب كلها

[عبدالله الفهد الاسعدي]

مدام ( نكك ) ظبي وشلون ضرع الغزال = ياكم فهدٍ ليا مرته يشتلها


خزينتك فاضيه ماعاد عندك ريال = لاجيت فج الخبوت احسن لك ادفن لها