زيـــــــــــاد الشطـــــيطـــــي هــــنا!!

[عيد العازمي]

ابو صالح ان سمح وقتك




سلام منّي للخليج اليعربي واليعربي = واقصر سلامي عن بحر قزوين وجباله وماه!!


يدور دولاب الدهر ونشوف لبّاس العبي = يلبس لباس الحرب ويطش العمامه والعباه!!

[زياد المزرمي]

يامرحبا ترحيبة معزب على ضيف اجنبي = ياخذ علوم الضيف واللي دونه يعلّم وراه

شمس الضحى فاعلى السماء مهما حصل ماتختبي = لو ان راس العازمي يندس من خلف الحصاه

[طلال ناشي]

ابو صالح ان سمح وقتك




سلام منّي للخليج اليعربي واليعربي = واقصر سلامي عن بحر قزوين وجباله وماه!!


يدور دولاب الدهر ونشوف لبّاس العبي = يلبس لباس الحرب ويطش العمامه والعباه!!



الله الله


صح السااااااااانك يالعازمــــــي


طيب طيب


وصح الساااااااااان زياد مقدما

[رعد الروقي]

الله الله الله


بدع ورد فل ابشن



العازمي // الشطيطي



صحت السنتكم يا مبدعين



نتابع عن قرب

[زياد المزرمي]

طلال ناشي

هلا وغلا

وصح بدنك يالغالي

[زياد المزرمي]

العمده

صح بدنك يالغالي

والابداع مرورك العطر

تحياتي وتقديري

[عيد العازمي]

راسٍ بدون عراش يازياد الشطيطي للضبي = استقبل الجمع الرزين اللي لفا شاط الغناه!!


الخالق المعبود رب الكون ومحمد نبي = والعازمي فالصف الاول كل ماحانت صلاه!!

[عيد العازمي]

طلال ناشي

هلا وغلا



شرفت اخوانك وصح بدنك

[عيد العازمي]

العمده

اكيد شارلك فورد فل ابشن هههههه


ارحب ياعمدة الابداع


شرفت وصح بدنك

[زياد المزرمي]

ياشاطي الراحه بعد جيناك بالله وش تبي = نعطيك من لول البحر ما يعجز يجيبه هواه

يالعازمي من غير قاصر خلك بظل شنبي = اسمك مابين اللي الحضر واللي ظهر ما حدٍ قراه

[ربح السبيعي]

ياسلام على هالمحاوره الجزله والوافيه




صحت السنتكم يامبدعين




واصلو وانا ماسك الصف

[زياد المزرمي]

لا هنت ياربح

وصح بدنك يالغالي

تحياتي وتقديري

[عيد العازمي]

نظّارتك ماشافت الا هذيل وقت المغربي = ماعندنا راحه ياكود الموت عربون الحياه!!


منته بـ/ أناني لاجل تجحد مسندك من منكبي = دفّيت روحك فالبحر بايداي مع طوق النجاه!!

[عيد العازمي]

لا هنت ياربح

وصح بدنك يالغالي



شرفتنا

[زياد المزرمي]

تقولها لو مكسبك ماهو مشابه مكسبي = انا كسبت المركز اللي مايجيلك بالمناه

ادخل على الله دام ما لك فالمحاكم مكتبي = لا عاد تهرج مع هل التوحيد ورجالٍ قضاه

[عيد العازمي]

رحتو مطايا بالحدايا والمطارق تشعبي = حتى تعدّيتو هضاب المهد وجبال السراه!!


الذيب يهجم في ظلام الليل مايحبي حبي = صيده يجي في حزّته مامد للمعطي يداه!!

[زياد المزرمي]

وصلتي حياض الروى لكن بلّي وشربي = خلي هذاك اللي ماهو كاسب سوا ساعة ضماه

اليا متى واعلمك بأني وصلت لمطلبي = وانته عتيبياً ! لعين الطبع بالدعوى غواه

[عيد العازمي]

قدر الكبير اليا اعتلا معذور قدّامه صبي = ينثر حبوبه والتعب ماغار فادراج الرحاه!!


ضاعت حججك الواهيه يازياد وابليس يهبي = مطلبك يازياد الشطيطي مايشد الانتباه!!

شرفتني يابو صالح والختام عندك


صح لسانك وفالك التوفيق ان شاء الله

[زياد المزرمي]

كنت اعتقد في لحيتك ياعيد مايخيب اتعبي = تبغى الحقيقه فالغلط للي يبا يحفر صفاه

عشرين كيلو ( ظلم ) ماتسوالها شبر بدبي = يعني ترا كلٍ على فعله يبا يلقى جزاه

تصبح على خير يابو طلال

والشرف لي طال عمرك

[عبدالرحمن العنزي]

الله يونسكم مثل ماونستونا مبدعين مع التحيه

[عيد العازمي]

ارحب ياعبدالرحمن العنزي



شرفتنا باعجابك لاهنت


وجعل ايامك كلها وناسه