حسبي على اللي يشيل البندقيه دون ترباس \ مطيري بينكم

[عقاب العنزي]

سلام ردية ٍ من بعد طاح الفاس بالراس = وشلون تظلم وترضى الظلم لنفوس البريه !!

حسبي على اللي يشيل البندقيه دون ترباس = لو الذخيره معه سدّت من العسكر سريه

[منصور الدرين]

يامرحبا من ضمير وجات مبنيّة على ساس .!!


ماني بظلام يالظالم ولاحب الخطية .!!


أنا زهابي سلاحي معك واللي تحكم الناس .!!


وإن كان ماني بقد الماقف الشرهه عليّه .!!

[عقاب العنزي]

دام البقا موقف المطران هذا العام حساس = تخالفت منهو اللي ماسك خطام المطيّه

امريكيا تهدم بنوك الغنا وتعز الافلاس = فيك الامل والفرج لك يالبنوك العالميه

[زبن الجعفري العنزي]

عقاب العنزي


مطيري بينكم



صحت السنتكم والصف وااايلي

[منتظم]

الله الله


عقاب صح لسانك وكلك ياالبناخي

مطيري بينكم صح لسانك


سلام ردية ٍ من بعد طاح الفـاس بالـراس
وشلون تظلم وترضى الظلم لنفوس البريه !!
حسبي على اللي يشيل البندقيه دون ترباس
لو الذخيره معه سدّت من العسكـر سريـه


واصل واصل ياعقاب الصف صفك حتى المووت

[عقاب العنزي]

راع الجدعا


هلا ومرحبا الصف يزهابك يالذيب صح بدنك


منتظم


هلا وغلا والصف يزهابك وجعلك ذخر

صح بدنك

[منصور الدرين]

مطير منهم من يشوتك ومن للبحر غطاس .!!


ياعقاب جعلك ماتقرب دارهم والنار حيّة .!!



مدارس المملكة تجبرك لو ماحولك كلاس .!!



إن كانها بإشتقاق معادلات الأريحية .!!

[منصور الدرين]

يامرحبا والله ومسهلا ياعقاب .~

صح لسانك ولاهانوا المتابعين .~


والليل الليل .~

[حسن إبراهيم الدجيماء]

امريكيـا تهـدم بنـوك الغـنـا وتـعـز الافــلاس = فـيـك الامــل والـفـرج لــك يالبـنـوك العالمـيـه

الله الله ,, ماركة مسجلة لعقاب ,, لايتقنها الا الكبار ,,

عقاب : صح لسانك ,, ورقا شانك ,, مبدع كعادتك ,, ولا أقول إلا استمر الله يوفقك ,,

مطيري بينكم : صح لسانك ,, وابيض وجه ,,

صحت السنتكم ,, وبيض الله وجيهكم ,,

متابع للفائدة ,,

//

إحتراامي ..!!!

[ذياب منير العصيمي]

عقاب العنزي مطيري بينكم

صحت السنتكم واصلو يامبدعين..

[عقاب العنزي]

امطير فديارهم يوم انها شعله ومقباس = كم من مطيري ورد بسيوفنا حوض المنيه

بغا يطير بجناح الطير عباس ابن فرناس = ثم طاح من فوق راس الظلع والطيحه قويه

[عقاب العنزي]

الدجيما

اشادتك تبقى وسام واعتزاز لي وعسى الله يجملني بعيونك

صح بدنك


ذياب العصيمي

صح بدنك ولاهنت على حضورك الطيّب

[منصور الدرين]

لاوالله ألا تبا يعطونك العتبان كراس .!!


تكتب به اللي تحلمته ويعطونك هديه .!!



أنته تشوف السراب يسر شوفك ماملا كاس .!!


ومطير تاريخهم لانته ولاغيرك سميّه .!!

[عقاب العنزي]

مطيري بينكم

صح لسانك ولاهنت تشرفت باللعب معك

انتظرتك قرابة الساعه الكامله والآن استاذنك بالخروج


تقديري

[منصور الدرين]

يامرحبا والله بكل من تواجد في هذا المتصفح .~

وصحت أبدانكم جميع .~

[منصور الدرين]

صح بدنك ياعقاب وأكيد شاعر وأستفيد منك .~

وعذرك معك ومتى مارجعت أنا حاضر .~

لاهانوا المتابعين .~