بعد نصف الليل روح او بعد يمكن زياده....

[جزل المعاني]

ياسلام الله سلاماً فيه مسك وفيه كادي=بعد نصف الليل روح او بعد يمكن زياده
ودنا ناخذ ونعطي قبل صوتك يالمنادي=من بعدها كل رجالاً يروح في مراده

[شداد المري]

اذا سمحت لي ادندن معك :) ..


مرحبا ترحيب ياجزل المعاني غير عادي = والوفاء بين الرجال اهل الوفاء طبعاً وعاده
باقيً الليل توه ماسرى بالعكس بادي = لكن اسلم جعل تسلم والجمل ثبت شداده

[جزل المعاني]

يشرفني طال عمرك


البقاء بك يالمرحب عن طويلين الايادي=والوفاء بين الرجال اهل الوفا طبعاً وعاده
شفت ناساً يرحلون وينزلون ابكل وداي=والا انا مرضى لمثلك يرحل او يترك بلاده

[شداد المري]

كيف تسرق كحل عين البنت وعيونك رمادي = الاسم جزل المعاني والصحيح ابوعراده
والله اني ما اتمشى من بلاد اليا بلادي = غير ادور صيد دام الصقر يطربني هداده

[جزل المعاني]

يشرفني طال عمرك


البقاء بك يالمرحب عن طويلين الايادي=والوفاء بين الرجال اهل الوفا طبعاً وعاده
شفت ناساً يرحلون وينزلون ابكل وداي=والا انا مرضى لمثلك يرحل او يترك بلاده

تعديل البيت



البقاء بك يالمرحب عن طويلين الايادي=في محلاً للمراجل والمروة والريادة

[شداد المري]

نفدا خشمك ..

مايسير تعدله بعد مارديت ..

ولا الدعوه سهلات كلها الا بيوت معرضينها الهبايب ..

[جزل المعاني]

الخطا وارد ولاكن بالسوالف لاتمادي=وانته المري وعينك (فالاثر) ضعف اوبلاده
ابشر ابذيباً يكضك فالصباح وفالهجادي=بعدها من فوق جيدك تلبسون احلى قلاده

[جزل المعاني]

نفدا خشمك ..

مايسير تعدله بعد مارديت ..

ولا الدعوه سهلات كلها الا بيوت معرضينها الهبايب ..


يارجال لاتبربر وتهايط

[شداد المري]

ايه انا المري كعامك كان قلت انك معادي = اكتشفت الحين عينك كنها عين الجراده
والله انك غير تاكل لين تشبع من زنادي = كل قدحه فوحها عن دنيتك تعطيك اباده

[شداد المري]

يارجال لاتبربر وتهايط

وسع بطانك يامال الشحم ههههههههههههههه

[جزل المعاني]

يامحمد كيف تنسى يوم شيخك لك ينادي=ثم قفى (للهواجر) معلناً خيبة رشاده
كان طولت الكلام اليوم افتحبك نوادي=لين تاضع خدتك ياصاحبي فوق الوسادة

[شداد المري]

ماصدقت وفزعته حنا على وسق الشدادي = (ومحلفنا) مثلنا نارً توقد يالرماده
احترامي للجميع اشهد عليك ان انت غادي = غير درسك جاي لا تسري وليل الخير عاده

[جزل المعاني]

ماصدقت وفزعته حنا على وسق الشدادي = (ومحلفنا) مثلنا نارً توقد يالرماده
احترامي للجميع اشهد عليك ان انت غادي = غير درسك جاي لا تسري وليل الخير عاده

كلمة عادة (سرت)


يامحمد كيف تنسى(التامتين) ام المبادي=يوم طقيتو وطيبكم يصوت بالشهاده
يامحمد طيع شوري واستهيد امن الدوادي=لانفتحلك ملفاتاً تسببلك نكاده

[شداد المري]

عاده (طبع ) ساريه

وعاده ( توه ) ماسرت :p


(المبرنس) و(البتيل) ومنها لشرق غادي = غيرها (جو النعامه ) و(الرياحيه) وكاده

كيف تنساها ومهما كان خذ علمً وكادي = القراده من نصيبك واخس ياراع القراده

[جزل المعاني]

يامحمد هرجتك هاذي تراها هرج رادي=والصدى دايم يسوي للضلاعين ارتدادة
تعرفه (حرفاش ناشي فالح ابنك يالكدادي)=(فالمريقب )(والجنيّح) معلنً فوقك جهاده

[شداد المري]

بعد مابعيرك برك والسبه صغار القرادي= رقع علومك ولك خصمً عده يقدح زناده
في (بعيج) وفي (العريق) ايضا رقينا فالمبادي = لكن انت مهايطي مامعك فعل ولا جلاده

[راعي الحزم]

الله الله عليكم

وافين

وروح ياجزل المعاني والصف ازهله

[جزل المعاني]

البعير الي برك من فوقكم والجو هادي=احتسب وانته محلك لين ياصلكم هداده
كيف تنسى (اشريم) يومه يمترح وقت البرادي=شيخ قوماً كيف يهنى بعد هاذي في رقاده


اخوي محمد الفجر اذن بتوقيت السعودية


صح لسانك واعذرنا من القصور


سبحانك اللهم وبحمدك اشهد ان لااله الا انت استغفرك اللهم واتوب اليك

[شداد المري]

البعير الي برك من فوقكم والجو هادي=احتسب وانته محلك لين ياصلكم هداده
كيف تنسى (اشريم) يومه يمترح وقت البرادي=شيخ قوماً كيف يهنى بعد هاذي في رقاده




كيف تنسى (ابن خليل) الي حدينا فيه حادي = قادكم لكن واحد من عيال (بحيح) قاده

اخي الغالي : جزل المعاني ..

كنت اتمنى من بدايت الطاروق ان مستواه ماينزل ولكن للاسف ..

والعنصريه الجاهليه لا تودي ولا تجيب ..

ولا كان ودي اتعرض لـ رجال محلف علومهم غانمه وعزاز وغالين لكن انت الله يهداك !!

تحياتي واحترامي لك وللجميع ..

اخوك : محمد البحيحي