عــتيبــه يامحمد لبسوك المــاس والتيجان

[المثالي]

محمد السناني


سلام الله عليكم والهواجر روس من قحطان
قبيله تنتسب منها القبايل فالسعوديه
وهذا العلم يقنع به سفر ويسر بن عتقان
ترا التحريف ما يصلح فالاديان السماويه


سفر الدغيلبي



الا يا مرحبا ترحيبة الضيفان بالضيفان
والا يا زينها ترحيب طرقيه بطرقيه
تعرف ان الادب والشعر لامجاد العرب ديوان
ولكن اعبثوا فيه المجنن والعليميه



محمد




يدوم الك القاء وعتيبه الهيلا لها ديقان
ولا يمكن تعامل بالعلاقات التجاريه
اخاف انك تحملها الجماعه وانته الغلطان
تسوي حرفنه فالمشكله واعمال فنيه


سفر


عتيبه يا محمد لبسوك الماس والتيجان
وغيرك من مطانيخ العرب تسعين فالميه
كثير الناس يمكن ما تهمه ورثة الجدان
على ما قال الاول راس ما عنده عروبيه


السناني


كبيره يالعتيبي تدعي بالزور والبهتان
تبى لك علم والقوسين شرقيه وغربيه
انا ما املك عصى موسى ولا املك خاتم سليمان
ولكن منبع الدعوى من الارض الحجازيه


سفر



كم اعمامك من عتيبه كم اعمامك من الجهنان
ما دام الناس تربطهم علاقات اجتماعيه
علوم البدو ما تمحى بتمثيلة السدحان
ولو برنامجه عبر الجزيره والعربيه



السناني



انا وعتبه الهيلا من السابق نعيش اخوان
قبل لا ينشر اسمك وسط الاخبار المحليه
جهل والا تجاهل يا سفر والا معك نسيان
سفيرك دبلوماسي والسفاره دبلوماسيه



سفر


خذوك لمصلحه والمصلحه مدفوعات الاثمان
تطب السوق وتجيب البضاعه للشريطيه
على شان المظالم حطت الدوله حقوق انسان
حقوق المسلمين مثبته بصكوك شرعيه


السناني

وقفت الموقف اللي طق راس فلان فوق فلان
وتوقيع الجماعه في شهادتك الدراسيه
لو اهل الجريمه يطلبون العفو والغفران
تشوف الخط فاضي ما تحوم فيه دوريه



سفر


اذا موقفك تفريق الصفوف انقول الك شيطان
ولاتفرق سوا انك لابس ٍ غتره وطاقيه
محمد لاتروع فالامان وطاعة الرحمان
ولا تسري لحالك كان خفت من الحراميه


السناني


انا مريت متفرج وشفت النار والدخان
وشفت العالم اللي فوق الاقمار الصناعيه

[منيرالروقي]

الله الله ابداع من العملاقين وسفر لايجارا _شاعر لايشق له غبار_

[الصقيل]

بيض الله وجهك وليت ابو فايح يفسر الابيات

[فهد علي العازمي]

محاورة كبيرة بشعرائها

لاهنت يالمثالي

واااااصل طرحك

[الباسل الروقي]

محاورة من العيار الثقيل

والسناني شاعر مافيه كلام

ولكن سفر الدغيلبي شاعر بطل وشاعر من العيار الثقيل

ويعجبني فيه انه ما يرحم الشاعر الي قدمه مافيه مجمجه

معه .

لاهنت على النقل الجميل

[ابو فايح]

ابداع من الطرفين وسجال رهيب


الطاروق هذا علمه عند المثالي

اعتقد انه كان بعد طاروق ابن عتقان وسفر

اللي رحب فيه ابن عتقان وقال سفر وش دخللك ترحب عن الهواجر



من خلال ما تبين لي


ان السناني يريد جر سفر لفخ الترحيب


سلم على الحضور ويريد من سفر ان يرحب بالنيابه عن الهواجر ليلومه لماذا يعاتب ابن عتقان


ولكن سفر ذكي رحب لكن باسلوب ذكي (اني انا طرقي وانت طرقي وكلنا ضيوف ) ولكن مرحبا بك
وباقي الطاروق سجال رائع ان عتيبه هم من ساعدوك فالبروز يالسناني والسناني يرفض ذلك .

لاهنت يالمبدع على ما تطرح

[شداد المري]

سفر شاعر مستواه غير طبيعي ..

والسناني عملاق ..

لاهنت يالمثالي فعلاً مثالي ..

[الصقيل]

وافي ياابو فايح ولاهنت

[مرزوق حمدان العتيبي]

...

.
محاوره من عيار الـــــــ25 ذهب ..

لاهنت على ذائقتك الفذه يالمثالي

[حسن إبراهيم الدجيماء]

هكذا الذكااء والحرفنه في البدع والردّ ,,

شعراء فطاحلة ,, ومحترمين في نفس الوقت ,,

المثالي ,, استمر فكل يوم يزيد اعجابنا في ماتطرح ,,

//

إحترااامي ..!!!

[رائد الكيرعاني القحطاني]

ابداع من الطرفين وسجال رهيب


الطاروق هذا علمه عند المثالي

اعتقد انه كان بعد طاروق ابن عتقان وسفر

اللي رحب فيه ابن عتقان وقال سفر وش دخللك ترحب عن الهواجر



من خلال ما تبين لي


ان السناني يريد جر سفر لفخ الترحيب


سلم على الحضور ويريد من سفر ان يرحب بالنيابه عن الهواجر ليلومه لماذا يعاتب ابن عتقان


ولكن سفر ذكي رحب لكن باسلوب ذكي (اني انا طرقي وانت طرقي وكلنا ضيوف ) ولكن مرحبا بك
وباقي الطاروق سجال رائع ان عتيبه هم من ساعدوك فالبروز يالسناني والسناني يرفض ذلك .

لاهنت يالمبدع على ما تطرح



يا سلام عليك يا بو فايح


اصبت في ما قلت


اسمح لي ان ازيد انه كان هناك طارووق بين سفر وبن عتقان اووول طارووق في الحفله وقد رحب ابن عتقان على طول وهو البادي والمفروض انه يسلم لانه معزب وليس باقرب لقحطان من سفر ( من حيث الموقع الجغرافي على الأقل )

فمسكها عليه سفر وقال من ضمن الابيات : رحب عن السلمان ولا عن بني عمك هذيل * ولا بني هاجر ضعونك ما تنوش ضعونها !!


وهذا من دهاء سفر الدغيلبي هذا الشاعر المحنك !!


اما بالنسبه لمعنى هذه المحاوره فإن البيت الثاني من الشاعرين كلّ بيت ثاني من الشاعرين هي عن ترحيبة ابن عتقان


فسفر يقول ان ابن عتقان مخطي وهذي اسلوم ولا فيها مجامله وانها علوم بدون ولا يمكن التحريف فيها
والسناني يقول : اخاف انك تحملها الجماعه وانته الغلطان ولا ابن عتقان ما اخطى !!


عموما لاهنت يالمثالي على المحاورات القيّمه اللي تطرحها يا رائع


ولك تحياتي


واتمنى ان استطعت ان تنزل طارووق ابن عتقان وسفر في تلك الحفله المميزه

[المثالي]

الف شكر لكل من مر منها


وهذا الطاروق اللي تقصده يا رايد


http://www.otaibah.net/m/showthread.php?t=109834

[جنيهةالـــذهب]

مشكــور يالمـثآلي . في . طرحك هالمحآورة التي تعــبر عن اصــآله الشعـر ونقـضه وفتله .

فهكذا المعــآني والاســلوب الراقي بالطــرح في شعر المحآورة بعيدآ عن النزاعآت القبليه وغيرهآ .


جنيــه الذهب. مبدع يآبن متــروووووووووووووووك - مآفيكك حيله في معآنيكك .

العملآق سفر . مبدع في هجومك - تمنيآتي لك بالتوفيق .


مآقــصرو الاخوان في تفسير معآنــي . المحآورة او جزء منهآ . واحب ازيد على كلآمهم .


المحآورة بدهآ ابو متروك . في ذكر قبيله قحطآن وعصورهآ وان اكثر القبآئل تنتسب منهآ .

كمآ انه اكد على سفر في قوله (وهذا العلم يقنع به سفر ويسر بن عتقان
ترا التحريف ما يصلح فالاديان السماويه )


رحب سفر ورد على ترحيب ابو متروكك وفي فكر قآل ويآزين ترحيب طرقيه بالطرقيه. ايه انهم جميعآ ضيوف واكد ايضآ سفر في معنى ان قبيله قحطآن تنسب اليهآ اغلب القبآئل .

في قوله (تعرف ان الادب والشعر لامجاد العرب ديوان
ولكن اعبثوا فيه المجنن والعليميه )

اي . ان الادب والشعر قديمآ يستدلون فيه العرب . وانه مرجع لجميع من اراد ان يبحث عن اجابته .


وايضآ . حملت المحآورة مشآدة بينهم بمعنى واصاله شعر المحآورة وهم بالنهآيه عينآن لراس .


سفر ايضآ اراد هجوم السناني بقوله ( عتيبه يا محمد لبسوك الماس والتيجان
وغيرك من مطانيخ العرب تسعين فالميه )


ولآكن ابو متروكك . بنقض ورد للبيت رد بقوله ( كبيره يالعتيبي تدعي بالزور والبهتان
تبى لك علم والقوسين شرقيه وغربيه )

اي تبيلك شهرة في قوله علم والقوسين شرقيه وغربيه اي ان اتهام سفر له مآهو صحيح .


محآورة جميله . وفكـر راقي من عمآلقه شعر المحآورة حمله الكثير من المعآني والفتل والنقض .


شآكرلك . مثآلي في نقل هذة المحآورة



ودي