قصيده لم تنشر للشاعر عمار القلاع

[سهاج ابن روق]

السلام عليكم ورحمة الله وبركاته
هذه القصيده للشاعر عما ر القلاع تم العثور عليها اخيرا كما اتمنى اضافتها الى ديوانه


ياحامسين البن حمس التلاحيق= تاليه نسف وفاول الحمس دوبه

ذره اليا جا للهبايب تصافيــــــــق = ورد الذرا من يم صالق هبوبــــه

من خوف يطلع في جنوبه تحاريق = حرقان ولا ان النيا في جنوبـــه

ترى مواري البن بش الاعاريـــــق = من خوف لايطرق شرابه شبوبه

والبن خله مثل دم الافاليـــــــــــق= باللون والا الروب ماهو بروبــــه

وترى بهار البن عشرن مغاليـــــق= الا ياكود الهيل غادي احبوبــــــه

وسوقه على الي فالمجالس صناديق= ان جاك نبا غلقو عنك نوبـه

وسوقه على مروين حد المراهيق= امدورة درب الحسب لين جوبــه

وكفه عن الي مايسد الاراويــــــق= الي يجيب العذر من كم ثوبـــــه

ينكس الي جا للشكاله طواريــــق= ينكس عليه الي تحمل ذنوبــــه

والكيف مايصلح لطير الحميميــــق= الي جناحينه تصافق جنوبــــــه

مشعل القلاع

[فلحان الروقي]

صح السان الشاعر وبيض الله وجهك قصيدة رائعة

[فهد الجبري]

صح الله لسانه

ولا هنت يا ذيبان

[سهاج ابن روق]

[quote=فلحان الروقي;1044912]صح السان الشاعر وبيض الله وجهك قصيدة رائعة[/sizealign=center][color=#ff0000]



[size=4]يامرحبا يافلحان

مجمل ومشكور على مرورك طال عمرك

[سهاج ابن روق]

صح الله لسانه

ولا هنت يا ذيبان


ولا هنت يالجبري

لك كل التقدير والاحترام مع الشكر على مرورك

[طلال ناشي]

الله الله


صح الساااااااااااانه


وسوقه على الي فالمجالس صناديق = ان جاك نبا غلقو عنك نوبـه

وسوقه على مروين حد المراهيق = امدورة درب الحسب لين جوبــه

وكفه عن الي مايسد الاراويــــــق = الي يجيب العذر من كم ثوبـــــه

ينكس الي جا للشكاله طواريــــق = ينكس عليه الي تحمل ذنوبــــه

والكيف مايصلح لطير الحميميــــق = الي جناحينه تصافق جنوبــــــه

كـــــــــــــــلام ,,,

لاهنت يامشعل على النقل تحياتي

[محمد العتيبي]

بيض الله وجهك يالغالي

وصح لسان الشاعر / عمار القلاع العالي العتيبي

تحيتي لك
...

[سهاج ابن روق]

الله الله


صح الساااااااااااانه


وسوقه على الي فالمجالس صناديق = ان جاك نبا غلقو عنك نوبـه

وسوقه على مروين حد المراهيق = امدورة درب الحسب لين جوبــه

وكفه عن الي مايسد الاراويــــــق = الي يجيب العذر من كم ثوبـــــه

ينكس الي جا للشكاله طواريــــق = ينكس عليه الي تحمل ذنوبــــه

والكيف مايصلح لطير الحميميــــق = الي جناحينه تصافق جنوبــــــه

كـــــــــــــــلام ,,,

لاهنت يامشعل على النقل تحياتي





يامرحبا ياشاعر القبيله

ولاهنت يابو ناشي لي الشرف بطلتك مع شكري وتقديري

[سهاج ابن روق]

بيض الله وجهك يالغالي

وصح لسان الشاعر / عمار القلاع العالي العتيبي

تحيتي لك
...



اهلا وسهلا بك اخوي محمد

ومشكور جملتني ياكحيلان

باشرافك المميز مع فائق الاحترام

[إبناخي الزلامي]

صح الله لسان شاعرها ويمين ناقلها ولسان الشاعر المعروف عمار القلاع العتيبي

أولاَ اخواني وياخوالي يعطيكم ألف عافيه على طرح قصائد الشاعر العملاق عمار القلاع
واشكركم على اجتهادكم المشكور وكما يقال لكل مجتهداً نصيب
ولكن اخواني الاعزائ هذه القصيده ليست للشاعر الكبير عمار القلاع ولكنها لبناخيه
الشاعر رباح إبن زهيميل أبولحم المهلكي المطيري وهذه القصيده معروفه لدينا ويرددها كبار السن وانا اعلم انها نقلت من ناحيت الخطأ او اللبس
لان الشاعر رباح ابولحم هو بناخي الشاعر عمار القلاع وكان في زيارت خاله وطلب منه خاله عمار في مجلسه وامام ابناء عمومته العتبان " يناخي ابي منك قصيده فالبنات المزاين " ووكان يعلم عمار القلاع ان ابناخيه شاعر متمكن ولكن رباح ابولحم لم يستسغ هذا الطلب وكانه يقول انت راعي هوى وقد انحرف الشاعر رباح ابولحم وقصدة في القهوه هذه القصيده الرائعه والتي اشاد بها خاله عمار القلاع
وانا اعلم ان هذا الخطأ غير مقصود ولكم مني خالص ودي وتقديري

[إبناخي الزلامي]

إخواني الاعزاء لم اضع التعليق إلا لإحداث تغير .. ولم اضعها لتهميش
هذا ولكم خالص ودي وتقديري

[سهاج ابن روق]

مرحبا بك اخوي بناخي الزلامي

واقدم اعتذاري لك على طبق من ذهب

واشكر سعيك على ايصال المعلومه

ونقل القصيده اتاني من رجل كبير السن وذكر ان هذه القصيده للشاعر عمار القلاع

وبعد اطلاعي على التوضيح استفسرت منه مرة اخرى واطلعته على المناسبه فرد

بانه لايعلم والصواب ماذكرته يابناخي الزلامي واعتذر لمقامك واعتذر لكل من قرأ هذه الابيات

من الاصدقاء او ابناء عمومتي لان القصيده اتتني بانها للشاعر عمار القلاع ونحن نحرص على نقل كل

مايتعلق بالشاعر عمار القلاع لان من ليس له ماضي ليس له حاضر واكرر الاعتذاااااااااااااار

وكفيت ووفيت يابناخي الزلامي وكثر الله امثالك في توضيح الحقيقه

لك شكري وكل الود