العمده .. لاهنت

[زبن الجعفري العنزي]

مساء الخير يالعمده

متى ما فضيت نبي نتعلم منك





ياسلام سلام الرايه المنشوره = يبتدي مني ويرجع ياعتيبه ليه

عمدة الشعار عالم في زمان الثوره= البلا من يقنع اهل السلطه الرسميه

[رعد الروقي]

اهلا وسهلا يا راعي الجدعا ابن وايل


الفايدة لي





الله الله




مرحبا باهل الــوفا والوقفة المخبوره=رحب تبقى وجهته في خاطري سريه
من سنام شعيل وزعة راعي الباكوره=ما غدى له كود حاجه تعتبر رمزيه

[محمد النخيش]

الله الله

راعي الجدعا

والعمده

صح السنتكم متاااااااابع

[زبن الجعفري العنزي]

البقا فاصحابنا اهل الوقفه المشهوره= والامور الظاهره تجزى بحسب النيه

والنعم به مار ماادري لو جرحت شعوره=كيف يرضى في ضياع حقوقه الشرعيه ؟

[زبن الجعفري العنزي]

محمد النخيش


حياك الله يالغالي



مار بشرني عن وضعك في مسابقة قناة الصحراء

[رعد الروقي]

الله الله




النفوس الواثقة باذن الولي منصــــــوره=تقبل الدولار وتعيي عن الربيه
مير بعض القوم من قل الدعم مكسوره=يعتريها الشك لو ما حصلت جمعيه

[رعد الروقي]

الله يحييك يا محمد النخيش



حضرت فانست وشرفت



صح قلبك ولاهنت

[زبن الجعفري العنزي]

الله الله ياسلاااااااااام




البشر ياصاحبي منهية ٍ ماموره = ماعلينا من الخبر فالصفحه الشعبيه

يوم( سامي) دون (ماجد )لقبوه اسطوره =مايدل الا على كون الذمم ملويه

[رعد الروقي]

الله الله




كل فارس ما يغره صوت والا صوره=لو تزيد الوانها مـوجاتها الصوتيه
تظهره يمنـــاه ويقدم على طابوره=بالسهم والسيف والمشعاب والشبريه

[زبن الجعفري العنزي]

بحر جده من بعيد تزينه نافوره =مار في قربه تجيك العله الصدريه

الهدم يارعد طب الديره المعموره= مار ياخوفي يصل للبنيه التحتيه

[رعد الروقي]

الله الله




التشاؤوم يا وسيع العرف سلبي دوره=لا تساوي راعي الحسنه براع السيه
فيه امام من الكتاب يجيد 100 سوره=استمع له لا تلى والا استمع في زيه

[زبن الجعفري العنزي]

الله الله



في نهاية موجز الاخبار ياجمهوره=العذر ماودنا فالنشره الجويه

لو رعد فالزيت الاشقر داهن ٍ حنجوره = ماتأثر كلمته فالكوره الارضيه




صح لسانك يارعد وشرفتني بهالطاروق


تصبح على خير وتبقى استاذ يستفاد منه

[رعد الروقي]

الله الله




راعي الجدعا لو انه يعتني في شوره=ما طلــع فالليل بالنظاره الشمسه
لو يطول المـــــــــاد بانت لليالي عوره=مير يا زين السعه والطيب والحنيه

[رعد الروقي]

تأكد ان الشرف لي يابن وايل



هذا من طيبك وتواضعك فقط



صح لسانك مليون ولا تسد



وانت من اهل الخير

[عقاب العنزي]

عمدة الشعار عالم في زمان الثوره
البلا من يقنع اهل السلطه الرسميه

ياسلام ياسلام

وانا اشهد



من سنام شعيل وزعة راعي الباكوره
ما غدى له كود حاجه تعتبر رمزيـه


نعم نعم


كفو يارعد وانت فوق الحاجات الرمزيه للامانه


صحة الالسن والقلوب ويعلم الله ابداع من الطرفين ولاغرابه عليكم الابداع

[حسن إبراهيم الدجيماء]

ياسلام ياسلام ,,

بداية كايفة وقفلة جميلة جدّا ,,

صحت السنتكم يالعمالقة ,, تبقون أساتذة ونتعلم منكم يعلم الله ,,

أبيات أعجبني وابهرني تركيبتها بغض النظر عن المضمون وماتنبي إليه :



عمدة الشعار عالم في زمـان الثـوره = البلا من يقنع اهل السلطه الرسميه


من سنام شعيل وزعة راعي الباكوره = ما غدى له كود حاجـه تعتبـر رمزيـه


يوم( سامي) دون (ماجد )لقبوه اسطوره = مــايــدل الا عــلــى كــــون الــذمـــم مـلــويــه


كل فارس ما يغره صـوت والا صـوره = لـو تـزيـد الوانـهـا موجاتـهـا الصوتـيـه

تظـهـره يمـنـاه ويـقــدم عـلــى طـابــوره = بالسهم والسيف والمشعاب والشبريه


بحـر جـده مـن بعيـد تزينـه نـافـوره = مار في قربه تجيك العله الصدريه

الهـدم يارعـد طـب الديـره المعمـوره = مار ياخوفـي يصـل للبنيـه التحتيـه


فـــي نـهـايـة مـوجــز الاخـبــار يـاجـمـهـوره = الــــعــــذر مــــاودنــــا فــالــنــشــره الـــجـــويـــه


راعي الجدعا لو انه يعتني في شوره = مـــا طـلــع فالـلـيـل بالـنـظـاره الـشـمـسـه


سلمت اناملكم وافكاركم ودمتم عمالقة ,,

//

إحترااامي ..!!!

[زبن الجعفري العنزي]

عقاب العنزي



صح بدنك والابداع في مررورك لاهنت






الدجيما


صح بدنك وشرفنا مرورك




تقديري للجميع

[ربح السبيعي]

ياسلام ياسلام



على الأبداع والجزاله



حبك وسبك وفتل ونقض لايجيده إلا الكبار




صحت ألسنتكم يامبدعين

[معجب العتيبي]

الله الله



والله يالولا التعب عقب الغياب



لانسقها خمس مرات



صحة الالسن


مبدعين

[ابو فايح]

يعجبني اللعب اذا جاء بهذه التركيبات الرائعه


راع الجدعاء صح لسانك طاروق رائع جدا خصوصا بيت (سامي وماجد) ماجد الاسطوره ولا فيه غيره وسامي العمده ولا فيه غيره والطرق الملويه كلها من الأعلام والجمهور المتعصب



العمده تعجبني فيك ثقتك في نفسك صح لسانك لين ترضي مبدع في كل حالتك

[زبن الجعفري العنزي]

ربح السبيعي


معجب العتيبي


ابو فايح


صحت ابدانكم جميعا


واشكر لكم الحضور الرائع



لكم كل المحبه والتقدير

[رعد الروقي]

عقاب العنزي // الدجيماء // ربح السبيعي // معجب العتيبي // ابو فايح



مرحبا مرحبا


حضوركم المشرف هو مكسبنا الحقيقي



صحت ابدانكم وقلوبكم


والله لا يهينكم