من قصائد / ماجد بن ضيف الله بن شمروخ السيحاني

[خالد السيحاني]

دار دولاب شعري والمعاني جزال
ياسحاب القوافي هل وبلك غزير

من هجوسي بيوتً مثل وزن الجبال
ياجبال الحجاز ويارواسي عسير

كل بيتً ليا مني نظمته لحال
فيه حشمه وقيمه فيه قدرً كبير

به سلام كثير وفيه معنى الجلال
فالسلامه مسالم والمعارك شرير

اشرب الشعر شربي للقراح الزلال
عقب ذاك الخيال بجال ذاك الغدير

لوبغينا المثايل ماعسرنا المثال
مثل قطف الزهور ان فاح منها العبير

للمعزه عزاز وللمذله رذال
كل قدر بمقامه والرحى تستدير

كل مايل يعدل لين يصبح عدال
للفهــامه فهــيم وللمســـأل خبير

كل صعبه بسيطه لابغوها الرجال
كـل حـرً لـيا منه تنهض يـطير

عارفين الحرام وعارفين الحلال
وعارفين الجنان وعارفين السعير

استون المعاني زين والعذق مال
استون للمديح وكل صعبً يسير

ياهل العز ربعي ياكرام السبال
ياكعام المعادي فالنهار الشرير

بالسيوف الصقيله واليمان الطوال
والرماح السنينه تردعون المغير

والسياحين ربعي مالربعي مثال
بالكرم والمعزه مالربعي خشير

قرنةً من قديم وعزهم مايزال
وارثين الشجاعه من كبير لصغير

كلما شفت بابً في رقاب الجمال
فز قلبي لشوفة وسمهم بالبعير

طيبهم طيب مبطي ماعليها جدال
يوم كلً لخصمه سل سيفَ شطير

مانسب القبايل مير ربعي لحال
كل شخصً يمثل فالقبيله بأمير