مشاهدة النسخة كاملة : رايد الكيرعاني
سهم الليل
24-May-2010, 03:12 PM
مرحبا ياقحطاني وستمع للعلوم=وش تبا بالعرب يوم انت تبرالها
انظر انظر يارايد لسما والنجوم=لقحطان السما يمكنه اشوالها
رائد الكيرعاني القحطاني
24-May-2010, 03:41 PM
سهم
سأجاريك مع اني اعلم ان محاوراتي معك ما تكمل
البقا للرجال اللي تعرف السلوم = والمطاليق حالف لأسمع أقوالها
ما ورا بعض خلق يكون الهموم = أبتلشنا بشيلتها وموّالها
سهم الليل
24-May-2010, 03:48 PM
مرحبابك مجاراتك مكسب انشالله يكمل الطاروق
استلم
ياقحطاني ماجالك فالبشر من وسوم=تبلش الناس فالك غير عن فالها
الهموم الصحيحه يوم فرك الخشوم=يوم جمع الجحادر نار يرثالها
رائد الكيرعاني القحطاني
24-May-2010, 03:58 PM
أحمد الله أنا ما أعامل الاّ القروم = والكفوف الشّحيحه مالي ومالها
الجحادر بشر .. لكن مانت بظلوم = من مذلّتك شفت النّار في جالها
سهم الليل
24-May-2010, 04:50 PM
تحسبن المناسب لعبةٍ للهيوم=المناسب تحد السيف لرجالها
الخطا مانحبه والحقيقه تشوم=والمذله تروك الناس منزالها
نمرً المقآطي ] ’
24-May-2010, 04:52 PM
من مذلّتك شفت النّار في جالهـا
والمذله تروك الناس منزالها
الله الله ،، بـيوووووت طيـّبه ! ،، صح لسـآنك يآسهم ويآشـبل ، ’
مـــــــــتآبع !!
رائد الكيرعاني القحطاني
24-May-2010, 04:57 PM
مستحي ما نويت اجلس وأشوفك تقوم = ليت صبيان مشيب تمسك عيالها
ان بغيت الحقيقه ما نلحّقك لوم = وانت من عزوة ما تقصر حبالها
سهم الليل
24-May-2010, 05:21 PM
تدري اني على الميقاف رجلٍ عزوم=وانت سبت كثوح النار وادلالها
ما نبا في عبيده يظهر الها لجوم=ثم تضيق الحصاه وتشتكى اجبالها
سهم الليل
24-May-2010, 05:22 PM
’;1043968']من مذلّتك شفت النّار في جالهـا
والمذله تروك الناس منزالها
الله الله ،، بـيوووووت طيـّبه ! ،، صح لسـآنك يآسهم ويآشـبل ، ’
مـــــــــتآبع !!
نمر
ياهلا وغلا
وصح بدنك يالغالى متابعتك شرف لاهنت
تقديري
رائد الكيرعاني القحطاني
24-May-2010, 05:27 PM
نمر
مرحبا بك ومرورك مميز كعادتك
لاهنت
رائد الكيرعاني القحطاني
24-May-2010, 05:32 PM
داري انّك عزوم وداري انك جزوم = وادري انّ الحمول العوج تشتالها
بعد ما رحت عنا ثم عطيت الجموم = لا تطرّي عبيده تعرف افعالها
vBulletin® v3.8.2, Copyright ©2000-2025 Arabization iraq chooses life