جمله التعبير والافكار

[مشعان العتيبي]

هلا يامرحبا ترحيب يفرق حاضر الشعار=ترانا نعرف بنوك الوطن والي رصد فيها
انا الليله بناقش جمله التعبير والافكار=مادام ان العرب كثرت على الدنيا بالاويها

[علي الشهراني]

صح لساااانك يا مشعااان


في انتظاار قبيلك


متاابع

[& محمد خالد القحطاني &]

يدوم الك البقى ياللي ترحب والقلوب اسرار=وترانا نعرف اقلوب الرجال اللي نماشيها
تفضل وانحت الخاطر وغوص بغبة الابحار=مدام ان العرب لدت وحطت بك هقاويها

[مشعان العتيبي]

يقولون الشمال وصاحبه هدد وشب النار=ويمكن تاكله دامه من البارح يصاليها
محمد يامحمد منتدانا ماكر لاحرار=ولااظنه يفكر في علوما ضاع واليها

[& محمد خالد القحطاني &]

ليا منه عرف منهاج جيرانه وحق الجار=فخله والعرب ماتاكل الا مايكفيها
تشب النار ساعة والمقهوي بيننا دوار=ولابة فالحوية كود راعيها وبانيها

[مشعان العتيبي]

لقيت الحق ضايع يامحمد بين بس وفار=لاكن القوم ماتهرج والاملح في عالابيها
ابورقله يهز الراس ويصادم هل المقدار=عجايب ياجماعه ياعسى ربي يسويها

[& محمد خالد القحطاني &]

بزين الحال ثم بتربع القيعان بالامطار=ومن له حاجةٍ منزوعةٍ ماهوب ناسيها
ابو رقلة يبا يشري بعد ماغليت الاسعار=وبه ناسٍ مع الذيدان معروفة بساميها

[مشعان العتيبي]

صح لسانك يامحمد

[أبو جساس]

الله الله الله

صح لسان كل واحد منكم على حده:)



<<يقول صحت اللألسن أوحيهم يقولونها ولاني بدانيها .


المهم أنكم أبدعتوا وأمتعتوا يعطكيم العافيه