من يظن ان الطريق المعروج مستقيم

[صالح سالم]

يا سلام الله سلام المسافر للمقيم = يوم انا لا الجمع جمعي ولا الدار بلدي
من يظن ان الطريق المعروج مستقيم = ينتحي عني ويمناه لا تصافح يدي

[سويلم الشيباني]

مرحبا بالطرقي اللي لفا الجمع الكريم=خير لاهل الخير والشر يلو المعتدي
نعرف ان بليس ملعون وان الله رحيم=مار هات علومك اللي كما الزهر الندي

[صالح سالم]

عقب ما ازهر واخضر العشب في روضة خريم=كيف يبس العود والارض قاعٍ جرهدي
وانت تعرف من دعاء بين مكه والحطيم =مطلبه طيب المكاسب ليوم الموعدي

[جـفـن الهواجر]

ياسلام ياسلام

ابداع ابداع

صالح سالم +الشيباني =ابداع

>>>>>> متابع لأبداع والجزاله المفغمه للفائده

[البشيري]

صح السان الشاعرين0

.................................................. ........................

[صالح سالم]

جفن الهواجر
صح بدنك

متابعتك تشريف طال عمرك


البشيري

صح بدنك

اشكرك على المتابعه

[سويلم الشيباني]

يوم لاح البرق والارض ماليه بديم=كل عرق(ن) حي زامي ولازام الردي
اصلح النية مع الله بالقلب السليم=وان طلبت الله يالعبد قولي المقصدي

[سويلم الشيباني]

جفن والبشيري صحت ابدانكم والمعاني في بطون الشعراء

[صالح سالم]

الزعيم اللي عهدناه ما عاد الزعيم = طاح كرته عقب ما كان من فوق الجدي
وانت لو تعرف بفرق الجديد عن القديم = كان شفت الفرق بين المبارز والعدي

[سويلم الشيباني]

ماطمع في ريس القوم رجل(ن) غشيم=لو سرى بالليل ووحى عوى الذيب يغدي
انت ميز بينها خل رجل(ن) فهيم= وان جهلت الفرق ماهوب عيب(ن) تنشدي

[صالح سالم]

شدو التجار واللي بقى عندك مقيم = ما يروي كبد ضامي بطيب الموردي
تصغر اكبار المشاريه بالعقل السليم =ولو هنا يرجع زمانٍ مضى لأذبح فدي

[سويلم الشيباني]

صح السانك ومقيم والسليم كلها سارية

[صالح سالم]

صح السانك يالذيب
وبيض الله وجهك
وتشرفت باللعب معك

الحقيقه ان المحاوره فتحتها البارحه لكن ماحد رد وخرجت ولآن ان مضطر للخروج ولنا لقاء بحول الله والختام عندك

تقبل خالص شكري وتقديري لك ولكل من مر من هنا

[صالح سالم]

صح السانك ومقيم والسليم كلها سارية

صدقت والله انا كتبتها على عجل لكن لنا لقاء وبيض الله وجهك

[سويلم الشيباني]

وجهك ابيض ياصالح والله لايهينك