اسليم وعتابه وسبيع الغلباء؟؟؟؟

[علي الثبيتي]

السلام عليكم ورحمة الله وبركاته
مساكم الله بالخير جميع
ربح السبيعي دوك الطاروق ان سمح وقتك


يا من يلم اسليم وعتابه مع الغلباء سبيع= ويسير صيته معتلي بين القبائل كلها
وباق القبائل ماتخالفهم ليا التمو جميع= وجهة نظر واللي عقد روس الحبال يحلها

[علي الثبيتي]

ابو عبدالله الظاهر انك ماشفت البدعه ولك متى ماسمح وقتك
وانا ابتابع حفل على قناة المرقاب

[ربح السبيعي]

مرحبا بتواجدك والوقت والله ضيق

لاكن استلم لاهنت

الامر هاذ مسحيل وقمة المجد الرفيع=ياكثر والله من سكن هذا الزمن في ظلها

كل القبائل للمواقف والمعالي تستطيع=مع الفوارق وتعرف دق العلوم وجلها

[نوآف الغنامي]

الله الله الله




ابو فهـــــد




صح والله لسانكـــ



مبدع يالعووود




وننتظر السبيعي

ونشوف وش يقول ؟

[ربح السبيعي]

مرحبابك ياخيال الصفراء




والسبيعي شف رده فوق



لاكن التنسيق عجزة فيه والله يعينكم تنسقون البيوت

[ربح السبيعي]

النشمي انت معي والا ومع المرقاب


كانك مشغول بلغني ترى النوم ماعاد هوب بعيد

[عيد العازمي]

النشمي



يا من يلم اسليم وعتابه مع الغلباء سبيع= ويسير صيته معتلي بين القبائـل كلهـا

وباق القبائل ماتخالفهم ليا التمو جميـع= وجهة نظر واللي عقد روس الحبال يحلها



ربح السبيعي



الامر هاذا مستحيل وقمة المجد الرفيع=ياكثر والله من سكن هذا الزمن في ظلها

كل القبائل للمواقف والمعالي تستطيع=مع الفوارق وتعرف دق العلوم وجلها



الله ياالعود ابو فهد


ومرحبا يابو خالد ربح


صحت السنتكم ونتطلع الى اكمال الطاروق

[:: محمد النفيعي ::]

الله الله متابعين

[علي الثبيتي]

المعذره والسموحه ياربح انشغلت البارح وكانك متواجد الليله من بعد صلاة العشاء نكمل الطاروق
والا خيره في غيره


اليا اجتمع شمل العرب تبا تغلق كل ريع= منته بجاهل يالسبيعي والدروب ادلها
واليا تفرق شملهم من خصمهم راحو مزيع= واصبح يبيح في حماهم والسيوف يسلها

[جـفـن الهواجر]

الله الله

ياسلام ابداع

الله لايضركم وصح ألسنتكم

[ربح السبيعي]

أستلم يالنشمي لاهنت



انته كلامك من ذهب لاكن صدرك مش وسيع=جارك ليا جت زلته لايمكن انك تزلها



لنكان ما لاحظت نفسك وانتبهت الها سريع=فأنته تباء تبطي ونفسك مابردت لغلها

[معجب العتيبي]

ابو فهد


وربح السبيعي


صحة الالسن



مبدعين

[ربح السبيعي]

صح بدنك يامعجب العتيبي



شرفنا مرورك يالقرم

[علي الثبيتي]

ترى الدليله لن مشى فالدرب لايمكن يضيع=واللي يدور للمعالي لاهيا ياصلها

الوقت هذا مختلف ويشيب الطفل الرضيع=واللي خلق يمهل مخاليقه ولا يهملها

[علي الثبيتي]

جميع من مرو على المتصفح صحت ابدانكم
ويشرفنا تواجدكم

[علي الشهراني]

النشمي و ربح السبيعي



صحت السنتكم جميعا



و الصف صفك يا عووووووووووووود

[علي الثبيتي]

صح بدنك وبارك الله فيك والصف يزهابك ياسمي

[عيد بن مرضي]

هههههههههه


رايك سليم وانت رجالٍ حكيم يالنشمي


والصف مع سبيع الغلباء هههه


صح الله السنتكم