المملكه تنتج ذهب وافغان ناتجها حشيش

[المثالي]

حبيب العازمي


مستور في راسه خبر لكن مدري العلم ويش
مدري كذا والا كذا والا خبر صح وخطا
بين الشتا والصيف يرححل وادعى رحلة قريش
يرقب وصول المنتظر والمنتظر صح وخطا



مستور العصيمي



من لا يعاين وجهة الانظار والله ما يعيش
اما سنه والا شهر والا شهر صح وخطاء
ان كان نوايني بنيه يا حبيب ما عليش
الشمس من فرع القمر والا القمر صح وخطاء




حبيب العازمي




اللملكه تنتج ذهب وافغان ناتجها حشيش
والهند عبادة بقر ما فالبقر صح وخطاء
الناس صاحت وانت ما تدري تصيح الناس ليش
علة نحر جت فالنحر وسط النحر صح وخطاء



مستور


الحمل جاير مير شيله ثم حطه بالشويش
قربتنا يم الخطر ليش الخطر صح وخطا
ياللي تعرف المملكه ما دون وادي بيش بيش
واللي طلع ضلع القهر شاف القهر صح وخطاء



حبيب



الريح ما حرك جبل والبحر لابده يطيش
والله لا اقضك فالبحر لو البحر صح وخطاء
لو شرهة ابن حميد وصلت عند صاحبنا الدويش
قدم عذر بالمختصر والمختصر صح وخطاء




مستور



كلمة هاذي يا حبيب ماتجيك بقرص عيش
قدامك النور الحمر ترا الحمر صح وخطاء
اعرفك يا ذيب الجبل واعرفك يا ذيب الفريش
حط الحجر فوق الحجر ترا الحجر صح وخطاء



حبيب


ان ضاقت ارض الله ترا ماني بطير بدون ريش
الحر يشهر للساء ما ما في شهر صح وخطاء
عزالله انك رجل قايد كان صار الجيش جيش
وانا معك ضابط خفر مير الخفر صح وخطاء



مستور


اقول وانحت من صخر ماني معود للقشيش
يا الشاعر انحت من صخر ما فالصخر صح وخطاء
ترا الاصايل يا حبيب ما تشبه بالكديش
اقولها غيب وجهر ترا الجهر صح وخطاء



حبيب



زانت علومك يالعصيمي مير قفلها بشيش
ان كان رايح في سفر يا كم سفر صح وخطاء

[ابو فايح]

ابداع

عمالقه لا يستغرب منهم

كانت احد حفلات الطائف الصيف الماضي


واعتقد المعنى أحد شعراء الحفل المتواجدين معهم


(المملكه تنتج ذهب وأفغان ناتجها حشيش)


المثالي مميز فيما تطرح واصل سيرك حفظك الله

[الجوراسي]

المثالي مبدع جدا ومتذوق للشعر الحقيقي

والمعنى بلا شك لا تجهله يابو فايح

محاورة قمة في المعنى والمبنى


وقد حاول صقر سليم الدخول معهم في المعنى ولكن مستور له راي اخر

[علي الشهراني]

بغض النظر عن المعنى



محااوره اعجبتني كثيرا



شكرا لصاحب المووضووع

[سـعـد الـعـصـيـمـي]

الله الله

المثالي انا من متابعين نقلك المميز اللي يدل على رقي ذائقتك

استمر :)

[سعود العصيمي]

بيض الله وجهك يالمثااالي

ماتجيب الا كل طيب يالطيب


محاورة رااائعه جدآ


صحت السنة الشعراء



وسلمت يدااااك يالمثاااالي.

[الجوراسي]

الله الله

المثالي انا من متابعين نقلك المميز اللي يدل على رقي ذائقتك

استمر :)

اخوي سعد هلابك

شفت لقاء امس على قناة الاماكن تقريبا مع شاعر اسمه سعد العصيمي مدري انت ولا لا وكان يتكلم عن محاورة مع تركي الفين وكيف ان تركي رفض عرض هذه المحاورة على قناة الصحراء


ان كان هو انت ليت تشرح لنا القصه

[سـعـد الـعـصـيـمـي]

لا طال عمرك يمكن تقصد سعد مشخص العصيمي ؟

بس انا خابر انه شاعر نظم :)

[العتيبي أبو تركي]

أول شي مشكور وبيض الله وجهك يالمثالي .

وثانياً طالبينك يا أبو فايح تنزلها لنا صوت ولا فديو . لاهنت .

[المثالي]

بيض الله وجه كل من مر من هنا