يلي تحل المعجزه

[عبدالله الفهد الاسعدي]

السلام عليكم ورحمة الله وبركاته

يسرني ان اقدم لكم هذه المشاركة المتواضعه

الله من قلب(ن) همومه تلاطم = تلاطمت ياكبرها من مصيبه

هم(ن) على هم(ن) وهم(ن) على هم = وسط الحشى ترجس بغبة قليبه

واصبحت اكابد عبرتي واتلملم = مما حصل بايامنا ذا الغريبه

هذي نعدلها وهذي تحطم = واللي ربحنا اليوم بكره ذهيبه

الى اعتدل هذا وهذا تقوم = ينهار سد سالم مادريبه

شفت العنا ء وشربت كاس معلقم = منه انجرحت وطحت طيحه عجيبه

نهضت جسمي مير عظمي تهشم = اقوم واقع ثم اعود بغيبه

والى انتعش جسمي يارب سلم = تجي على غره بيوم تعثيبه

اركض واشقى والولي بس يعلم = القى شقى لكن محد دريبه

يلي تحل المعجزه بالمعلم = عطني حلول لليال العصيبه

ابي نصيحة صاحب مايتمتم = شور سداد و واجب نقتدي به

نسمع بشور الصاح وحنا نتعلم = وان كان ضاع الراي حنا نجيبه

هذي مقادير الولي المقسم = وانا رضيت بقسمتي من نصيبه

وسلامتكم

[سعود العصيمي]

واصبحت اكابـد عبرتـي واتلملـم
ممـا حصـل بايامنـا ذا الغريبـه
هـذي نعدلهـا وهــذي تحـطـم
واللي ربحنا اليـوم بكـره ذهيبـه
الـى اعتـدل هـذا وهـذا تقـوم
ينهـار سـد سـالـم مادريـبـه




راع الزلفي

صح لساااانك على هذا الابداااع

[عبدالله الفهد الاسعدي]

واصبحت اكابـد عبرتـي واتلملـم
ممـا حصـل بايامنـا ذا الغريبـه
هـذي نعدلهـا وهــذي تحـطـم
واللي ربحنا اليـوم بكـره ذهيبـه
الـى اعتـدل هـذا وهـذا تقـوم
ينهـار سـد سـالـم مادريـبـه




راع الزلفي

صح لساااانك على هذا الابداااع

صح بدنك ياولد العم

الله يرفع مقامك على هذا الاطراء

شكراً لك على هذا التشريف