وين العتيبي يا عتيبه

[المحمدي الظبياني]

يا سلام الله سلام ينعرف مبدا سلامي=في رجال تعرف الماجوب وتحب الجميله
سرت في وفق النظام ولا بخالف للنظامي=وكل فارس في عتيبه يا ربع يومي بخيله

[ماجد العصيمي]

مرحبا ترحيب ما غناه ابن زيد الزلامي=في ليال الصيف واللي قابله زيد العضيله
شي اكيد المحترم يفرض عليك الاحترامي=وان عصيت الامر شالوك العرب باهون وسيله

[عز الرفيق]

صحت الالسن
بدعه كايفه ورد واااااااااااااااااااافي
متابعين

[ماجد العصيمي]

صح بدنك ياعز الرفيق مرورك اضاف للقاف الشي الكثير

[المحمدي الظبياني]

البقا ثم البقا يا شاعر(ن) حامي بـ حامي=وكل سيف(ن) بارع(ن) يا صاحبي نسمع وليله
ويش رايك يا زميلي في اساليب الحرامي=والحرامي تنقطع يده بضربات(ن) صقيله

[علي الشهراني]

و الله العلم

صحت السنتكم و بيض الله وجيهكم

و الصف شبلااوي

[المحمدي الظبياني]

الظاهر شبل انسحب وما له نيه يكمل

[ماجد العصيمي]

كان غاديلك بضاعه ياولد وكل محامي=لاتثاري بالكلام الا محضرلي دليله
انت اظنك لو تصل الفرض خليت الصيامي=العزوم احيان تغدر بالرجل وتهد حيله

[عز الرفيق]

لا لا مايصير ينسحب

كمل كمل ياشبل كمل


ههههههههههههههههههههه

[المحمدي الظبياني]

بارك الله يا شبل فاللي عرف معنى كلامي=وكان ما يفهم كلامي ناذر(ن) لاشعم سبيله
السماء فيها بروق ولاح من فوق الغمامي=وانت جاهل في علومه وانت جاهل في حصيله

[ماجد العصيمي]

لاتنوه والعزيمه كلها فول ويدامي=خابرين اللي ينادي كل عصريه بليله
لو يلوح البرق شرق ولويلوح البرق شامي=كلبوها بروق صيفن لوتكاشف فالمخيله

[المحمدي الظبياني]

يا عتيبه ياهل الامجاد وافعال الكرامي=المزون تهل والوادي سقاه وسال سيله
يا خوي والعلم حنا نسمعه في كل عامي=لا تنّشب في الجليله وانت ما تقوى الجليله

[ماجد العصيمي]

ماعرفنا وشهو اسمك لو يعدون الاسامي=وان نشدني عنك حاكم قلت له هذا بقيله
لو نشدتك وش تحصل فالقبور ام العظامي=مدري اتجيب الجزيله او تضويلك هزيله

[المحمدي الظبياني]

حن هل الامجاد والافعال مروين الحسامي=حن هل التاريخ لا شبت في الهيجا فتيله
لا يثور اعجاج شعرك وانت ما تعرف مقامي=وانت منت بكفو من هو بالشدايد مرتكي له

[ماجد العصيمي]

شكرا نكتفي معك بهذا القدر

[المحمدي الظبياني]

لا هنت يا شبل وصح لسانك وبيض الله وجهك