الشهراني .. للفائدة حياك الله

[رفيع المنزل]

ياسلام الله برده مابها غير الصراحه = والصراحه تزعل العربان من ماض الليالي
انت وعقاب ابن عمي كدكم داخل مساحه = والسبب لانك جنوبي وان ابن عمي شمالي !

[متعب المقاطي العتيبي]

الصراحة طيبة

صح لسانك وصح لسان الشهراني مقدماً

متابعين ...!!!!!

[رائد الكيرعاني القحطاني]

الله الله الله





اجل الرّبع يكدّون داخل مساحه !!





طيب طيب





صحت الألسن والقلوب





والصف جنوبي جنوبي





تحياتي

[علي الشهراني]

الله يحييك يا رفيع المنزل




يا هلا و الصقر في كبد السماء يخفق جناحه=ما يهمه طال عمرك لا بعيد و لا موالي
المكافح لو يطول الوقت ما يغدي كفاحه=و الجنوبي و الشمالي روس في روس المعالي

[علي الشهراني]

ارحب ارحب يا نداوي



صح بدنك و مشكووور

[علي الشهراني]

الله يحييك يا رايد





و الله يعزك يا الديار الجنوبيه




مشكوووووووور

[رفيع المنزل]

الله يبقيك يالشهراني


البقا بك يالمهلي والمراجل مستباحه = بس حجدان المخاصم طبع من طبع الرجالي
والله اني عارف الناجح واثمن له نجاحه = مار شفت ابسط حقوقه شي يشبه للخيالي

[رفيع المنزل]

نداوي

رايد القحطاني


الله يحييكم وحضوركم يكفي

[رائد الكيرعاني القحطاني]

يا سلااااااام



متااااااااابعين للفائده



وصحة السنكم جميعا



وصفك شعله يا كحيلان





اعجبني هذا البيت كثييييييرا

والله اني عارف الناجح واثمن له نجاحـه
مار شفت ابسط حقوقه شي يشبه للخيالي



بيض الله وجهك يا رفيع المنزل


بيت شااااااااااااااااااااااااااااااعر وانشهد


مروري

[أبن الجزيرة]

الله الله

رفيع المنزل

مبدا كايف الله يرفع منزلتك

الشهراني

رد وافي وجزل

ومايستغرب من شاعر مثلك

الليل الليل

متابعين

[علي الشهراني]

كان ودك بالتعب يا صاحبي يقفاه راحه=خل عنك ذياب ابن غانم وابو زيد الهلالي
الله الله لو درا الملّاح عن سر الملاحه=كان ما وقّت هبوط الطايره وقت الزوالي

[رفيع المنزل]

ووجهك ابيض يالقحطاني واتشرف باعجابك


وحياك الله يابن الجزيرة تواجدك مسب

[علي الشهراني]

يا هلا بك يا رايد



و مرحبا بك



( كحيلان ترا له قصة لا تكووون ؟؟ )



مشكوووووور و الصف يزهاابك

[علي الشهراني]

ابن الجزيره



مرووورك هو المكسب طال عمرك



مشكوووووووووور

[عبدالله الفهد الاسعدي]

ياسلام بدع ورد اكثر من رائع

بيض الله وجهك يارفيع المنزل

وبيض الله وجه الشهراني

وشاد الصف وبقوه معكم

[علي الشهراني]

راعي الزلفي


مرحبا بك و الله الله في الصف


مشكووووووووور و ابيض وجه

[رفيع المنزل]

لو نبي نطرد سراب القيظ فالقاع البراحه = ماحسبنا لكل مر ولاحسبنا لكل حالي
اعتبرها ياوسع المعرفة رحلة سياحه = الحرام اللي على مثلك على غيرك حلالي

[رفيع المنزل]

را ع الزلفي الله يحييك وشرفتنا بتواجدك

[علي الشهراني]

لا تسمّع كل هرج و لا تتابع كل ساحه=لجل ما تدخل متاهات السجن و الاعتقالي
الزمان يدور ليله في حرا نجمة صباحه=و المعنّى للمعنّى همّلالي همّلالي

[رفيع المنزل]

ادري ان الميت ضربه فعلة ٍ ماهي مباحه = مار اقول المسك يطلع من بعض دم الغزالي
قول لي كم شفت واحد من شباب الاستراحه = كان مايجلس بدالك يعتبر جالس بدالي

[عيد بن مرضي]

الله الله


الوايلي - الشهراني



صحت الآلسن والقلوب



متابع

[رفيع المنزل]

عيد بن مرضي الله يحييك وصح بدنك

[علي الشهراني]

المصيّح لا يهمك لو يزوّد في صياحه=أخذ عبره من كليم الله في يوم النزالي
يعتبر ما يعتبر ناظر عميلك و اقتراحه=( القصار امن الشجر ما تحسب حساب الطوالي )

[علي الشهراني]

الله الله


انت وش جااابك يا عيد


قصدي صح بدنك و قلبك


مشكووور و ابيض وجه

[الرومي]

صح السنتكم .

متابيعن لتذوق المعنى .

[علي الشهراني]

ارحب تراحيب المطر يا الرومي



مرورك اعده مكسب و شرف



مشكوووووووور على متااابعتك

[رعد الروقي]

الله الله



طاروف معتبر من شعار معتبرين



صحت السنتكم ودام ابداعكم

[علي الشهراني]

العمده


مرووورك هو المعتبر


مشكووور

[رفيع المنزل]

ماوصل للمعركة فارس وفاليمنى سلاحه = غير يبغى يدحر العدوان لاثار القتالي
الجزيرة لو تبي تحسب حساب للوقاحه = كن لاجت كل نشره ماتبث الا العدالي

[رفيع المنزل]

الرومي حياك الله والشرف بمتابعتك



استاذي الشاعر العمدة

حياك الله ومرورك مثل ماقال الشهراني هو المعتبر حياك الله مرة اخرى

[علي الشهراني]

الجزيره ما تبي شيخ العداله و السماحه=يا عساها للنفاد و يا عساها للزوالي
يا صبي وايل ختام القاف كلمة من فصاحه =و الله انّك تاج راس و درع جنب و راس مالي

[علي الشهراني]

بيض الله وجهك اخي رفيع المنزل


شرفتني بالدعووووه


صح لساااانك شاااعر و ذو اخلاق عاليه


لك الشكر و التقدير


تصبح و الجميع على خير

[رفيع المنزل]

ووجهك ابيض والشرف لي بمجاراة شاعر مثلك

وانا المستفيد منك شعر منك شعر واخلاق

وختامك خير ختام وماعليك زود يالطيب


الى اللقاء وعلى الخير نلتقي


وصباحك وصباح المتابعين يشرق بخير