المساعد الشخصي الرقمي

مشاهدة النسخة كاملة : الليل يا صفوف -- مشتاق مع مرزوق العتيبي

مشتــــاق
18-Jan-2005, 09:57 PM
السلام عليكم


يشرفني الليله اللعب مع:
الشاعر الكبير مرزوق العتيبي -*-*- مراقبنا العزيز


يالله يا صفوف شيلوا


يا لا لاله يا لالاااااااله يا لاله يالا لاااال
يا لا لاله يا لالاااااااله يا لاله يالا لاااال



نبغى نشوف الصفوف
مرزوق حمدان العتيبي
18-Jan-2005, 10:02 PM
....
الشرف لي يامشتاق
ابركها من ساعه واغلاها من لحظه

سقها الله لايسوقك.... لشر :)
والصفوف عانهم اوقوف بس مانسمعهم
ولانشوووفهم ... يادوب نقرا احروفهم ...
اسلم ...
مشتــــاق
18-Jan-2005, 10:06 PM
ههههههه


طيب طيب


يا سلام الله سلامٍ يسرّ الحاضرين = من هجوسٍ هجرست من جديد الحانها
قوم يا "مرزوق" جاتك علوم الغانمين=والنفوس محاسبه وش يقول لسانها!

يالله ياعيال
مرزوق حمدان العتيبي
18-Jan-2005, 10:21 PM
الله الله
..

مرحبا ترحيبة ٍ فيك ياذرب اليمين = من شعورٍ صادقه والوفاء عنوانها
هات علمك هاتها وامسك الخط اليمين = كل كلمه تنكتب توزن بميزانها
مشتــــاق
18-Jan-2005, 10:30 PM
خلووووووووووووووووووووووووووها


طيب طيب


العروس مشرّعه مار قلّي يا فطين=الصلاه بـ ديننا وش ثلاث أركانها؟؟
ثم علي أحطّ عودٍ بعين الجاهلين=يلعن الله شاعرٍ ما يقود عنانها
مرزوق حمدان العتيبي
18-Jan-2005, 10:55 PM
ياسلام ياسلام

العروس مشرّعه واظهرت لك كل زين = وانت منت بحولها لو جلست اوزانها
مير ركد ونتظر لين دعواها تبين = والسفينه عارف ٍ دربها ربانها
مشتــــاق
18-Jan-2005, 11:05 PM
الله الله


اللليل

خلوووووووووووووووووووووووها


كيف عدت منك وانته على علم ٍ مكين=يا "مراقب" راسها كيف فات ارسانها!!؟
ما تجي وسط الحراح الهرايا مع سمين!=مار اشوف ام الكباير ورى ورعانها
بعيـد المرامع
18-Jan-2005, 11:20 PM
متابعين ولازمين الصفوف
واصلو ياشعااار

بعيد
مشتــــاق
18-Jan-2005, 11:35 PM
حياك الله يا بعيد المرامع


متابعتك تشجيع لنا



امسك الصف
مرزوق حمدان العتيبي
18-Jan-2005, 11:37 PM
...

الله الله
استلم لاهنت.. والمعذره على التاخير
يا اخي المنتدى جاه بطئ ماهوب طبيعي
هو عندي بس ولا عندكم...


ماتعدّي مختصرها وصلـك بكلمتين = والضريبه بينه ما اختلف نيشانها
ليه تقعد وانت جنبك على الشده متين = السلامه عانها والاخيره عانها
مرزوق حمدان العتيبي
18-Jan-2005, 11:38 PM
بعيد المرامع
اسفرت وانورت .....
امسك الصفين والله يعينك
وانا لاغنيت بيوتي ابي اجي اساعدك :)
بعيـد المرامع
18-Jan-2005, 11:40 PM
ابشر يامشتاق..بلزمت الصف

ماتعدّي مختصرها وصلك بكلمتيـن والضريبه بينه ما اختلـف نيشانهـا
ليه تقعد وانت جنبك على الشده متين السلامه عانهـا والاخيـره عانهـا
بعيـد المرامع
18-Jan-2005, 11:44 PM
هلا بالشاعر مرزوق ..
وبالنسبه للمنتدى عندنا وعندك خير..
فيه بط،
مشتــــاق
18-Jan-2005, 11:46 PM
طيب طيب

وصلت :)


انا الحمد لله عندي " دي اس ال" وانصحكم بـــ "الدي اس ال"

ما يبطي الواحد

هههههههه

خلووووووووووووووووووووووها


وصلت الهرجه بشكّ و نبثنا للدفين=لين بيّن خدها كل شيٍ زانها
كم نجومٍ بالسما نشتريها بالف عين=وكم ديار مقدره كلها من شانها
مشتــــاق
18-Jan-2005, 11:48 PM
سلمت يا الذيب " بعيد المرامع"



اسمٍ على مسمى
مرزوق حمدان العتيبي
19-Jan-2005, 12:05 AM
طيب طيب...
خلووووووووووووها...
ايـــه من قدك ولد نعمه ودي سي ال :)
وانا وبعيد المرامع مغار نغوّل اشتراك ارامكو ولاّ نسمه


جعل ربك يالسنافي على وقتك يعين = لو ذكرت لشرّها مانسيت احسانها
والله انا خابرين الامور وعارفين = كان تبغا حلّها عيّد بشيطانها
مشتــــاق
19-Jan-2005, 12:21 AM
الله الله

=====

وين عيال نعمه (هل تعلم أن الدي اس ال ارخص من الهاتف واوفر)

===
خلووووووووووووووووووووووها



ما بقي من خيرها يا عميل الا ثنين= واحدٍ خرف والاخر على حدّانها
تلعب الدنيا علينا بعسرات السنين=والضحية والمه علقوا كرعانها


:) :)
مرزوق حمدان العتيبي
19-Jan-2005, 12:38 AM
ياسلام ياسلام..
:)


انت تزمر كنك اللي معلّق نجمتين = ان ابغيت اتقول حاجه نبي برهانها
ابتلشنا والله انه يخلّص كل دين = ماعرفنا راضي الناس من زعلانها
اخوي مشتاق صح لسانك
وبيّض الله وجهك ... اللعب معك ممتع
ولكن الوقت طرف.. وانا رجال ٍ
بكره وراي سفر .... اذاً نراك على خير..
واستر ماواجهت ... وسامحنا على القصور... اللي لابد منه..
شكرا لك والشكر موصول لخوينا واخونا بعيد المرامع
على تشجيعه وحضوره المشرف..
مشتــــاق
19-Jan-2005, 12:42 AM
صح بدنك

وصح لسانك ملياااااااااار

وما تشوف شر = ودربٍ خضر ان شاء الله

ولا حصل الا كل طيب يا ابيض الوجه


ولنا لقاء ان شاء الله


بعيد المرامع


حضورك اسعدنا
الــوآفــي
19-Jan-2005, 04:00 AM
ابكم انا ما دريت والناس تلعب من بعد الساعه 2 عشان يتسحرون ليا خلصوا

وانتم قشطتوها وحنا غافلين

بس محاوره رائعه

صح السنتكم

اخوكم ذيبان
مرزوق حمدان العتيبي
28-Jan-2005, 04:47 PM
..
صح بدنك ياذيبان..
وخيرها في غيرها ياسنايدي..
والمحراف طار ٍ طرى وقالووووووبه الرياجيل في رمشة عين :)
...
تحياتي
((الدلبحي))
29-Jan-2005, 03:00 PM
تسلمون يالربع
صح السانك اخوي مرزوق والاخ مشتاق محاوره طيبه من شعراء لهم مكانتهم بالمنتدى

تحياااااااااااااااتي
كحيلان السريح
29-Jan-2005, 06:04 PM
صح السنكم
محاوره رائعه
لاهنتو
اخوكم كحيلان
مشتــــاق
29-Jan-2005, 07:39 PM
ذيبان

الدلبحي

كحيلان السريح


****************

صحت ابدانكم

****************

لقد اضاء تواجدكم سماء هذه المحاوره