أنا الله حطني في المنتدى مثل الملك فاروق

[طلال ناشي]

مساء الخير يابن سرحان

شرفني لاهنت


أنا الله حطني في المنتدى مثل الملك فاروق = حكمة الشعر وهل الشعر يافايز بمنطوقي

تفضل ونتبه للهرج لين تغلق الطاروق = ولا عاد أتعذر كل ماغنيت طاروقي

[رائد الكيرعاني القحطاني]

الله الله




متابعين للملك فارووق وابن سرحان




صحت السنكم وقلوبكم





بدعه توحي بطارووق جزل






تحياتي

[رعد الروقي]

أنا الله حطني في المنتدى مثل الملك فاروق
حكمة الشعر وهل الشعر يافايز بمنطوقـي
تفضل ونتبه للهرج لين تغلـق الطـاروق
ولا عاد أتعـذر كـل ماغنيـت طاروقـي




يا سلام عليك يا طلال ناشي


بداية موفقة


صح قلبك



وننتظر ابن سرحان ليكتمل الابداع


وصح لسانه سلفاً



متابع

[ماجد العصيمي]

ابن ناشي انت علومك علوم


صح لسانك وبانتظار فايز

[أخو جوزا]

صح لسانك يابوناشي وصح لسان فايز

[طلال ناشي]

الله الله




متابعين للملك فارووق وابن سرحان




صحت السنكم وقلوبكم





بدعه توحي بطارووق جزل






تحياتي


صح بدنك يارائد


ومتابعتك تزيدنا ماتنقصنا

بس أخاف يطلع طلال ناشي أضعف واحد ....... كما سبق

بما أنك تنقد الشعراء من منظومه تنم عن خبره واسعه في هذا المجال

ولك في ميادين المحاوره باع طويل .

[عيد بن مرضي]

الله الله



طلال - ابن سرحان



صحت الالسن


متابع

[طلال ناشي]

أنا الله حطني في المنتدى مثل الملك فاروق
حكمة الشعر وهل الشعر يافايز بمنطوقـي
تفضل ونتبه للهرج لين تغلـق الطـاروق
ولا عاد أتعـذر كـل ماغنيـت طاروقـي




يا سلام عليك يا طلال ناشي


بداية موفقة


صح قلبك



وننتظر ابن سرحان ليكتمل الابداع


وصح لسانه سلفاً



متابع



يامـــــــــرحــــــــــــبا يالعــــــــــــمده

صح بدنك


متابعتك نوماااااس


الله يحيك يارعد

[طلال ناشي]

الشبل صح بدنك

وماعليك زود طال عمرك


أخو جــــــوزا

يامرحبتين أكبار شرفتني بمرورك


الغااااااااالي

وصح بدنك

عيد ابن مرضي


صح بدنك

وأعز من يتابع

لاهنت

[فايز بن سرحان الثبيتي]

الله الله يابن طلال لكن الليل سرا طال عمرك "


المعذره كنت مشغول شوي " ولا انتبهت لبدعتك "




وانا الله حطني سلطه يابن ناشي على المطفوق = احده لين ارده ياطويل العمر مع نوقي
نميز بين هدات الصقور وحذفت الغرنوق = ولو ان الرخيصه جات في سوق ٍ ماهو سوقي

[علي الثبيتي]

احده ليـن ارده ياطويـل العمـر مـع نوقـي
غير بدل هههههههههههههههههههههه

صح لساااااااااااان طلال
و
صح لساااااااااااااااانك يابو ريان

[فايز بن سرحان الثبيتي]

ارحبوا .. ثم ارحبوا .. ثم ارحبوا


كل ٍ باسمه "

[طلال ناشي]

ليامريت ففياض الجماعه فل فالرقروق = وراسك لاترزه دام باقي فالوطن روقي

هداك الله يابن سرحان طعني حسن المنطوق = تراك اول ضحيه في الكلام أن شان منطوقي

[أخو جوزا]

اصبحنا واصبح الملك لله

[عيد بن مرضي]

وراسك لاترزه دام باقـي فالوطـن روقـي


ههههههههههههه

ليش ياطلال كذا ترانا اخوان

[طلال ناشي]

ههههههههه

ارررررررحب ياخو جوزا


صح بدنك يالنشمي

[طلال ناشي]

وراسك لاترزه دام باقـي فالوطـن روقـي


ههههههههههههه

ليش ياطلال كذا ترانا اخوان


ههههههههههه

علي الحرام يابومرضي

أنكم غالين كلكم

وخوان وعلى راسي بعد ... بس لا دقق كثير


( أحترم النقد ألا مباشر )

لله درك ياعيد

[فايز بن سرحان الثبيتي]

ليا مريتكم ماحدني غير الهوى والشوق = وبنت اللاش عان قناعها فوقك ماهو فوقي
بعد بليت راسك ماتروح الا وهو محلوق = لكن روق وخل السالفه تمشي على ذوقي

[طلال ناشي]

ليا مريتنا تلقى لك الله بيض المسلوق = وبيضك يالثبيتي من زمان العام مسلوقي

أنا ماهمني فالناس لاناصر ولا مرزوق = وابن سرحان لاناصر ولا بالشيخ مرزوقي

[فايز بن سرحان الثبيتي]

تبا تحذف بيدك اللي عساها بالكسر والعوق = وانا خابرك مانته سابق من العام مسبوقي
اريت اللي يبا يرفع هنا خشمه ماهو بمخلوق = على وجهك تسجل والليالي تحفظ حقوقي

[طلال ناشي]

عسى الله مايعرضنا الزرى ... والطاقق المطقوق = ليامنه نفخ ذربه يجيه الطاق مطقوقي

تعبر مع عتابه لين ترفى ثوبك المشقوق = مادام الدايرات أدوربك والثوب مشوقي

[فايز بن سرحان الثبيتي]

غشيم و تجمع الماء ياطلال بكفك المخروق = وانا بسقيك دام الدم يمشي داخل عروقي
بعد ماضاع راس المال كله .. لا تطب السوق = وبنك الراجحي مدعوم من جيبي وصندوقي

[طلال ناشي]

لاكن أنته يابن سرحان قلي بس ويش تحوق = مادم أن السما فوق وفيه أرعود وبروقي

يقولون الرجال أهل المعرفه للحقوق أحلوق = وأنا شوفك حليقك من ثلاث أيام مخنوقي

[فايز بن سرحان الثبيتي]

ابو ناشي تصبح على خير النوم سلطان "

"


يابن ناشي تريح لا تطاااوع قلبك المحروق = تصبر كل مطرود ٍ مع الايام ملحوقي
قصرت الصوت اضنه هكذا من عبرته مخنوق = من ايلومك بعدها وانت اخذت الطاق مطبوقي

[طلال ناشي]

صح الساااااااااانك يابن سرحاااااااان


شرفتني طال عمرك


تصبح على خير


لاهنت


احترامي ,,,

[طلال ناشي]

ليا مريتنا تلقى لك الله (بيـضك) المسلـوق = وبيضك يالثبيتي من زمان العام مسلوقـي

**********

لاكن أنته يابن سرحان قلي بس ويش تحوق = مادم أن السما (فوقك) وفيه أرعـود وبروقـي


*للتعديل فقط *