يافواز لي يومين ادورك وابغاك !!!!!!!!!!!

[سعود البرقاوي]

الاخ فواز السعيدي على حسب وقتك بارك الله فيك


يافواز لي يومين ادورك وابغاك = وصلني سوالف عنك ماهي صريه
ياليتك تجاوبنا ليا من نشدناك = وش اللي حصل فالريع هاك العشيه

[عيد بن مرضي]

الله الله


بدعه مجنونه


صح لسانك ابو فهد ولسان فواز


ومن باب رد الجميل الصف صفك


تقديري

[رعد الروقي]

يافواز لي يومين ادورك وابغـاك
وصلني سوالف عنك ماهي صريه
ياليتك تجاوبنا ليـا مـن نشدنـاك
وش اللي حصل فالريع هاك العشيه


نعم نعم ماهو صري عني



صح لسانك يا سعـــــــــود


وصح لسانك يا فــــــــــواز



ودام اجتمعتوا


زانـــــت للي يبا يتابع مثلي

[سعود البرقاوي]

عيد بن مرضي
بارك الله فيك وفي اهل الجميل

شكرا لك

[سعود البرقاوي]

العمدة
ما اقدر اسبق الاحداث لكن تراها في ذمتك

حياك الله وتسرني متابعتك

[سعود العصيمي]

ياليتك تجاوبنا ليـا مـن نشدنـاك
وش اللي حصل فالريع هاك العشيه



ياليتك تجاوبنا ليـا مـن نشدنـاك
وش اللي حصل فالريع هاك العشيه



هههههههههه

ابوفهد صح لساااانك


مليااااار

والصف صفك ولايهووون فوااز

وصح لساااااانه مقدمآ

[سعود البرقاوي]

صح الله بدنك يالهرش
والصف وصفوفه وراعيه يزهابك

ارحب ارحب

[فواز السعيدي]

ارحب ياسعووود
///////////
..................


تدوّر على الرجّال .. مار انتبه (جاك) = وهذا .. الخبر تحذير مدري وصيّه !!

ليا زانت علومك وهذّبت معناك = يزين القصيد .. ونجتهد فالدّعيه !!

[سعود البرقاوي]

تحاول تعشى الذيب لكن تعشاك = وصرت الضحية قبل عيد الضحية
لابالله دخلك الشك واصبحت شكاك = لكني معك بافتح ملف القضية

[فواز السعيدي]

الله الله
/////
........


عشى الذيب وانا خوك مثلك وشرواك = انا من كلام المنقهر ماعليّه !!

ياليت الذي داوا جماعتك داواك = قبل ماترد ياسعود حاض المنيّه !!

[سعود البرقاوي]

طيب طيب


ثلاثة من الهذلان يملون مخباك = وكلن علشانك يعاون خويه
علامك تحداني وانا ما اتحداك = ولا ادري ورى نيتك دايم رديه

[فواز السعيدي]

عيد
العمده
سعود


ارحبووووووووووووو


لاهنتو جميع

[فواز السعيدي]

الله الله
////
.......



عسى الداب بانيابه يجي ويتمساك = ويدفق من السم فيك صبح وعشيّه !!

توقّع قبل لاتشتبك روس الاسلاك = وتحرق صنوخك والشنب واللحيه !!

[سعود البرقاوي]

طيب طيب يافواز صح لسانك
ان بغيت تختم والا نكمل في وقت لاحق

الصلاة واجبه والامطار والخير يصب


عطوك النشاما عقب صليت مسواك = وهاذي هديه ماوراها جزيه
نشدتك وقمت تحوص وتروح مناك = ترى ذمتي مما حصلك بريه

[طارق النفيعي]

الله على الأبداع

صحت الالسن

ومتابع ومستمتع بالأبداع الشعري ..

[فواز السعيدي]

في وقت لاحق ان شاء الله



الصبح اصبح


ومن اصبح افلح