الحبحب و الشمام و عيد بن مرضي !!!!!

[علي الشهراني]

مساء الخير للجميع



سلام و مرحبا جمّعتها بالود و الاكرام=هديّه للصديق اللي علينا طوّل غيابه
يبن مرضي ترى الحبحب حلاه احلى من الشمّام= و هاذي صبغة الالوان و الالوان كذّابه

[علي الثبيتي]

الله الله
صح لساااااااااااانك ياسمي
وصح لساااااااااااان عيد

كل ياعيد وعلمنا ايات احلى هههههههههههه

http://t2.gstatic.com/images?q=tbn:u5w-_DUYUu_jlM:http://img2.pict.com/d3/6c/bc/1568853/0/d8a7d984d8b4d985d8a7d985.jpg



http://t2.gstatic.com/images?q=tbn:aAnKgGSkd7uwlM:http://dc04.arabsh.com/i/00306/whysfhr16jdc.jpg

[علي الشهراني]

هلا هلا يا العوود



و صح بدنك طال عمرك



و الظااهر و الله اعلم انها كلها ممتااازه

[عيد بن مرضي]

الله الله

ومساء النور



يبارك فيك ياللي تعرف الأبطال والآقزام=الأول ماهوب الثاني وكلٍ يحسب حسابه
تقوله وانت لامنّك طويت تسوق فالأقدام=وتاكل لين راع المزرعه دونك قفل بابه

[عيد بن مرضي]

هههههههههههههه


النشمي صح بدنك


وكلها طيبه

[علي الشهراني]

طيب طيب طيب




حسبنا حسبةٍ يمشي بها الطرقي ثلاث ايّام=ليا منّه رقى راس الجبل عينه على دابه
على طاري المزارع كيف ماتت مزرعة صدّام=بعَد ما الله بلاه بعالمٍ للحرب حرّابه

[عيد بن مرضي]

الله الله



يبا يمشي واكيد إنّه / معه بندق ومعه حزام=لاكنّ الرجل عينه ماتشوف السيف ونصابه
ابعطيك الصراحه ,,, والليالي خانت الأيام=على اثره قلوب الناس صارت حيل مرتابه

[علي الشهراني]

يا سلام يا سلام



على سطح القصر ناظر و شاهد كثرة الاعلام=ثلاث ارباعها يا سيّد السادات نصّابه
ترى سبّة وفاته حبحبه من حبحب الالغام=على شانه يحاول يقلب الشمّام دبابه

[عيد بن مرضي]

الله الله الله



ترى المؤمن قوي ايمان لو كثروا هل الأفلام=وراع الحمله اللي جابها / في ظهر قلابه
وفاته كلنّا ندري ,, على شانه اسد ضرغام=لكنّك لا تسبّ القرم خل القرم فـ / ترابه

[الصاطي,,]

يا سلااااااااااااااااام




قااااف يقعد الراس



صحت لالسن القلوب

[عيد بن مرضي]

ارررحب يالصاطي,,


ومرورك اللي يقعد الراس


وعليها صح بدنك

[علي الشهراني]

يا سلام يا سلام يا عيد




ترى ما هو غريب انّ اليهودي يدخل الاسلام=و لكن الغرابه كيف مسلم يهجر اكتابه
مع الايام تعرف ويش فرق الروس و الاقدام=و تعرف ليش شيخ القوم خلّى فتلة اشنابه

[علي الشهراني]

يا مرحبا يا الصاطي



و مشكووووووور

[عيد بن مرضي]

الله الله


فلوس الشيخ ماتبخل / على جميعة الأيتام=هذا ياخذ طعامه ,, وفيّه منهو جدد ثيابه
سمعت القصه اللي يوم مروا , والوعد قدام=لكنّه ماتوقع يا علي , في لمة اصحابه

[علي الشهراني]

طيب طيب



يتيمٍ يصرف الايتام يمكن بس ( في الاحلام )=تحلّم طال عمرك حلم بو نوّاس و اعْيَابه
يقولون المثل يا عيد طبع الآدمي عوّام=يبا ينسى هوا الاصحاب لا منّه لقى احبابه

[رعد الروقي]

الله الله


ابداع غير مستغرب



الشهراني // عيد مرضي


صحت قلوبكم



متابع

[علي الشهراني]

صح قلبك يا العمده




و مشكووور و ابيض وجه

[عيد بن مرضي]

الله الله



انا قد قلت لك راسك يعيش فـ / قالب الأوهام=وهذه خلتك مثل الذي مايحكم اعصابه
لو أنّ الحكم بيديّنك ختمت الحكم بـ / الأبهام=وقتلت الشيخ والعالم تصلي عند محرابه

[عيد بن مرضي]

اررررررررحب يالعمده


الله حيّه


وصح بدنك وقلبك يالقرم

[علي الشهراني]

على بيض الصحايف ما نويت اكسّر الاقلام=لكنّ الوقت الاقشر ويش اسوّي كشّر انيابه
ليا منّك عرفت السر في الانفال و الانعام=عرفت ان اليهود ايهود نهّابه و غصّابه

[علي الشهراني]

بيض الله وجهك يا بو مرضي



شاااعر و داااهيه الله لا يضرك



اشكرك على قبول الدعوووه



و لا عااد تقاااطعنا



تصبح و الجميع على خير

[سعود العصيمي]

الله الله

الشهراني


وابن مرضي

ياسلام عليكم

وصحت الالسنه والقلووب

محاورة رااائعه

[عيد بن مرضي]

ترى مكه شريفه لا تروح تسافر الدمام=يقوله واحدٍ يعرف جبال الكون وهضابه
ولد شهران عينه فالبنيّه بنت ابو عرام=وليته يعرف من القوم قبله , ناس خطابه

[عيد بن مرضي]

بيض الله وجهك ياعلي


وصح لسانك


ويعلم الله الفايده لي باللعب مع شرواك


مجمل ومشكووووووور على الدعوه


الى لقاء باذن الله


تصبح على خير


تقديري

[عيد بن مرضي]

اررررررررحب يا ابو طايل



وصح بدنك ولاهنت يالقرم



مرورك تشررررريف



تقديري