حسبي الله حسبي الله .. الطاارف يجي !!

[علي الشهراني]

السلام عليكم



يا عتيبه و الغلا فالوقت لا يرخص مقامه=في صباح و في عشيه حسبي الله حسبي الله
في طريقي شفت لي صقرٍ شلع كفه حمامه=و الحمامه ساحليه حسبي الله حسبي الله

[فايز بن سرحان الثبيتي]

حسبي الله حسبي الله



ابداع * ابداع



صح لسانك ولسان قبيلك يالشهراني "

[علي الشهراني]

يا هلا و غلا يا فااايز



و صح بدنك و مشكوووور

[ناصر الشلاحي]

صح لسانك يا الشهراني
ننتظر قبيلك الليل الليل

[علي الشهراني]

يا هلابك يا ناااصر



و مشكووور



و على قولتك الليل الليل

[رعد الروقي]

عليكم السلام والرحمة



ارحب






الغلا موجود يا شهران وبيوت الكرامــه=عامره والنار حيه حسبي الله حسبي الله
علم والا حلم مر اللي يعده في منامه=قبل نفتي فالقضيه حسبي الله حسبي الله

[علي الشهراني]

البقا و الله يحييك




جابك الله يا رعد من نجد و الّا من تهامه=بين ذيك و بين ذيه حسبي الله حسبي الله
يكفي الموجز عن التفصيل و المعنى علامه=محزمك و البندقيه حسبي الله حسبي الله

[رعد الروقي]

الله الله




الله اكبر كان تجهل دار حامين الجهامه=من حكم نجد العذيه حسبي الله حسبي الله
اللسان اليا نشب وسط الجما يقصر كلامه=دون برج الفيصليه حسبي الله حسبي الله

[علي الشهراني]

الله الله



احسبنّ الفرخ فرخ الصقر و اثر الفرخ هامه=ما بقى غير المنيه حسبي الله حسبي الله
عان برج المملكه يفرق عن اللي قلت قامه=لا عليك و لا عليه حسبي الله حسبي الله

[رعد الروقي]

الله الله



المثاري ماقدر يملك شداد ولا مســــــامه=رجلي ولا له مطيه حسبي الله حسبي الله
من سرى ليل الشقاء ما يشكي الا من ظلامه=يا الليال الخرمسيه حسبي الله حسبي الله

[علي الشهراني]

طيب طيب



جايعٍ يبغى يعيّف راعي الطرقه طعامه=ما تكفّيه العطيه حسبي الله حسبي الله
كان ما تقدر على عوم البحر يا بو دلامه=خلك بنجد العذيه حسبي الله حسبي الله

[رعد الروقي]

الله الله


الحــــواله فاضيه والبنك يبغاله غرامه=بالسند غش البريه حسبي الله حسبي الله
ما بقى الا كم علامه من علامات القيامه=بذت الشيخ الرعيه حسبي الله حسبي الله

[علي الشهراني]

الله الله



عقب هاذي يا رعد يمكن نلبّسك العمامه=شاعرٍ عنده حميه حسبي الله حسبي الله
الله انّه يرحم ابن سعود كسّاب الزعامه=وردةٍ في مزهريه حسبي الله حسبي الله

[علي الشهراني]

بيض الله وجهك يا العمده


و الحظ الطيب اللي جاابك


اشكرك على الرد


و شهادتي فيك انت خاابرها


تصبح على خير و الختاام عندك

[علي فلاح العضياني]

الله الله


صح لسانك يا صبي شهران


صح لسانك يالعمده




طاروووق كايف



لا هنتو

[رعد الروقي]

الله الله



القصر راعيه فايز بالغنيمه والسلامه=لا تقدم له هديه حسبي الله حسبي الله
وانت يالحر القطامي ما نلحقك الملامه=هدتك ماهي شويه حسبي الله حسبي الله



انا اللي تشرفت بمجاراتك يالشهراني واستفدت



بيض الله وجهك وصح قلبك وفكرك



والى اللقاء


وانت من اهل الخير

[رعد الروقي]

ابن سرحان الثبيتي // ناصر الشلاحي // المستشار الأدبي



ارحبوا جميعا



شرفتونا بمروركم العطرررر



صحت ابدانكم ولاهنتوا

[الحوووووت]

بيض الله وجيهكم


وصحت الالسن والقلوووووب



شعار مبدعين دايمااااا

[سعود البرقاوي]

حسبي الله حسبي الله

والله الله والله الله
قاف محسوب وشعراء عال العال

صحت السنتكم

[رعد الروقي]

مرحبا مرحبا يالحوووت ويا سعووود




شرفتونا بمروركم العطر

[عيد بن مرضي]

الله الله


شعراء عمالقه


وحسبي الله على من كان السبب


تقديري

[رعد الروقي]

ههههه


حياك الله يا عيد




نورت وشرفت