من يقول ان اختلاف الراي لا يفسد قضيه .... المستشار الأدبي

[رعد الروقي]

المستشار للفايدة ان سمح وقتك




من يقول ان اختلاف الراي لا يفسد قضيه=ما صدق والثابت انه يا علي مفسد قضايا
لا تقف يا مستشار القوم في نجد العذيه=وانت بعيونك تشوف الداب الاسود والحيايا

[طلال ناشي]

من يقول ان اختلاف الراي لا يفسد قضيه
ما صدق والثابت انه يا علي مفسد قضايا
لا تقف يا مستشار القوم في نجد العذيـه
وانت بعيونك تشوف الداب الاسود والحيايا




صح الساااااااااانك دبل


ياعمدة


ولا أرووووع يسلملي بؤك

[عز القاف]

من يقول ان اختلاف الراي لا يفسد قضيه
ما صدق والثابت انه يا علي مفسد قضايا




الله الله


عمدتنا صح لسانك مليارات



وف انتظار مستشارنا وصح لسانه كثرها

[عيد العازمي]

لا تقف يا مستشار القوم في نجد العذيـه
وانت بعيونك تشوف الداب الاسود والحيايا






ياولد يامبدع يارعد


بدايه تليق بلقاء العمده والمستشار


متابع وفي صف العمده


سمعت يابو فلاح ههههههه

[حاكم الغنامي]

الله الله


صحت الالسن والقلووب

متابع

[رعد الروقي]

طلال ناشي // عز القاف // العازمي // حاكم الغنامي .. غير في ردودك ههه ابغا اقهرك بس ...



اهلا وسهلا



شرفتونا بتواجدكم الكريم


صحت قلوبكم والله لا يهينكم



والله يعينا على العازمي والمستشار



اقرب مالها اني ابا انحاش مار تعينوا للغبرة هههه

[علي فلاح العضياني]

الرجال الطيبين اللي علاقتهم قويه=ما يفسدها إختلاف الراي يا ذيب السرايا
وجهة أنظار العرب و الرّاي ما يفرض عليه=الغشيم اللي يوصّي حرّ ما يبغى وصايا

[نوآف الغنامي]

يا سلآم سلّم



لقـــــــــــــآ عمــــــــــآلقه





العمدهـــ

ابو فلآح




صحت السنتكم
صحت السنتكم



وااااصلوا وازهلوا الصفوف

[رعد الروقي]

الله الله



الهدف ماهو قريّب وانت خيال العبيه=عنّها قدام والا طحت فيدين المنايا
الفقيه اللي يحدث فالصباح وفالعشيه=بالحديث المشتبه جدد جراحات البرايا

[رعد الروقي]

مرحبا الف يا خيال الصفراء



شرفتنا بمرورك العطررر


والصف يزها بك



صح بدنك ولاهنت

[علي فلاح العضياني]

كثرت الرعيان و أزرت تروي حيام الرعيّه=ما تورّدها على هداج ميراد الضمايا
ما اختلفنا عن كلام الله و لاّ سنّة نبيه=لو يشدّ طويق لين يصير في سبت العلايا

[رعد الروقي]

كان ما سديت باب الريح صرت انت الضحيه=الخليه بعد يوم وليل لا تصبح خلايا
ما على بدو المحاني دون روحه دون جيه=المصيبه في مجمعة السوالف والحكايا

[علي فلاح العضياني]

الله الله



عمدة الهيلا عسى بكره توافيه المنيّه=العوض فالضيط و ابن حميد بعده و المحايا
واضحه للي يعرفون الحروف الابجديه=أصبحوا فالصدر من كانوا منوّل فالزوايا

[علي الشهراني]

العمده و المستشاار



صحت السنتكم و بيض الله وجيهكم

[محمد الكرشمي]

الله الله صحت اللسنتكم

[عز القاف]

ما اختلفنا عن كلام الله و لاّ سنّـة نبيـه
لو يشدّ طويق لين يصير في سبت العلايـا




نعم نعم


هذا الكلام


حتى ولو كثروا هل القيل والقال


مااختلفنا عن كلام الله ولاسنة نبيه


صح لسانك يابوفلاح



عمتدنا دائما مبدع في طرق المعاني الجزيله

[علي الثبيتي]

العوض فالضيط و ابن حميد (بعده) ؟؟و المحايا // ابك ابك هذي والله المطمه

ابوفلاح الطريق اللي يمر عشيره لاعاد تجي معه ههههههههههههه

صح لساااااااااااااااااااانك وصح لسااااااااااااااااااان العمدة

[رعد الروقي]

الله الله



ان خسرت السيف ابو حدين كيف تجيب زيه=ما انت لاقي له بديل ولا انت لاقي له حلايا
يوم ابن حنبل ومالك فيه ما شفنا عطيه=واخر الايام قام يحث فالدرب المطايا

[رعد الروقي]

الشهراني // الكرشمي // عز القاف // النشمي




ارحبوا




صحت ابدانكم




شرفتونا بحضوركم الرائع

[علي فلاح العضياني]

الامل موجود بأوكار الحرار الصيرميه=الحرار إلها وصوفٍ بيّنه و لها مزايا
تحت حدّ السيف مدري قدم خشم البندقيّه=كيف تسمع بالاذاني راي صافين النوايا ؟؟؟

[رعد الروقي]

ما انت فاقد مورد الهياب يا زبن الونيه=لين تثخنك الجراح وتنسدح بين الضحايا
نسمعه ونحاربه واهل الطرب والسمسميه=همها فالرقص ومطالع صورها فالمرايا

[علي فلاح العضياني]

أنت ضابط كيف ما تسمع لك أفراد السريّه؟=المرض في راسك و ما له علاج إلاّ الكوايا
إذكر اللي نزّلوه القوم من ظهر المطيه=يوم يستنكر و يشجب عندكم بعض السوايا

[رعد الروقي]

الله الله


من سمعك يقول هذا الداهية توني قريه=والله اعلم لو نفتش فالجيوب وفالهوايا
الدواء من صرفنا ..والدااء حمى مالطيه=وارده من قرية اهل الفسق واصحاب الخطايا





سعادة المستشار



الختام عندك يا علم



شرفتني وافدتني كثير




صح قلبك وفكرك



والى اللقاء طال عمرك

[علي فلاح العضياني]

ختامها مسك


يا عمدة الهيلا



صح بدنك


و بيض الله وجهك




و اشكر موصول للاخوان اللي مروا من هنا

[معجب العتيبي]

عمدة الابداع


دائما متميز ماشاء الله
\




صح لسانك




ابو فلاح


مافيك حيله ابد


الله لايضرك



وصح لسانك

[زياد المزرمي]

الله الله


ابداااع منقطع النظير


صح اللسنتكم يامبدعين

[رعد الروقي]

هلا وغلا يا معجب ويا زياد


نورتوا وشرفتوا الموضوع بطلتكم الغالية