عطاوي زهراني وعطاوي عتيبي ( تشابه اسماء )

[سعد الرياض]

السلام عليكم

اليوم عرفت ان لدى قبيلة زهران فخذ عطاوي

كما لدى عتيبه فخذ عطاوي

ماهو رائكم حول هالموضوع

[أخو جوزا]

هذا اكتشاف خطير!!!


لابد من لفت نظر الاجهزة الحكومية ومنظمات المجتمع المدنى ودوائر الاستخبارت فى انحاءالعالم

والقبائل ذات العلاقات المشتركه لهذا التشابه .

[محمد العتيبي]

الف الف مبرووووك يالغالي ..


وش رايك انت ؟

[حمدان صالح العصابين]

اكتشاف خطيرجداً


يارب سترك

[عبدالبصير]

اولا مرحبا بك ياسعد الرياض
ثانيا هذا مجرد تشابه أسماء وهو كثير بين العوائل والقبائل في الجزيره العربيه

تقبل تحياتي

[سعد الرياض]

اشكركم على حسن الردود

سمعت ايضاً ان هناك عطاوي سلمي ...



اليوم قابلت العطاوي الزهراني فا سألته

ماهو أسم شيخكم ( شيخ العطاويه )

فا أجابني أسمه الشيخ عمر الطيار العطاوي الزهراني
وهو موجود بالباحه

[العــــــــابر]

نعم ياخي فيه عطاوي سلمي وفيه زهراني وفيه كل شي

فاسماء القبائل اسماء جدود

مثلا لو جاء اي انسان من برا عتيبه وسمى عتيبي هالولد كبر ومات وصار له ذر وذره صار لهم ذر

وصاروا قبيله هل ذلك يعني ان هالعتبان اللي طلعوا جدد نسبىة لجدهم اللي هو بالاساس ماهوب

عتيبي هل يعتبرون عتبان ؟؟؟؟؟؟؟؟؟؟؟

اكيد الاجابه لا لان مو كل واحد سماء على اسم قبيله جاك يعدي يمنا.

وهنالك كثير مثل العضيان والحفاه والدعاجين والحماميد

وكذب انتسابهم للحرث ومن يروج لهذا

ايضا الكرزان والحناتيش والشيابين والعلوات وغيرهم كثير

لايهمك هالاطروحات من الناقصين اللي يبون ريحة العتيبي تدخل دارهم بس.

ويوم ماقدروا على غليبة الهيلا عتيبه بالجاهليه خنعوا لها

واليوم عقب ماصار الارنب عقاب صار كلن يهرج وينسب ويشوه


وكله كلام جديد لايزيد عن كم سنه فقط لاغير .

لكن ماعليك من هالاموور.

وترا الاخوان جميعا مستغربين منك الاهتمام بمثل هالمسميات التي لاتغني ولاتسمن من جوع.

يعني لايهمك ابد حنا في عتيبه لنا فالعطاوي والعطاوي المعروف فالجزيره والمشهود له هو عطاوي

عتيبه الهيلا.

[ابن ثابت الهوازني]

أخوي سعد الرياض مشكور على الفائدة



تحياتي لك

[الـقـرم الـعـطـاوي]

شي عايدي ولاهو غريب تشابه اسماء

الكريزي مقاطي..قالو يرجع بقمي لان البقوم فيهم الكريزي
والعطاوي الحين الظاهر يبون يقولون نفس الكلام

بس العطاوي المعروف فالجزيره من اول وللحين بالفعل والشجاعه والاماره والشعر

شليويح العطاوي+بندر بن سررور العطاوي(غير الكثير)يعني فيه فرق بين الاسمين

بالفعل مهوب بالاسم

تقبل تحياتي

بيرق ذوي عطيه

["بندر العصيمي"]

عاد تصدق وانا اخوك توني ادري وافاده رائعه واهتمام منك رائع

وترا فيه عصيمي تميمي وفيه عصيمي عتيبي

تقبل مروري

..

[سعد الرياض]

كل الشكر لكم على مروركم

والمنتدى لم يوضع الا للستفاده والفائده

شاكر لكم على مروركم الحسن


تحاياي وتقديري

[عتيبة هل الغارة]

تشابه اسماء لا اقل ولا اكثر هناك العضيان من الحرث وهناك المراشدة من شمر وهناك الحزيمي من بني زيد وهناك الغربي من الحضر معظم فروع القبائل فية تشابة ولكن كلن يعرف نسبة وش يعودله
وعلى فكرة فية عطاوي من حرب بعد
وسلمت

[أبوبدر]

الف الف مبرووووك يالغالي

[حمدان صالح العصابين]

تشابه اسماء لا اقل ولا اكثر هناك العضيان من الحرث وهناك المراشدة من شمر وهناك الحزيمي من بني زيد وهناك الغربي من الحضر معظم فروع القبائل فية تشابة ولكن كلن يعرف نسبة وش يعودله
وعلى فكرة فية عطاوي من حرب بعد
وسلمت


مافيه مرشدي شمري

الصحيح فيه عنزي اما شمري لااعتقد

والله اعلم

[عتيبة هل الغارة]

عويريض تسلم على تصحيح الخطأ نعم من عنزة

[فهد الجبري]

الله يخرجنا

[عاشق الربع 2010]

[size= 6]مشكوررررر [
ماقصرت