ابن سرحان هالليله رداراته تبا تفتر . . .

[أبن الجزيرة]

سلام الله سلام يصلفق المسجون لين يقر=على ساحة جبال الشعر والايام دواره
ابن سرحان هالليله رداراته تبا تفتر=وتبا تفتر ثم تفتر لين اتطير غباره

[ماجد العصيمي]

صح لسانك وبانتظار ابن سرحان

[أبن الجزيرة]

شبل صح بدنك

ومرورك يسعنا

[عبدالله الفهد الاسعدي]

ياسلام ياسلام

صح لسانك ولسان ابن سرحان مقداً

شاد الصف من الان

[أبن الجزيرة]

راع الزلفي

الله لا يهينك

وشدتك للصف تزودنا حماس

ههههههههههههه

اشكر مرورك

[فايز بن سرحان الثبيتي]

هلا يامرحبا وانا اعترض \ واقول ماتقدر = علاك الليل دوبه وانتظر غاره ورى غاره
انا مثل القلم وانته تحت كفي كما الدفتر = ابسجل على صفحتك علم ٍ ماتبا غاره

[أبن الجزيرة]

ابن سرحان

حياك الله يالقرم

واستلم لاهنت :


يدوم الك البقا ياللي ترحب والسفن تبحر=على هبوب الرياح اليا صفق بشراع بحارة
كتاب العلم مع طول الزمن يب يحفظ يقدر=ويبا يحذف قلمك أليا خلص حبره مع احباره

[أسير القوافي]

كلام كلام :)



صح لسانك .. يابن الجزيره .. وافي يالنشمي ..


وصح لسان .. شاعرنا المميز .. ابن سرحان :)




متآبعيـن .. لآخـر رمق ~~~!

[فايز بن سرحان الثبيتي]

اشوفك كل ماطال الطريق من التعب تقصر = بعد مادق ناقوس الخطر صفارة نذاره
ليا وشوش جهاز الاتصال العيب فالمصدر = بغيتك في يمين الدرب لكن جيت فيساره

[فايز بن سرحان الثبيتي]

الشبل \ راع الزلفي \ اسير القوافي "




لاهنتو كل منكم له تحية خاااااصة "

[الأسد44]

صح ألسنتكم على الطاروق

وأنا ماسك صف ابن سرحان


ولا يهون أبن الجزيرة

[أبن الجزيرة]

اسير القوافي
الاسد
لاهنتم على المرور الرائع

ابن سرحان المعذره عن التاخير

يعلم الله اني كنت مشغول

واكرر اعتذاري واستلم لاهنت:


عسى ذيك البروق اللي تكاشف فالسما تمطر=بعد ماحنت رعوده عسى ماتاقف امطاره
ابن سرحان تال الوقت في نفسه يبا يغتر=يحسب انـّـه علينا يب يجي فتوّة الحاره

[فايز بن سرحان الثبيتي]

صح لسانك يابن الجزيره



خلها مسك الختام لا عدمتك " الطاروق ان بات مات "

[أبن الجزيرة]

ابن سرحان

بيض الله وجهك

ويعلم الله ان كان ودي تكون مباشره

لكن للظروف احكام

ولكن صح الله لسانك

واسمحلنا على القصور

والى لقاءات قادمه