الله أكبر

[شبل الطروره]

الله اكــــبر يازمانن فيك بالش = فيك خير وفيك شر وفيك عايـــش





مايوصف كل يوم يجيك طالش = وإن صفالك ساعتينن جاك هــــايش





والمزون أم البروق اللي تلالش = ماتسيل لو رعدها له قرايــــــــش





والوفي راع الوفا حصل عفالش = مالقا من صحبته غير المخايـــــش





والكريم مصــففن صفر الدلالش = مالقا من عزوته غير الكرايـــــــش





والمنافق عايش ٍ راع الهتــــــــالش = ينقل النمات سراح الغبايــــــــــــــش





والرخوم اليوم قاموا بالعتــــــــــالش = في وجيه اللي تفك أم الحرايــــــش





والضعوف اللي توطا فالرمـــــــــــالش = أعرشوهم من يعرشون العرايـش





وأحــــــــــــــسدونا من يعقدون السلالش = وأبلشونا والبلايش بالبلايــــــــــــــــش





ويابونــــــــــــادر وش نسوي فالطحالش = وفالزمان اللي بنابه جاك كايــــــــــــش





وأنت سهـــــــــمن في يديني للهتالش = وأنت حرن ٍ ماتربى فالعشايـــــــــــش





وأنت عدنْ وارديـــــــــــــنه بالمحالش = وانت قصرن بالخلا ملفا الطرايــــــــش





لــــــلخوي ســــــــيفن مخزن للمبالش = فالمواقف يردع اللي جاه طايــــش





وأعرف أنــــــــــــه منثنا عزمي ياخالش = والله أني منحني والرأس شايــــــــــــــش





وأعرف اني فـــــــــــيك مااسمع للتحالش = وأعرف أني بالفخر للغيم نايــــــــــــــــش





ولو يزيد الوقت ضغــــــطه بالعلالش = والجفا يزداد من صوب الحشايـــــــــــــــــش





مايغير شي فعزوم الرجــــــــــــــــالش = ولاينزل شي من دمع الرمايـــــــــــــــــش





العزوم تشد تشديد الحبــــــــــالش = والمتون تشيل ماتبغى التحايــــــــــــــــــش





قـالــها اللي ماأبتلش فاقوى المبالش = ولاتسمع في كلام أهل الكدايـــــش





يـــــطرق صـــعاب الطرايق ماتهالش = ويحبك القيفان حبك أهل الفرايــــــــــــــــش





والجمل يشتال حــــمله ماتــــــــبـــالش= والسراب يقال مايروي العطايــــــــــــــــــ ش


الشاعر /سليمان عبدالله المرشدي