شاهي البنتليز

[ناصر الهواوي]

بسم الله الحمن الرحيم
ادارة واعضاء ورواد هذا الصرح الذي يحمل اسما نفتخر به جميعا وحق لنا به الفخر
السلام عليكم ورحمة الله وبركاته سعيدانا ان كنت احد اعضاء هذا الصرح الادبي الشامخ
قصيدة من الارشيف كعربول اشتراك فقط امل ان تحوز على شي من الرضا
تحياتي للجميع اخوكم ناصر عبيد الهواوي السيحاني




قم شغّل اللي الى نشته يجي له فزيز=وخذ بي مع الدرب ياعباد مرواس به
وبهر دلالك وخدّر شاهي البنتليز=بجوٍ خلا لاونيسن به ولا ناس به
إلنايف اجباله بصافي سرابه ركيز=مد النظر دامنا يابوي جلاس به
وان كان ودك تسوي علم خله وجيز=كلمة بكلمة تصير الجملة مناسبه
جب نادر القول والمعنى وخل اللزيز=ودقق مثامينها بالآلة الحاسبة
نفّس عليّ حاشرٍ بالصدر جاء له وزيز=من ضيقةٍ توها في خاطري راسبة
وزيز خرطوش فرت إنحل فيه القفيز=انبت سيره وتلّه عندما لاس به
إلعزتي عن غثى الحقران ابا احط بيز=ما يلزم اجلس بمجلس ماني مناسبه
يا شينها لا دهت من صاحبٍ لك عزيز=ما فيه فعلٍ جميل الا وهو كاسبه
ضمن التجارب واحسّبها من اول غزيز=ولا وفّقت للنجاح بصفها راسبه
حللتها بالفصيح ومنطق الإنقليز=ولا معجم الا وكفي جابه وحاس به
ولقيتها هوينة ما كل هذا تعيز=مجلس ذوات. إن حضر شرواي ينحاس به
ولو كنت انا مثل بن لادن وهذا بيريز=عما فعل بأهل غزة ماني محاسبه

[عبدالله العصيمي@]

صح السانك يا السيحاني ومرحبابك في محلك


تحيتي لك