الدجيماااء .. حياااك الله !!!

[فهد الشيباني]

صباااح الخير .. مجرد استفاده لا اكثر ولا اقل ..


سلام الله على الشاعر ابن عااضي بعد ماساد = زمانن فيه تزرع خير تحصد ظلم وارعونه

ما بين الحجز والداورد قصة شاعر(ن) كداد = ولاحصل في الثنتين لا خرج(ن) ولا مونه

[ܓܨ عبدالله البرقاويܓܨ]

صح الله لسانك ولسان الدجيما مقدما

[حسن إبراهيم الدجيماء]

صبااح النور والسرور ,,

الفاائدة لي طال عمرك ,,

//


هلا يامرحبا بك يابن مشيب والسيوف حداد = زمانن فيه لو زلّ الفتى راسه يقصونه

انا ابدعي وأباك اتدبّل الدعوه على الحسّاد = (( عسا يبلاهم بطاعون ربك مايداوونه ))

[حسن إبراهيم الدجيماء]

البرقااوي ,,

//

صح بدنك ,, ولاهنت ع المرور ..!!!

[فهد الشيباني]

الله الله "


انا شديت طنب البيت وانته ثبت الاوتاد = وخل فيدك مرزبه تدق ابها ومسنونه

مشيت بدربك لحالك ولا صايد ولا منصاد = (( لكن الظن والله يعلم ان الناس معيونه ))

[فهد الشيباني]

البرقااااوي صح بدنك .. ومشكوور ع المرور "

[حسن إبراهيم الدجيماء]

طيب ,,

//



لك الله مايطيح ,, يزود مادام ان حيلك زاد = ترا حيلي شديد وعجزوا العالم يهدّونه

مشيت بدربي لحالي واخذت الما واخذت الزاد = وحاسي للعوارف زاد غير ان كان يبغونه

[فهد الشيباني]

الله الله "


توكل والمسيره تبغا جيش وعسكر وامداد = وانا ماني بجااهل فيك والعربان ممنونه

والا ياللي تقول الزاد الك بين العرب ميراد = تعدتكم عرب بالزاد ماهي حيل مفتونه

[حسن إبراهيم الدجيماء]

اسف على التاخير ,,



على الله ,, هات علمك يالفهيم الشاعر النقاد = انا من صبح ادور علمك اللي شانت فنونه

انا فاهمك تقصد صاحبي " حاكم " بلد بغداد = لكنّا نطلب الله ينقذ الغرقاان فديونه

[فهد الشيباني]

خذ راحتك "


على الله جبت علمي وافهم اللي نقصده يا عناد = وانا من صبح ادور جابتن سهله ومضمونه

ما دامه حاكم البلده ورا ماتنتبه اله عااد = ترى الصاحب يسااعد صاحبه لو يطلب اعيونه

[حريب الشين]

بيض الله وجيهكم وصحت السنتكم

متاااابع للابداع

[حسن إبراهيم الدجيماء]

الله الله ,,

//



لقيت الك الجواب اللي تدور عنه يالنشاد = لو انك تهت في توصيل معلومات مدفونه

لك الله بيّنٍ نور المسيد ودربه المعتاد = لكن المشكلة فالمسلمين اللي يدلونه

[مروحي]

طرق على مستوى راااااقي

[حسن إبراهيم الدجيماء]

مروحي ,,

//

مرورك على مستوى أرقى ,,

لاهنت ..!!

[فهد الشيباني]

الله الله "


يقولون الرجاال اللي جهل في حاجتن مافاد = وانا مثل الرجاال اقول نفس اللي يقولونه

ترى واجب على المسلم نصيحه لاخوه المنقاد = ورى ناسن لها بين العرب تشكيل ونمونه

[فهد الشيباني]

حريب الشين .. ابيض وجه ع المرور .. ومتااابعتك شرف

مروحي .. يعطيك العاافيه ع المرور الراقي

[شعيل الزلامي]

محاوره من العيار الثقيل

متابع واشكركم وعلى
القوه

[فهد الشيباني]

شعيل حياااك الله .. ومتاابعتك تشريف لنا