حزة غضب

[العتيبي أبا غيث]

الله يصبحكم ويمسيكم بكل خير يالغالين
قصيدة من قصائدي آمل أن تنال مكانه رفيعة من ذائقتكم الشعرية

حزة غضب



يا نور يا نور الحجاز وأمانه =يا وردةً حمرا بوسط البساتين
مدام إلك بالقلب قدر ومكانه =ليش الزعل ليش الزعل يا أريش العين
جاك الغلط منى ولأكن ميانه=ما قصدي اجرح فالهوى ناس غالين
كلمه وجاتك قهر مدري لعانه =حزة غضب وصادفتها الشياطين
أحلف بربي ما قصدت الأهانه=وأحلف بربي كان يا بنت توحين
أحلف بربي ما نويت الخيانه =وأني على عهد الوفاء أول وهالحين
جيتك غصب جيتك رضى مع ليانه=وحبي إلك وإخلاصي اكبر براهين
جيتك فارس حس كبوة حصانه =يطلب رضاك اليوم يابنت تكفين
حبك بقلبي يالغلا ويش شانه= حبً مشى بالدم وسط الشرايين
قلبي لكم بالشوق زايد حنانه =قلبي لكم بالحب نار وبراكين
أرجوك با الله يالغلا بالأمانه =أرجوك ياعمري لا عاد تبكين
لا شفت دمع العين يالأرجوانه =أحس في قلبي سهوم وسكاكين
أرجوكِ با الله اجعليها ميانه =ان كان حنا للغلا ناس غالين



أخوكم أبو غيث

[مرزوق حمدان العتيبي]

..
صح لسانك وننتظر مزيد من ابداعكـــ

[العتيبي أبا غيث]

..
صح لسانك وننتظر مزيد من ابداعكـــ


خوي مرزوق


صح الله بدنك مدد بلا عدد يا ابن العم

والإبداع يالغالي كان في مرورك العطر الذي عطر صفحتي


لاعدمتك ولا عدمت حضورك الراقي


ود وتقدير أبو غيث

[عبدالله العصيمي@]

صح السانك ولاهنت عزيزي

التحيه والتقدير

[العتيبي أبا غيث]

صح بدنك أخوي

عبد الله لاعدمت والله ها الطلة

ودي وخالص تقديري

[العتيبي أبا غيث]

شكراً لكل من مر من هناء

[سعد حميد الثبيتي]

جزله من شاعر جزل بارك الله فيك وفي جزيل شعرك تقبل مروري بكل حب وتقدير

[محمد العتيبي]

العتيبي ابا غيث



صح الله لسااانك على هذه الرائعه ..




امتعتني بقرائتها ..




تحيتي لك
..

[العتيبي أبا غيث]

جزله من شاعر جزل بارك الله فيك وفي جزيل شعرك تقبل مروري بكل حب وتقدير

أخوي سعد

شرفتني بمرورك العذب

وردك الأعذب

لا عدمت ها الطلة يا بو سعود

جنائن من الورد لسموك

[العتيبي أبا غيث]

العتيبي ابا غيث



صح الله لسااانك على هذه الرائعه ..




امتعتني بقرائتها ..




تحيتي لك
..

مشرفنا الرائع

الأخ القدير محمد

صح الله بدنك يالغالي , والأروع في مرورك العطر لا عدمناك

جنائن من الفل لسموك