جديدحبيب العازمي وسفر الدغيلبي طاروق رائع

[ابن المحايا]

أقدم لكم محاورة جرت قبل شهر ونص تقريبا في حفل حمدان الجلاوي




بين الشاعرين (حبيب العازمي && سفر الدغيلبي)



http://arabsh.com/wuorp3qyiqyg.html








حبيب العازمي


............................البابور فالبحر الغزير *** اما تبا تشتالها الامواج والا اشتالها

وام اليتامى ماتت الله لايعوضهم بخير *** ماخس منها في مذاهبها ياكود عيالها



سفر الدغيلبي


قافك ومجدافك ترى موج البحر جاله هدير *** والموج لا شال السفينة مايسرك حالها

وام اليتامى الثانية تبكي على العود الكبير*** تصلخ وتطبخ في الخلا فال الله ولا فالها



حبيب العازمي


لا يالعتيبي كل شيء الا المهونه ماتصير *** والشاذلية يالعتيبي شارب(ن) فنجالها

عز الله انك شاعر مبدع ولاعندك ضمير *** وش حاجتك في العبدة اللي ميت(ن) رجالها



سفر الدغيلبي


ماعاد باقي في الادارة غير مكتبة المدير *** مديرها ولى وراح وسافروا عمالها

العبدة المذكورة اللي ربتك وانته صغير *** لو ماتطيع الامر تنتف لحيتك وسبالها



حبيب العازمي


الطير وقع في الشبك يطير ولا مايطير *** مالي ومال الرفقه اللي ماتطول حبالها

.........الاخوين اجل وانته بلا شك الكبير *** باقي تبرع لك بباقي كبدها وطحالها



سفر الدغيلبي


يالعازمي مستقبلك عود عبوس قمطرير *** وانته منول تحلم تشيل الهدا بجبالها

لا والله الا لاتخاشرني ولا ارضابك خشير *** خلك تروح لحال وعتيبه تروح لحالها



حبيب العازمي


مستقبلي لا انته ولا غيرك يحدد له مصير *** شربت صافيها ولا يبقى ياكود حثالها

اليوم فالطابور الاول وانت كنت مع الاخير *** واليوم مثلها وخلك قدمها .......



سفر الدغيلبي


مافات مات وصلح اوضاعك ترى وضعك خطير *** وارتاح في ظلال الجبال اللي عليك ظلالها

ياصاحب السلمان والا اقول ياصاحب مطير *** حاول تداركها ومن له حيلة(ن) يحتالها



حبيب العازمي


مابه غني(ن) يطلب المعروف من بيت(ن) فقير *** والفضل يرجع للرجال اللي تطول بالها



أتمنى ان تنال على اعجابكم

[محمد ابن رووق]

عز الله انك شاعر مبدع ولاعندك ضمير *** وش حاجتك في العبدة اللي ميت(ن) رجالها



حبيب لسانه سليط





شكرا لك

[محمد الحميدي]

ياصاحب السلمان والا اقول ياصاحب مطير *** حاول تداركها ومن له حيلة(ن) يحتالها

صح لسان ابو سعد


ولايهون حبيب

محاوره قوية ورائعه

شكرآ على النقل

[ܓܨ عبدالله البرقاويܓܨ]

الله الله محاوره رااائعه
لكن لو تنزلها فيديو على اليتيوب
احسن

[محمد الكرشمي]

مستقبلي لا انته ولا غيرك يحدد له مصير *** شربت صافيها ولا يبقى ياكود حثالها


الله الله يابوفيصل صح لسانك مبدع

لاهنت يابن المحايا على نقلك لهذه المحاوره المميزه

[علي خيران العتيبي]

مستقبلي لا انته ولا غيرك يحدد له مصير *** شربت صافيها ولا يبقى ياكود حثالها

اشهد انك اسطوره يا ابو فيصل

[سعود البرقاوي]

عز الله انك شاعر مبدع ولاعندك ضمير *** وش حاجتك في العبدة اللي ميت(ن) رجالها



العبدة المذكورة اللي ربتك وانته صغير *** لو ماتطيع الامر تنتف لحيتك وسبالها


ياعنك ان سفر ارتكى له في هذه


ابن المحايا
اهنئك على ذوقك العالي
اتمنى ان لاتحرمنا ولاتذخر عنا مثل هالمحاورات


تحياتي لك

[مرزوق حمدان العتيبي]

.
.

عز الله انك شاعر مبدع ولاعندك ضمير *** وش حاجتك في العبدة اللي ميت(ن) رجالها



العبدة المذكورة اللي ربتك وانته صغير *** لو ماتطيع الامر تنتف لحيتك وسبالها


كلاممممم
اجتمعا الكنق ابو فيصل
والبلدوزر ابو سعد


فكان الابداع والاستمتاع ..

لاهنت ...

[محمد العتيبي]

الله اكبر

حبيب داهيه .. وسفر طاغيه

لاهنت يالذيب
..

[حسن إبراهيم الدجيماء]

الدااهية : حبيب العازمي ,, الله الله يابوفيصل ..!!!

عز الله انك شاعر مبدع ولاعندك ضمير *** وش حاجتك في العبدة اللي ميت(ن) رجالها

المجرم : سفر الدغيلبي ,, يلومونني فيك يابوسعد ..!!!

العبدة المذكورة اللي ربتك وانته صغير *** لو ماتطيع الامر تنتف لحيتك وسبالها


~~~~~~~~~~~~~~~~~~~~~~~~~~~~~~~~~~~~~~~

ألف شكر لك يابن المحايا ,,

عودتنا على الاختياار الموفق ,,

وها انت تأتي بالجيد والراائع ,,

لاهنت يالذيب ..!!!

[قنوع النفس]

لاهنت يبن المحايا يالغالي

[ابن المحايا]

محمد ابن رووق


محمد الحميدي


ܓܨ عبدالله البرقاويܓܨ


محمد الكرشمي


علي خيران العتيبي


سعود البرقاوي


مرزوق حمدان العتيبي


محمد العتيبي


الدجيماء


قنوع النفس



تشرفت بمروركم الاكثر من رائع

[سرحان 511]

.

..

مستقبلي لا انته ولا غيرك يحدد له مصير *** شربت صافيها ولا يبقى ياكود حثالها

هنا خلاصة المحاوره واعلان وصولها الى طريق مسدود

واعتقد ان مابعد هذا البيت خروج عن النص وعن الطاروق من قبل سفر

وماهذا الا للتغطيه فقط لاغير

عموما حبيب علم وسيد الشعراء في عصره

وسفر شاعر مبدع وله جمهور ينتظر وصوله الى العمق والابتعاد عن تسطيح المعنى

والتركيبات الغيرمترابطه بين الافكار

وجهة نظرقابله للنقد

..

.

[الباااسل]

ياليت تعيد تحميلها لان الموقع هذا مدري وشلون قايل





تكفى تكفى نبيها صوتيه

[ابن المحايا]

ياليت تعيد تحميلها لان الموقع هذا مدري وشلون قايل





تكفى تكفى نبيها صوتيه




اول ماتدخل على الرابط



تلقى تحت مكتوب( انشاء رابط تحميل) ادخل عليه



بتفتح لك صفحة ثانيه بتلقى يسار مكتوب (اظغط هنا للتحميل الملف )



اظغط عليها وبيفتح لك المقطع


والمقطع فيديو


ان كنت ماعرفت قلي وابشر بحطها لك برابط ثاني

[الجوراسي]

العبده = الساحة

أبو فيصل ملك الابداع ينحت من صخر ويغرف من بحر وأبو سعد شاعر داهية

ولقد طال أمد اللقاء وعندما تم جاء بهذه المحاورة الكبيرة

ولقد أمتدح صقر السلمي هذه المحاورة كثرا وكان حاضرا في تلك الليلة

تقبلو تحياتي

[الباااسل]

صقر السلمي ماكان موجود وشعراء تلك الليله




حبيب وسفر والقرقاح والعضيله


والعبده ماهي بالساحه ممكن انه .................

[كريزي نجد]

صقر السلمي ماكان موجود وشعراء تلك الليله




حبيب وسفر والقرقاح والعضيله


والعبده ماهي بالساحه ممكن انه .................




الشعار الموجدين بالحفلة هم :

حبيب العازمي + سفر الدغيلبي + صقر سليم + سلطان الجلاوي + زبن القاضي



وبالنسبة للمحاورة لايستغرب من حبيب و سفر هالأبداع

تقبل تحياتي

[منيرالروقي]

هنا إلتقاء قطبي الجماهيرية في عتيبه بل في المحاورة ككل . لم يلتقيا بعد قاف المغترة المشهور جدا سوى هنا. حبيب الحدث معه _ اللي هو تقفيل مكتب الساحة_ وسفر الحدث ضده لأن سفر من شعراء الساحه والقصير بالإضافه إلى مجاملته للمرقاب لأنها قناة قبيلته _ هجم حبيب بعنف ودافع سفر ببساله مع أن الحدث ضده إلا أنه استطاع أن يشاطر حبيب فالقاف وهنا تظهر قوة الشاعرالحقيقي الذي يطغى شعره القوي على ضعف الموقف المدافع عنه . إستطاع سفربذكاء أن يحول مسار القاف ويبعده عن الساحه ويدخل لحبيب من مداخل أخرى ويجعل حبيب ينقض ويدافع بعد أن كان يفتل ويهاجم وتتجلى القوة والحرفنة هنا _ سلموا شعارنا وصحت ألسنتهم.

[الباااسل]

محاوره رائعه تشكر ياناقلها



وانا كنت احسبها محاوره جمعت حبيب وسفر بالقرقاح والعضيله لكن هي فعلاً كما قالوا الاخوان

[منيرالروقي]

الصحيح أن المحاورة في قاعة العرب بحضور / حبيب _ سفر _ وصقر _ والجلاوي _ والقاضي _ واجمل مافيها هالطاروق بالإضافه لموال رائع بين سفر وصقر أتمنى تحميله من أحد الشباب

[عبدالمجيد الحويقل]

ابن المحيا فعلا نقل مميز لشاعرين كبيرين ولاعدمناك

[أبونواف]

الله اكبر

حبيب داهيه .. وسفر طاغيه

لاهنت يالذيب
..

[ابن المحايا]

سرحان 511


الباااسل


الجوراسي


كريزي نجد


منيرالروقي


عبدالمجيد الحويقل


أبونواف



تشرفت بمروركم الرائع


تحياتي لكم

[انا الهيلا]

تكفي يابن المحايا نزلها باليوتيوب مامشا الرابط معنا

[ابن المحايا]

تكفي يابن المحايا نزلها باليوتيوب مامشا الرابط معنا




اول ماتدخل على الرابط يالغالي



تلقى تحت مكتوب( انشاء رابط تحميل) ادخل عليه



بتفتح لك صفحة ثانيه بتلقى يسار مكتوب (اظغط هنا للتحميل الملف )



اظغط عليها وبيفتح لك المقطع


وشاكر لك مرورك العطر

[علي الثبيتي]

العبدة المذكورة اللي ربتك وانته صغير *** لو ماتطيع الامر تنتف لحيتك وسبالها






لا والله الا لاتخاشرني ولا ارضابك خشير *** خلك تروح لحال وعتيبه تروح لحالها

تفوق واضح من سفر

وكلام مثل ضرب الرصاص

[علي بن عباد المطيري]

..............................................

[شاكر الثبيتي]

الله اكبر

حبيب داهيه .. وسفر طاغيه

لاهنت يالذيب
..

[ابن المحايا]

النشمي

علي بن عباد

الدجيماء

شاكر الثبيتي

شبل مرجحين الموازين


تشرفت بمروركم الرائع