حتى و لو قامو سوا شعب الامارات و قطر .. العمده حيااك !!

[علي الشهراني]

السلام عليكم


مسااااكم شعر


تفضل و استلم يا العمده




سلام تسليمة وفا تنشد عن اسباب الخبر=اللي من اسبابه غدا المظلوم مثل الظالمي
حتى و لو قامو سوا شعب الامارات و قطر=يا عالمي غصبٍ على الحسّاد تبقى عالمي

[علي الثبيتي]

ياوجه الله ياوجه الله

يا عالمي غصبٍ على الحسّاد تبقى عالمي
صح لسااااااااااااااانك ياسمي
وصح لساااااااااااااااااااااان العمدة
ومتابع والصف دبل والليل الليل

[سعود العصيمي]

حتى و لو قامو سوا شعب الامارات و قطر
يا عالمي غصبٍ على الحسّاد تبقى عالمي

الله اكبر على الابدااااع

صح لسااانك مليااار يالشهراني




وفانتظااار العمده والامبراطور رعد الروقي


وصح لسااااانه ملياااار مقدمآ

[علي الشهراني]

ارحب ارحب يا عووودنا يا ابو فهد



مشكوووووور و الشكر ثري طال عمرك

[ابن مداعيل]

ياسلام وفي انتظار العمده

[علي الشهراني]

الله الله ابو طااايل



مرحبا بك و صح بدنك تريليوووووووووووون

[علي الشهراني]

ابن مدااعيل



حياك الله و مشكووور على مرووورك

[رعد الروقي]

عليكم السلام


مساك زبادي




استلم يالشهراني





يا مرحبا ترحيبة الوبـــال بقدوم المطر=الذود من وقعه يبا يشبع وبيته سالمي
تأثير تل أبيب ما يخفى علينا في مصر=لكن عاهل دولة التوحيد جيشه والمي

[فهد الحصيني]

صحت السنتكم


طاروق رائع بروعة حضوركم


متابع لكم

[الصاطي,,]

الله الله




يا سلاااااااااااااام











متااااااااااااااابع

[علي الثبيتي]

تأثير تل أبيب ما يخفى علينا في مصر


لكن عاهل دولة التوحيد جيشه والمي

طيب طيب وانا اشهد انك عالمي صح لساااااااااااانك ياعمدة

[علي الشهراني]

اليا تخاوينا على طول المسيره فالسفر=لابد ما يظهر هوا الكربون عبر العادمي
الجيش والم غير يشكي من معاقيد الفقر=يضحك عليه الشيخ بوش ابو صباح السالمي

[رعد الروقي]

النشمي //العصيمي // ابن مداعيل // النفيعي // الصاطي



هلا ومرحبا


حضوركم شرف ومكسب كبير لنا


صحت ابدانكم وقلوبكم


والله لا يهينكم

[علي الشهراني]

الذيب النفيعي


حياك الله و مشكووور على متاابعتك

[علي الشهراني]

الصاطي





هلا بك هلا بك




و يا سلام عليك و على مرووورك الاروع

[رعد الروقي]

الله الله




قسم التقاعد يصرف الراتب على نص الشهر=علم بها اللي فالبنوك العالمية حالمي
اللي توقعناه من غبر الليالي ما ظهــــر=لكن يا كل الفتاوي دون علم العالمي

[فايز بن سرحان الثبيتي]

اليا تخاوينا على طـول المسيـره فالسفـر
لابد ما يظهر هوا الكربون عبـر العادمـي


اللي توقعناه من غبـر الليالـي مـا ظهـر
لكن يا كـل الفتـاوي دون علـم العالمـي



الله الله

اعجبني الفتل والنقض في هالبيتين "



الشهراني \ العمده

صحت السنتكم يامبدعين

[علي الشهراني]

الله الله



من شان تومن بالقضا لابد تومن بالقدر=الرزق قسمه و العقل و الفهم قسم الفاهمي
حسب الكلام اللي طلع مدري بطن و الّا ظهر=مستور قالو لي ترا سبّة ظهور العازمي

[علي الشهراني]

ارحب ارحب يا بو رياااااااااااان




و الابداااع في تشريفك لا عدمتك

[رعد الروقي]

الله الله




يا شاعر العرضة لو ان الزير يكفي والشقر=ما امسيت من ميل الزمان الصلف ترسل كال /مي
قدام تبلش في مدارات الكواكب يا صقر=اجنح لراي السلم وانزل فوق الارض وسالمي

[رعد الروقي]

اعجبنا مرورك العطر اللي نفخر به يا بن سرحان



حياك الله وصح بدنك ولاهنت

[ابن مداعيل]

حتى و لو قامو سوا شعب الامارات و قطر
يا عالمي غصبٍ على الحسّاد تبقى عالمي



تأثير تل أبيب ما يخفى علينا في مصر
لكن عاهل دولة التوحيد جيشه والمي





مبدعين صح لسانكم مدد بلا عدد

[علي الشهراني]

طيب طيب



سبحت في هذا و هذا يوم غيري ما ظفَر=في كل يومٍ ساحبٍ بشته لقصر الحاكمي
امسيلمه صلّى صلاة الظهر في وقت العصر= ويقول انا عندي رسالة دين مثل الهاشمي

[علي الشهراني]

ابن مداعيل



حياك و بيااك و مرحبا بك



صح بدنك و مشكوووور

[رعد الروقي]

الله الله



من يسمع الميت لو انه صاح في وسط القبر=بينه وبين الحي ردم وفي محله نايمي
عسى نخل بيشه يسد بطون اهلها بالتمــر=انتاجها المحدود ما يفطر عليه الصايمي

[رعد الروقي]

ارحب يابن مداعيل



منورررر

[علي الشهراني]

يا وجه الله




الله و اكبر يا بدو متى تحوّلتو حضر=صرتو ترزّون الثياب و تلبسون الخاتمي
تعال و ابشر ما تروح الّا ملي تمرٍ و بر=علمٍ على سود الشكايم بالجمايل رازمي

[رعد الروقي]

يا سلام




العيد الأول من عياد الأضحية يوم النحر=نحرت فيه بعير من ساحل تهامه قادمي
قد قيل فالامثال عن بيشه وانا خيك سطر=يروى مع العالم على عهد الوجود الفاطمي

[رعد الروقي]

صح لسانك وسلم نبضك يالشهراني


انست وشرفت



تقديري الجم لك ولكل من تابع حضوريا او هاتفيا

[حسن إبراهيم الدجيماء]

العمده ,,

عسـى نخـل بيشـه يسـد بـطـون اهلـهـا بالتـمـر ** انتاجـهـا المـحـدود مــا يفـطـر عـلـيـه الصـايـمـي


الشهرااني ,,


تعال و ابشر ما تروح الّا ملي تمرٍ و بـر ** علـمٍ علـى سـود الشكايـم بالجمايـل رازمـي

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

ياسلام ياسلام ,,

العمده والشهرااني ,,

صحت الألسن والقلووب والله ,,

هنا الابدااع وغااية الامتااع ,,

لاهنتم ولاتحرمونا تواجدكم ,,

لاعدمنااااكم ..!!!

[رعد الروقي]

حياك الله يالدجيماء




المكسب لنا بحضورك المشرف طال عمرك



صح بدنك ولا هنت

[علي الشهراني]

بيض الله وجهك يا الدجيماء


مرووورك و ردووودك تعني لي الشئ الكثير


صح بدنك


و لا تحرمنا تواجدك

[علي الشهراني]

اخوي العمده


صح لسااانك و بيض الله وجهك


اشكرك على قبول الدعوه


و الى لقاء قريب


في حفظ الله

[عيد بن مرضي]

يا سلامـ


العمـده - الشهـراني


صحت الآلسن


طارووووق رائع جداً


امتعتوووووونا

[رعد الروقي]

صح بدنك وقلبك يابن مرضي وحياك الله



شرفتني بحضورك الكريم



لاهنت لاهنت

[علي الشهراني]

صح بدنك وقلبك يابن مرضي وحياك الله



شرفتني بحضورك الكريم



لاهنت لاهنت