ابن سر حان في نجد العريضه ضاع ؟؟؟؟؟؟؟؟؟

[عمير الثبيتي]

ياسلامي عليكم بالمتر والباع = عد ماهل مزن وسيل اشعيبه


ابن سرحان في نجدالعريضه ضاع = كل ماشف طرقي قام يلويبه

[علي الشهراني]

الله يعين على كل حال



صح لسااانك يا باادي المراقيب



و صح لساان ابو ريان مقدما



و اكيد متااابعين

[عمير الثبيتي]

صح بدنك يا شهراني وشكرا على متابعتك

[فايز بن سرحان الثبيتي]

مرحبا والجنيه .. اصبح ثلاث ارباع = يحسبنه قصير المد في جيبه
نعرف الصايبه من سبرة الارواااع = ونعرف البايره ياخيبة الخيبه

[عمير الثبيتي]

أنت لاتبدي اهجومك بدون دفاع = ابك ريع الفشيله كيف تبديبه



بعد معطوه من شاة الضعوف كراع = صاحبي قام يفتل في اشانيبه

[علي الثبيتي]

الله الله
ابوسلطان صح لسااااااااااااااااااان

ابو ريان صح لسااااااااااااااااانك


بعد معطوه من شاة الضعوف كراع/////صاحبي قام يفتـل روس اشانيبـه

طيب طيب

[فايز بن سرحان الثبيتي]

المطر فوق راسك والحيا فالقاع = خابر اللي في صدرك لا تجينيبه
محزمي فالرخا يوم البطون شباع = ياعلي فالشدايد كيف اماريبه

[الصاطي,,]

بعد معطوه من شاة الضعوف كراع ++++صاحبي قام يفتـل روس اشانيبـه



ههههههههههههههههههه



اضحك لله سنك يابادي المراقيب


وصحت السنكم كلكم مبدعين

[عمير الثبيتي]

انت وش عرفك بالصيف والمرباع = ونت من حضر جده كيف تدريبه


ابن سرحان اسمه من اسامي سباع = مار ماله مع السبعان من هيبه

[عمير الثبيتي]

النشمي الصاطي حياكم الله ومتابعتكم شرف لنا ومحل تقدير

والابداع حضوركمممممممممممممممممممممم

[فايز بن سرحان الثبيتي]

العرب يحسبون .. انك طويل اذراع = وانت صاحبك تشذب في عراقيبه
صاحب ٍ ينشري قربه ولا ينباع = وصاحب ٍ مثلك انا ويش اسوييبه

[فايز بن سرحان الثبيتي]

الغالين جميعا صحت ابدانكم لا عدمتكم "

[عمير الثبيتي]

أنت غريت دربي والعيون وساع= جيب لي طرق تفهمبه وغنيبه


انت جنبك صخيف وسرع ما ترتاع= مانبا حسوك انزود غثاريبه

[فايز بن سرحان الثبيتي]

الله الله صح لسانك يابادي وافي وافي " ومسك الختام "

[عمير الثبيتي]

صح بدنك يابن سرحان والشكر موصول لكل من مر بنا في هذه الصفحه