الشهراني اقرب لاهنت . . .

[أبن الجزيرة]

عدد نبت الربيع وعد ماينبت من النوير=سلام الله سلام ٍ وافين للمنتدى واعضاه
انا خابرك في هاك الوزاره منصبك وزير=وتركت انت الوزاره والسبب لازم نعرف ادواه

[زياد المزرمي]

طيب طيب

صح اللسانك يابن الجزيره

وصح اللسان الشهراني مقدماا

متاابعين

[أبن الجزيرة]

زياد الشطيطي

مرورك نور الصفحه

ولاهنت

[أبن الجزيرة]

الشهراني

لان عندك محاوره جاريه الان نعذرك و انت وافي يالقرم

ونأجلها لبكره كاننا من الحيين

تقبل ودي واحترامي

[علي الشهراني]

حياك الله يا ابن الجزيره





هلا يا مرحبا ترحيبةٍ يبن الجزيره غير=من اللي ما نزل بالسوق لا بيعه و لا مشراه
انا عندي قناعه و القناعه توجب التغيير=لونّ الشيخ باقي ثابتٍ كوعه على مركاه

[علي الشهراني]

واااصل يبن الجزيره



ما عندك مشكله



طااروقي مع سعد انتهى

[علي الشهراني]

ارحب ارحب يا زيااااااااد



مشكوووووووووووووووور

[عزيز ربعه]

لاهنتو يا النشاما نباها جزله ذات معنى خاص

[أبن الجزيرة]

يدوم الك البقا ياللي ترحب باجمل التعبير=تعودنا على ترحيبك الوافي وماننساه
ولكن كان رجمك ياعميلي هيّن و يسير=ترى رجم العرب صعب ٍ ولا كل ٍ قدر يرقاه

[علي الشهراني]

انت تامر امر يا عزيز ربعه



مشكوووور و ابيض وجه

[أبن الجزيرة]

عزيز ربعه

حياك الله ومرحبا بك

[علي الشهراني]

تراحيب الوفا لهل الوفا و الخير عقبه خير=لعل الذيب الاسحم يقضي الحاجه معَ مسراه
ترى الحبل الطويل يجمّلك لا ما وردت البير=تبا تارد و تصدر يوم غيرك يابسٍ به فاه

[أبن الجزيرة]

علومك وافيه ياللي تنومس باغي المسير=ترى صوت الذيابه لا ارتفع الذيب جر اعواه
انا خابرك يارجال تزها رتبت المدير=ولكن شد حيلك والعوض فاللي عرف مضماه

[علي الشهراني]

الا يا طير ريشك ما يشابه ريش كل الطير=علامه مختلف لونه و شكله غير في حلْياه
توصّيني و انا اللي شامخٍ راسه سواة النير=لكنّ الله يبارك فيك و الطيّب على ملفاه

[أبن الجزيرة]

ترى لونك توصف ثم توصف يب يجي تقصير=وبلاها والله ان الطير عند اللي عرف يرفاه
ترى في شرع ابن حنبل عليه اسناد ابن جرير=يقول الجره اللي قصها العراف ماتخفاه

[سـعـد الـعـصـيـمـي]

عليك ابه يابن الجزيره ههههههه

صحت السنتكم وقلوبكم

[أبن الجزيرة]

سعد العصيمي

لا يهمك

ومرورك يزيدنا شرف يالقرم

[علي الشهراني]

ترى سوق الذهب و الماس ما نقبل به القصدير=كلامٍ فيه شي و شي و الفاهم على معناه
لعل الموتر اللي ما يسير الّا بدهن السير=يطيح بحفرةٍ من شافها يقول وا عزّاه

[علي الشهراني]

ابو مطر هلابك هلابك



و الله يخاااااااااااااارجنا

[أبن الجزيرة]

اخوي الشهراني

الله لايهينك

وصح لسانك

وسامحنا على القصور

والشكر موصول لكل من شرفنا بمروره

ونختمها بردك الوافي

[علي الشهراني]

الله يبيض وجهك يا ابن الجزيره


اشكرك على الدعووووه


صح لسااانك


و الى لقاء قريب