زياد الشطيطي..

[مصخر العوج]

السلام عليكم ورحمة الله وبركاته


سلام يا شاعر مطير=ياللي تدور على النور
من بين قاره وقاره=تطري عليك الطواري

[زياد المزرمي]

وعليكم السلم ورحمة الله وبركاته

يالله حيه
يامرحبابك وكمهير = تاخذ معك عدة شهور

رجلٍ يسلّم بداره = والي يرحب مطاري

[مصخر العوج]

دام البقا يالمسايير=لو ان لك صوت وحظور

وان كان هذي عياره=داري ولاتنه بداري

[زياد المزرمي]

وين انت غايب عن الخير = مادام ماحولك قصور

لناس سلم ومهاره = كيف اجهلك وانت جاري

[مصخر العوج]

استكملوها المناعير=وانته تجاهلت هالدور
ياللي تسوق البشاره=لاتحسب الذيب ساري

[زياد المزرمي]

مادام سقت المعاذير = ماعاد لك بندق تثور

ارتاح تحت العماره = لسوق بايع وشاري

[مصخر العوج]

لا شفت لك فالسما طير=لاتحسب الحر عصفور
عينه تشوف الحباره=لولا هبوب الذواري