ابو مطر ما فيه عذروب ////سعد العصيمي

[سلطان بن دحيم]

يا ابو مطر صاحبي ما فيك عذروب = ألا انك تحاول تدبر مكيده
تتبني الجدر بالحديد الصلب والطوب = والسيل يقتش طوبه مع حديده

[فهد الشيباني]

الله الله

صح لسانك ياسلطان ..

والسان سعد ..

متااابع ..

[سلطان بن دحيم]

شبل شيبان


صح بدنك

شرفتنا بمرورك لاهنت

[سـعـد الـعـصـيـمـي]

مدري هذا اللحن والا انا مخطي

استلم


ماكل ممنوع ياسلطان مرغوب=شي نصيده وشي مانصيده
اكذب وعد ياجماعه وعد عرقوب=ولاظن تفرق وعوده عن وعيده!!

[علي فلاح العضياني]

الله الله



صح لسانك يا بن دحيم



صح لساانك يابو مطر مقدماً



متاااااااااااابع

[سـعـد الـعـصـيـمـي]

الله الله

صح لسانك ياسلطان ..

والسان سعد ..

متااابع ..


شبل شيبان تسرنا متابعتك .. صح بدنك

[سـعـد الـعـصـيـمـي]

ابو فلااااح صح بدنك مؤخراً ولاهنت

[نوآف الغنامي]

الله الله



ابو دحيم


ابو مطر




صحت السنتكم

مبدعين اثنينكم




وااااااااااااااااااااصلوا

[سـعـد الـعـصـيـمـي]

خيال الصفراء

حي هالطله والله

صح بدنك ........

[سلطان بن دحيم]

وش ابك تحاول تصوّب وانت مصيوب = وحظي يقرب لي الدار البعيده
الثوب لايق على اللي فصّل الثوب = لكن يا حظ خلق الله سعيده


وهذا اللحن صحيح

[سلطان بن دحيم]

ابو فلااااح صح بدنك


شرفتنا لاهنت

[سلطان بن دحيم]

خيال الصفراء

صح بدنك


شرفتنا لاهنت

[سـعـد الـعـصـيـمـي]

طيب طيب



هرجك ولو ينكتب عادي ومقلوب=حظك يخليه مثل اطلق قصيدة
يطلع من الدرب الاول عشرة دروب=وانته تروح وتجي وتقول سيده

[سلطان بن دحيم]

ما احد ٍ يقول ان مرعب مثل رعبوب = يا شاعر ٍ كل كتبه فأوسط ايده
المشكله فيك عندك عشرة اقلوب = وسم العصيمي ما يطلع من وريده

[سـعـد الـعـصـيـمـي]

رحت اصلي وجيتك


عزالله اني لو اجوب الثرا جوب=ماني بلاقي كماك ولا وليده
قلبك من السم / لو يضرب نقص كوب=والله مكلف سعد حتى يزيده

[سلطان بن دحيم]

زين زين



اما انت يا ذنب واجد غيرك اذنوب = لكن انا امشي على نهج العقيده
وانته من الضرب قلبك صار مضروب = واصبحت مضرب حاله زهيده

[سـعـد الـعـصـيـمـي]

يجمد عليك الزعل واعصابك تذوب=وتصير مثل السمن فوق العصيده
يامسجيل الصين شين وكلك عيوب=من كيفك تقدم الهرج وتعيده

علشانك خففت عليه الكيل الليله صح لسانك :)

[فايز بن سرحان الثبيتي]

ابو دحيم \ ابو مطر



صحت السنتكم على هالمحراف "

[سلطان بن دحيم]

ههههههههههههههههههه


صح لسااااااااانك يالامير


وابوريات شرفتنا بمروك لاهنت

[حاكم الغنامي]

صحت الالسن

تحياتي

[زياد المزرمي]

الله الله

صح اللسنتكم يا مبدعين

متااابعين

[سـعـد الـعـصـيـمـي]

ابو ريان وابو عيد وزياد الشطيطي

حظوركم تشريف الله لايهينكم

صحت الابدان

[سلطان بن دحيم]

حاكم الغنامي


صح بدنك

لاهنت ع المرور

[سلطان بن دحيم]

زياد الشطيطي


صح بدنك

لاهنت