الدجيما معيي لايحل القضيه//امتمادي بغيه يالله المستعاني

[ماجد العصيمي]

استلم استلم

//

//


الدجيما معيي لايحل القضيه=امتمادي بغيه يالله المستعاني
ليش ماتنقلع مقلاع هضبة طميه=قلتها لين كلن لد في العياني

[حسن إبراهيم الدجيماء]

الدجيماء مراعي في ظروف الرعيه = مايبى يوقض الفتنه عيانٍ بياني

ليش تبكي على الاصنام والجاهلية = خلها منتنه واحسب لغرّ الجناني

[حسن إبراهيم الدجيماء]

!!.. اصلي وراجع ان شاء الله ..!!

[ماجد العصيمي]

انت لو معك حيله تهدم الفيصليه=مار حظك رمابك بين خوفن واماني
كان تبغا اليهود تحل نجد العذيه=لاتقول الشبل وش فيه ضاق وعصاني

[فهد الشيباني]

ليش تبكي على الاصنام والجاهلية
خلها منتنه واحسب لغرّ الجنانـي !!!!


اسمع اسمع يالشبل المسمى ...

صحت الالسن .. ولااوصيك يالدجيماء ..

متاااااابع .. والصف مجهوووول ..

[ماجد العصيمي]

هلابك يابن مشيب وصفي وصف الدجيما واحد ولو اختلفنا في وجهات النظر

[حسن إبراهيم الدجيماء]

عدنااا :



لا بغيت انسفه ,, معروض للداخلية = ينسفه مايخلي له ذكر يافلاني

ويش فرق القضية عن لحون البنيه = كلبوها تراها دان ياليل داني

[حسن إبراهيم الدجيماء]

حياااك الله ياشبل شيباان ,,

صح بدنك .. ومتاابعتك شرف ..

ومشكوور على المرور والنصيحة ..!!! ;)

[ماجد العصيمي]

لاتعدا يابن ثعلي ورا الجاذبيه=نعرفك قطعة اعضياني امن المحاني
يحذف الشيخ ابن براك نظم ريميه=وانت اظنك تبالك كيةٍ من لساني

[فهد الشيباني]

لاتعدا يابـن ثعلـي ورا الجاذبيـه
نعرفك قطعة اعضياني امن المحاني

الله اكبر .. قطعة عضياني .. صح السانك يالشبل ..

الهمام يالدجيماء الهمام ..

[حسن إبراهيم الدجيماء]

لاهرج واحدٍ معتوه ماارد زيّه = حشمةٍ للرّجال اللي تقدّر مكاني

لاتعسّف كلام الناس ماهي كذيّه = يوخذ اللفظ ويوظّف يتوظيف ثاني

[ماجد العصيمي]

لاتعدا حدودك ثم تقدم شكيه=لو تمد العشر ماجاك مني ثماني
قدم دمخ المسمى مالكم مقدريه=يافصيح اللسان وياطويل الاذاني

[حسن إبراهيم الدجيماء]

ماتعدا الحدود ولاتمسّك يديّه = وان تطاولت شكرك فوق بصمة بناني

ماني منقّص ولاني بزايد شويه = يالفهيم النبيه وياشبيه الحصاني

[علي فلاح العضياني]

ليش تبكي على الاصنام والجاهلية
خلها منتنه واحسب لغرّ الجنانـي








ليش تبكي على الاصنام والجاهلية
خلها منتنه واحسب لغرّ الجنانـي





صح لسانك يا شبل الهيلا



وصح لسانك يالدجيماء




متااااااااااااااابع

[حسن إبراهيم الدجيماء]

صح بدنك يالمستشاااار ,,

مرورك واقتبااسك غير ,,

متاابعتك نومااس ,, لاهنت .,.!.!!

[ماجد العصيمي]

آآآآآآآآآآآآآآآآآآآآآآسف للتاخير لظروف العمل




يالدجيما محد موردك نارن لظيه=غار تفكيرك اللي نابع امن الخواني
وش تبا فالبعير اللي عديمه حليه=ان عطاك انحره يعدمك والعمر فاني

[ماجد العصيمي]

هلا يامستشار صح بدنك

[حسن إبراهيم الدجيماء]

اسف التأخير من الاتصااال :



وانت تطرحك من عين الاجاويد ذيه = (( نقص عقلك وطول لسانك بلامعاني ))

عدل اسلوبك احسن ولاّ انا ماعليه = سالكٍ نهج جدي من قديم الزماني

[ماجد العصيمي]

ماعلى الذيب يالعتبان من هالعليه=احسن الغيث يالعتبان ولا السواني
انت يالاجودي مامن وراك الاذيه=والشبل مايبا يجرح شعور الغواني

[حسن إبراهيم الدجيماء]

أخوي ماااجد ,, صح لساانك ,, وابيض وجه ,, واختلاف الراااي لايفسد للود قضية ,, انا انشغلت و مضطر اطلع الحين الى لقاااء اخر باذن الله ,,

[ماجد العصيمي]

شكرا على رحابة صدرك وتقبلك للآراء المطروحه

[قنوع النفس]

صحت الالسن ولاهنتم

[الجلمود]

شبل مرجحين الموازين

صح لسانك ولسان الدجيماء

طاروق جزل بجزالة شعاره

الله يسعدكم

[عز الرفيق]

شبل صح السانك

الدجيما صح السانك

طاروق جزل


بيض الله وجيهكم

[ماجد العصيمي]

شبل مرجحين الموازين

الدجيما معيي لايحل القضيـه=امتمادي بغيه يالله المستعانـي
ليش ماتنقلع مقلاع هضبة طميه=قلتها لين كلن لد فـي العيانـي

الدجيما

الدجيماء مراعي في ظروف الرعيه=مايبى يوقض الفتنه عيانٍ بيانـي
ليش تبكي على الاصنام والجاهلية=خلها منتنه واحسب لغرّ الجنانـي

شبل مرجحين الموازين

انت لو معك حيلـه تهـدم الفيصليـه=مار حظك رمابك بين خوفن وامانـي
كان تبغا اليهود تحـل نجـد العذيـه=لاتقول الشبل وش فيه ضاق وعصاني

الدجيما

لا بغيت انسفه ,, معروض للداخلية=ينسفه مايخلي لـه ذكـر يافلانـي
ويش فرق القضية عن لحون البنيه=كلبوهـا تراهـا دان ياليـل دانـي

شبل مرجحين الموازين

لاتعدا يابـن ثعلـي ورا الجاذبيـه=نعرفك قطعة اعضياني امن المحاني
يحذف الشيخ ابن براك نظم ريميـه=وانت اظنك تبالك كيةٍ مـن لسانـي

الدجيما

لاهرج واحدٍ معتوه مـاارد زيّـه=حشمةٍ للرّجال اللي تقدّر مكانـي
لاتعسّف كلام الناس ماهي كذيّـه=يوخذ اللفظ ويوظّف يتوظيف ثاني

شبل مرجحين الموازين

لاتعدا حدودك ثم تقـدم شكيـه=لو تمد العشر ماجاك مني ثماني
قدم دمخ المسمى مالكم مقدريه=يافصيح اللسان وياطويل الاذاني

الدجيما

ماتعـدا الحـدود ولاتمسّـك يـديّـه=وان تطاولت شكرك فوق بصمة بناني
ماني منقّص ولانـي بزايـد شويـه=يالفهيم النبيـه وياشبيـه الحصانـي


شبل مرجحين الموازين

يالدجيما محد موردك نـارن لظيـه=غار تفكيرك اللي نابع امن الخواني
وش تبا فالبعير اللي عديمـه حليـه=ان عطاك انحره يعدمك والعمر فاني

الدجيما

وانت تطرحك من عين الاجاويـد ذيـه=(( نقص عقلك وطول لسانك بلامعاني ))
عدل اسلوبـك احسـن وانـا ماعليـه=سالكٍ نهج جـدي مـن قديـم زمانـي

شبل مرجحين الموازين

ماعلى الذيب يالعتبان من هالعليـه=احسن الغيث يالعتبان ولا السواني
انت يالاجودي مامن وراك الاذيه=والشبل مايبا يجرح شعور الغواني

[ماجد العصيمي]

جلمود

عز الرفيق


صحت ابدانكم

ولاهنتو على تشريفكم

[ابو فايح]

طاروق رائع أعجبني الحوار الهادئ وتقبل الراي والراي الأخر

صحت السنتكم وقلوبكم ان شاء الله

[حسن إبراهيم الدجيماء]

[[ قنوع النفس ,, الجلمود ,, عز الرفيق ,, أبوفااايح ]]


صحت أبدااانكم لين ترضون ,,

شاكر مروركم وتعليقااتكم ,,

لاهنت ..!!!!