تحيه بعدها يقنب الذيب

[ناصر الشلاحي]

سلامي على العتبان و الليل توه للحون = تحيه بعدها يقنب الذيب .. رفرف يا علم
وصلنا الحدود اللي عليها علامات وحصون = نسوق الركايب بالمشاعيب .. رفرف يا علم

[فهد الحصيني]

هلا مرحبا باللي يلبون واللي يدعون=على الطيب منهجنا على الطيب . رفرف ياعلم

ترى حدنا محدٍ وصله لكن لا تطمعون=ورميه تصيب ورميه تخيب .رفرف ياعلم

[ناصر الشلاحي]

عن السف و البندق يكفي نحيمر بالعيون = الارهاب يا الاصحاب ترهيب .. رفرفر يا علم
نبي ناصل الاهداف بالعزم و الكاين يكون = و الايام تكشف خافي الغيب .. رفرف يا علم