الفارس هلال بن مفرح السميري

[بندر سعد ابن صنت]

السلام عليكم ورحمة الله وبركاته


هذي قصه حكاها لي جدي مرزوق بن صنت السميري اطال الله في عمره



يقول :

ان الأخوان مرو ركبه يبون نجد
وصادفو ذودين الذود الأول لهلال بن مفرح والذود الثاني لحرمه سميريه اسمها جفانه

الوكاد انهم طمعو بالبل

فما كان من هلال الا انه يضم الذودين على بعض ويدافع عنها لحاله ومن حسن حظه ان جفانه ظفره وشجيعه

المهم
اتبعو الطريقه التاليه
كانت جفانه تهج البل لين تبعد بها عن القوم
وهلال يرميهم
بعدين ترجع جفانه لهلال وتركبه معها وتلحق البل
وينزل هلال يرمي القوم وهي تهج البل مره ثانيه
الوكاد
قضو النهار كله على هال منوال لين افتكو البل من الأخوان ودخلوها مراعيهم سالمه
فرجع الأخوان خايبين
ومقتولن منهم الكثير

ملاحظه: كانو الأخوان يقولين اذا تبون البل اذبحو الحرمه وكانو يرمونها يبون يذبحونها او يخوفونها لكنها ماخافت وهجت البل مع هلال الي افتك اباعره واباعر جفانه من الأخوان وهو لحاله مامعه غير حرمه


وسلامتكم

[فهد العازمي العتيبي]

لاهنت اخوي على القصه

ونعم بالسمره ...

[الجوراسي]

والله ونعم بلاد سامر

[شوق الصعيبة]

ان جاتنا من جنوب ،، وان جاتنا من شمال // الإبل ليا صبحت نلحق ونرتدها


من دون ذودهم ،، كفووو والله

[رايد الهديبي]

لاهنت علي النقل ..