..الصريح..
04-Apr-2010, 10:36 PM
قصيده شيوخ الدراهم
يهني من هو بعارينه يسلنه = يطرد وراها وكنه محتم التالي
والاسبقها وهن بالدرب يقفنه = ومسجله فوق راس الجيب ويلالي
مع شلته والمواتر جالها رنه = وكلن يهيل المدايح دق وجلالي
ويشب نار المناره تالي الكنه = والناس بالقيض زاد أشعالها أشعالي
حط له بشت(ن)ذواليقه يتلنه = له شمسة(ن)سعرها وسط البلد غالي
وحطوه بين الاشده وأكتمل فنه = وساقوا عليه الدلال بكل فنجالي
وكل(ن)يهايط ويحرق هيله وبنه = شيخ الكرم منزله للناس مدهالي
وقدم صواني بها القعدان مستنه = وطليانها حولها والرز منهالي
وصاروا جدوده هل التاريخ والمنه = لاصار في البنك له دولار وريالي
وجمع شعاعيره ومواله يدنه = ومن كل شاعر يجي شيله وموالي
وصارت قناة الفضا لاجله يذيعنه = منقيه الشيخ (طبل) مزبن الجالي
ماهوب مثلي ديون البنك يصلنه = القسط يصلاه صليات اشهب اللالي
ياوقتنا اللي تقلب واعتلى شنه = والطيب عود على سكبات الازوالي
مخابر الطيب مازالت لها رنه = ومخابر المال تال الوقت تنزالي
والشك مايلحق اهل الطيب لكنه = يمرض قلوب بنت مجد(ن)على الجالي
الشاعر :::: صقر الصقر
يهني من هو بعارينه يسلنه = يطرد وراها وكنه محتم التالي
والاسبقها وهن بالدرب يقفنه = ومسجله فوق راس الجيب ويلالي
مع شلته والمواتر جالها رنه = وكلن يهيل المدايح دق وجلالي
ويشب نار المناره تالي الكنه = والناس بالقيض زاد أشعالها أشعالي
حط له بشت(ن)ذواليقه يتلنه = له شمسة(ن)سعرها وسط البلد غالي
وحطوه بين الاشده وأكتمل فنه = وساقوا عليه الدلال بكل فنجالي
وكل(ن)يهايط ويحرق هيله وبنه = شيخ الكرم منزله للناس مدهالي
وقدم صواني بها القعدان مستنه = وطليانها حولها والرز منهالي
وصاروا جدوده هل التاريخ والمنه = لاصار في البنك له دولار وريالي
وجمع شعاعيره ومواله يدنه = ومن كل شاعر يجي شيله وموالي
وصارت قناة الفضا لاجله يذيعنه = منقيه الشيخ (طبل) مزبن الجالي
ماهوب مثلي ديون البنك يصلنه = القسط يصلاه صليات اشهب اللالي
ياوقتنا اللي تقلب واعتلى شنه = والطيب عود على سكبات الازوالي
مخابر الطيب مازالت لها رنه = ومخابر المال تال الوقت تنزالي
والشك مايلحق اهل الطيب لكنه = يمرض قلوب بنت مجد(ن)على الجالي
الشاعر :::: صقر الصقر