^^ شاعر قبيلة عتيبه من الشباب في القلطه ^^

[عبدالمجيد النفيعي]

بسم الله الرحمن الرحيم

السلام عليكم ورحمة الله وبركاته

في الحقيقه بعد مارأيت إن كثير من شعراء شباب القبائل وعتيبه على وجه خصوص

معظمهم إشتهور عن طريق مسابقات شعريه أو المسابقات ساهمت بـ توهج نجوميتهم

ماعدا أسماء أذكر منها

الشاعر / سفر الدغيلبي

الشاعر / حمدان العصيمي

الشاعر / عبدالعزيز العازمي

الشاعر / وصل العطياني

جميع الأسماء المذكوره شعراء من عتيبه إستطاعوا أن يبروزن في عشر السنوات الأخيره و كونوا شعبيه و مشهود لهم بـ الجزاله

لاكن شاعر قبيلة عتيبه من بينهم هو الشاعر / سفر الدغيلبي

الأسباب

1_ إختياره في مهرجان المغتره الذي يعتبر ملتقى عمالقة شعراء القلطه وهو بـ رعاية صاحب السمو الملكي فيصل بن خالد بن عبدالعزيز

2_ إختياره كـ مقيّم في برنامج شاعر المعنى الذي ضم شعراء لـ القلطه من مختلف شبه الجزيره العربيه وهو أيضاً بـ رعاية صاحب السمو الملكي فيصل بن خالد بن عبدالعزيز

3_ هو الشاعر الأكثر شعبيه والدليل دعواته من مختلف القبائل وعلى مستوى دول الخليج

لـ ذلك أعتبره شاعر قبيلة عتيبه من الشباب مع العلم إن كل شاعر يعتبر شاعر قبيلته في كل محفل يحضره

،،،

أخوكم / عبدالمجيد النفيعي

[فهد علي العازمي]

جميعهم شعار كبار
بس سفر تفوق علهم في(التسويق) التنسيق
ولعل الدور الكبير اللذي يقوم به القصير هو من ساعد الشاعر سفر على الطلوع

[محمد العتيبي]

سفر الدغيلبي .. يعد علم من اعلام الشعر

خصوصا بعد ما فرض نفسه بقوة شعره وجزالته في ميادين المحاوره غصب عن الجميع ,.,


مع التحيه لكــــ

[ولد عمهوج]

كل شعراء عتيبه هم شعراء لعتيبه

ولكن هنالك شاعر قادم واجزم بأنه سوف يكون متواجد

في جميع المحافل وعلى وأولها المغتره انه شاعر وسهم العضيان علي فلاح

[ابوتيجان]

لاتنسى الشاعر سلطان المنصوري فهو يمشي بخطوات واثقة للقمة

وبخصوص سفر خرج من دائرة الانتظار للوصول للقمة واصبح علم من اعلام الشعر

[عبدالمجيد النفيعي]

ابن _عاصي

صدقت سفر من أدلة نجاحه تواجده في منابر لـ المحاوره لا يصلها الا نقوه من ساحة القلطه

ومكتب القصيّر هو أول إعلام قوي لـ شعر المحاوره جميله على المحاوره كلها وليس على سفر فقط

،،

محمد العتيبي

وأنت أيضاً موهبتك جزله في الشعر أخوي محمد
،،

ولد عمهوج

مافيه شك ذكرت أنا هـ الكلام في موضوعي لاكن لاقيل وين شاعر عتيبه من بين الشباب أقول من وجة نظري سفر الدغيلبي

أما علي فلاح ،، إسموحلي أن ألقبه ،، عمهوج القلطه بـ كونه عضياني :)

،،

ابوتيجان

وشلون أنساه وهو من شرفنا في برنامج شاعر المعنى وكان قد التحدي وهو الان يعتبر خليفة أشهر شاعر محاوره على مستوى قبيلة عتيبه ،، لاكن هو شارك في مسابقه وإقرا موضوعي زين :)

[الـقـرم الـعـطـاوي]

سـلـطـان بن صـاهـد الجـلاوي

اقوى ظهور على مستوى شعار عتيبه الشباب

ولايهون الشاعر البعير سفرر وباقي شعار عتيبه فيهم الخير ونماريبهم


لكن الشاعر سلطان الجلاوي يغرد خارج السررب الله يطول بعمره

[علاي الحافي]

يعطيك العافية

[لزاز]

سلطان الجلاوي يغرد خارج السرب

شاعر وشخصيته قويه فالملعبه

[منيرالروقي]

من خلال متابعة لاكثر من 25 سنة وتجربه نقدية ومجالسة جميع شعرا عتيبه العمالقة وشعار القبايل الاخرى يرى 99% من الاعلاميين والنقاد والشعراء والجمهور سفرالدغيلبي هو شاعر عتيبه الآن بالتشارك مع حبيب .......... بعد ظروف مستور ورشيد وخروج ملفي من دايرة المنافسة.


اما شعراء عتيبه الباقين ففيهم الخير والبركة لكن نظلم سفر في حال مقارنته بأي منهم.


سفرالدغيلبي منذ 5سنوات يقال له شاعر كبير وليس شاعر شاب.

[محمد ابن رووق]

كل شعار اللي ذكرتهم كفو


لكن عبدالعزيز يمتاز عن غيره في وجهه نظري سرعة البديهه وقوه الابيات والصوت والثقل في الملعبه


وند قوي للشعار محاورته مع القرقاح تكفي لمن يريد الزياده

[ابن طامي]

كلهم ونعـم ، ويسدون اللزوم


لكن سفر ، سفر



مثل ماقلت



لاهنت ياعبدالمجيد


.

[رائد الكيرعاني القحطاني]

سفر الدغيلبي

ولا غير

هامه شعريّه


ستمحى وجود اكثر الشعراء قريبا

[فهد العازمي العتيبي]

سلطان الجلاوي

شاعر شباب عتيبه ...

[خلف الروقي]

عبدالعزيز العازمي شاعر شباب عتيبة بلا منازع



وهذا لا يقلل من شأن او نجومية اي شاعر من شعراء عتيبة الشباب


كلهم فيهم الخير والبركة والكفاءة الشعرية ويحظون بنجومية عالية



شاكر لك


..


,

[عبدالمجيد النفيعي]

بسم الله الرحمن الرحيم

أشكر جميع من مر على الموضوع

بـ ما إن كثير من الأخوه يتفقون بـ وجهات النظر

راح أرد على كل وجهة نظر من خلال المشاركات

وهي ثلاث نقاط
،،

* أنا أخترت هؤلا الخمسه بـ كونهم برزو بدون أن يشاركون في المسابقات والشاعر سلطان الجلاوي نعم لو ماشارك في برنامج قلطة الوطن كان عديته مع القائمه المذكوره لأنه بارز من قبل البرنامج لاكن خلاص شارك والبرنامج أضاف له جماهريه من دول الخليج و هو بـ نفسه قال هذا الكلام في منتداه أما الشاعر سفر الدغيلبي حصل على جماهيريه خليجيه بدون ان يشارك في مسابقات وكلاهما عينين بـ رأس واحد

* إختياري لـ الشاعر سفر الدغيلبي بـ أنه شاعر قبيلة عتيبه من الشباب كان من أبرز أسبابه تمثيل القبيله بـ منابر لايتواجد فيها الا نقوه من الشعراء رغم إنه شاب ولا يمنع أن يكون شاب وشاعر كبير والكبير الله سبحانه وتعالى

* شاعر شباب قبيلة عتيبه هذا حسب ماأعتقد يليق له موضوع لحال وحسب وجهة نظري إنهم لايخرج بين عدة شعراء من ضمنهم سهم عتيبه ورمح عتيبه ومستقبل عتيبه لاكن شاعر قبيلة عتيبه من الشباب هو سفر الدغيلبي

،،

وسلامتكم :)

[فهيد الايدا المورقي]

سفر الدغيلبي


سلطان المنصوري


فلاح المورقي


هؤلاء هم مستقبل القلطه


وارهن على ذلك ان شاء الله


تحيتي

[علي خيران العتيبي]

شاعر قبيلة عتيبه الاول من الشباب

فلاح المورقي
ثم فلاح المورقي
ثم ضع من تشاء

[عبدالمجيد النفيعي]

الشعراء المذكورين مثل ،، سلطان الجلاوي ،، سلطان المنصوري << من أفضل شعرءا شباب عتيبه لاكن ميزة القائمه المذكور بـ أن بروزهم بدون أن يشاركون في المسابقات الشعريه

،،

الله يعطيكم العافيه على المرور مشكورين

[حسن إبراهيم الدجيماء]

ونعم بشعرااء الهيلا جميعاً ,, يشرفون الله لايضرهم كلهم ,,

لكن ..!!!

تسمية شاعر عتيبة خطأ ,, ويسبب اختلافات لاتحمد عقبااها .. أما افضل شاعر في الشباب فأنا اجزم

اجزام تام ,, انه سفر ,, وهذا لايختلف عليه اثنين من (( متذوقي الشعر )) ,, وهذا لاينقص من شاعرية

عبدالعزيز ,, ووصل ,, وفلاح ,, كلهم فيهم الخير والبركة ,, جزالة ومعنى ,, وقست ذلك على التجديد في اللفظ والمعنى

والاسلوب ,, هذا ماأراه ولكلٍ ذوقه وحريته في ابدااء رأيه ..!!!

[يوسف العازمي]

سفر شاعر ويعتبر من فطاحت الشعار

وفيه مثله مثل حمدان و سلطان المنصوري



ولاهنت على النقل

[الجوراسي]

ماعلى عتيبة خوف

لاغاب نجم حل نجم بداله

[ماجد العصيمي]

سفر ما يعد من الشعراء الشباب بل هو خامس الخمسه


الشعراء الشباب أمثال حمدان عبدالعزيز وصل الجلاوي فلاح حزام وغيرهم

لكن من وجهة نظري أن شاعر عتيبه لفئة الشباب هو سلطان الجلاوي بدون قصور فالباقين لأنه جزالة

في الشعر وشرس اذا خصمه اخطا الدرب وهو معروف قبل المسابقة واجبر الاعلام على متابعته منذ

بزوغ نجمه


شكرا لصاحب الموضوع

[عبدالمجيد النفيعي]

يا أخواني سفر الدغيلبي سنه سن شاب وانتم نظراً لـ جودة شعره مثل كِبار الشعراء صنفتوه بـ أنه غير شاب وهذا أيضاً يدللي زياده إن سفر شاعر عتيبه من الشباب

شاعر عتيبه من الشباب ماهو شاعر شباب عتيبه هو شاعر عتيبه كافه لاكن من جيل الشباب وشاعر قبيلة عتيبه على مستوى الأجيال الأجدر به شعراء تعرفونهم

،،

ثانياَ أرجو لا أحد يذكر لي ـأسم شاعر شارك في مسابقه موضوعي وااااااااااضح

وسلطان الجلاوي ياشبل نفس الكلام اللي قلته ذكرته في أحد مشاراكاتي بـ هالموضوع لاكن المسابقه شاركت أيضاً أضات له من ناحية الشهره

،،

أخوي الدجيماء ويالجميع أنا من اهم الاسباب اللي جعلت لي وجهة نظر بـ أن سفر شاعر عتيبه من الشباب لأنه مثلها في منابر لاتأخذ الا نقوه من الشعراء مثل المغتره ومن شباب عتيبه المشاركين بـ الغتره خليفة مطلق لاكن سلطان المنصوري سبب تواجده في المغتره حصوله على أقوى نسبة درجة تحكيم في مسابقة شاعر المعنى وسفر يفرق عنه إنه شارك بـ المغتره بدون أن يشارك في المسابقه

وضحت الفكره :)

ولا أنسى أشكر الجميع على المرور مشكورين

[ماجد العصيمي]

تدري ان سفر يلعب من عام 1418 هـ وينه وين الشباب اكبر من سن الشباب

[عبدالمجيد النفيعي]

خابر وشايف له محاوره في شريط فيديو وهو واضح إن تو ماطلع له شنب بعد

لاكن بروزه كان في العشر السنوات الأخيره وفي موضوعي نفسه ذكرت أنا

( إستطاعوا أن يبروزن في عشر السنوات الأخيره )

لاكن سفر لاحد الان سنه سن شاب

ياخوي خالي مدرس الان وشاب عمره تقريباً ثلاثين ويمكن عليها سنه أو سنتين وعلى كلامه إنه كان يشوف سفر في الجامعه أيام ماكانوا يدرسون فيها

أتوقع سفر عمره خمس وثلاثين وهو أتوقع سنين الشاعر تركي الميزاني وتركي كان يلعب قبل عام الالفين لاكن بروزه في عا الفين ويعد شاعر شاب لانه لاحد الان سنه سن شاب

[حسن إبراهيم الدجيماء]

توضيح بسيط ,,

سفر الدغيلبي ,, من مواليد سنة (( 1400 هـ )) ,, يعني الان عمره (( 31 سنه )) تقريباً ,, والله يطول

عمره اللي يشوفه يقول ابو 40 سنه ,, الله يحفظه ,, شاعر رغم صغر سنه الا انه يقارع الكبار الله

لايضره ,, وللمعلومية تركي الفين (( اصغر منه سناً )) & (( أقدم منه بـ سنه واحده )) ..!!!

[محمد ابن رووق]

تدري ان سفر يلعب من عام 1418 هـ وينه وين الشباب اكبر من سن الشباب


سفر صغير سن ويعد من الشباب مواليد 1401

[عبدالمجيد النفيعي]

مشكورين على التوضيح أخواني الدجيما ومحمد بن روق

وانا أيضاً كنت متوقع إنه مايتعدا الخمس والثلاثين

[ابن المحايا]

فهد الشيباني

شفت له محاورة قبل يومين مع القرقاح في احدى القنوات صراحه كان مبدع

وكلها سنتين بالكثير وتشوفونه ان شاء الله مع العمالقة

[حمّاد العبيوي]

لماذا منتدياتكم انتقائية للغاية , هل هناك مانع من طرح رأيي في هذا الموضوع !!! مثلما يطرح الجميع ارائهم حول جميع الشعراء من القبائل الاخرى .

[محمد العبيدي]

السلام عليكم

أنا لست عتيبي لكن ياعتيبه كانكم تبون العلم الي يجمد على الشارب سفر شاعر عتيبه بعد حبيب

وملفي ورشيد ومستور


بندق عتيبه مع الشاعر سفر ** ** نادور سفر وازهموه ببندفه


وللمعلومية هو طلع على يـد بن شايق حكحكه ابوشنب لين طلعه صـدق وبان شعره هو وتركي 2000


وطلعوا على مستوى النجوم وبالتوفيق للجميع


إخوكم / محمد العبيدي

[ماجد العصيمي]

ياالعبيدي الموضوع ماهو تمجيد لابن شايق


والصراحه لاطلعه لابن شايق ولاغيره طلعه شعره الجزل

[حمّاد العبيوي]

اخالفكم الرأي جملة وتفصيلاً .

[عبدالمجيد النفيعي]

ابن المحايا

إذا كان المقصود الشاعر فهد قطنان إن شالله أتمنى له كل توفيق وإن شالله يحقق جماهيريه أكبر وتكفيه شهادة الزلامي

العبيدي

بروز الشاعر سفر كماهو معروف عنه إنطلق من الحجاز وبلاشك سفر في أول شبابه كانت له محاورات لها شعبيه مع بن شايق وكان خصم قوي له لاكن بروز سفر كـ نجم كان في العشر السنوات الأخيره ومن منطقة الحجاز

شبل مرجحين الموازين و عواد ناجم

أشكر إهتمامكم على الموضوع

[عكاش]

سلمولي والله على سفر

[عبدالمجيد النفيعي]

عكاش

نشكر مرورك طال عمرك

[فالح الشهراني]

محاروه جرت بين محمد بن ثايب الشهراني وفهد العازمي احببت ان انقلها لكم ولكن اعتذر ان وجد بها نقص لان هذا ما استطعت توصيله لكم ومن اراد الاطلاع على هذه المحاوره وغيرها من المحاورات بين بن ثايب ومرزوق المقاطي وفهد العازمي فسيجدها في تغطية حفل زواج / سفر الصوع عبر القوقل ولكم التحيه

فهد العازمي
سلام رديه نبديها على حفل شهران *** واللي حضر من كل صوب ودار رفرف ياعلم
لاتضمن الدنيا ترى ماعلى الدنيا ضمان*** مسافرن ماتضمن الدنيا رفرف يا علم
محمد بن ثايب
يامرحبا يامسهلا باصحابنا ذاك الزمان*** والضيف له ضيفه وله مقدار رفرف ياعلم
مايضمن الرجال نفسه من مكان اليا مكان *** بس البحر يدري من البحار رفرف ياعلم

خل السوالف يامحمد قطف ورد وزعفران*** بالرقم جود شفرة الاسرار رفرف ياعلم
انته حفظت اللي عرفته صم من سحر البيان*** لكن تاخذ من السحار رفرف ياعلم
بن ثايب
حرصتني وانا الحريص ابن الحريص المكلمان*** قل لااله الا الله الستار رفرف ياعلم
الظاهر انك يا فهد بياع موز وبرتكان *** غير اضبط الاسعار والمعيار رفرف ياعلم
العازمي
بديت مع ريع الشجيع ورحت مع باب الجبان *** العام في مفتاحة الشعار رفرف ياعلم
مايخزن القلب الكبير يبان في راس اللسان *** لاتعتذر مانقبل الاعذار رفرف ياعلم
بن ثايب
العام نوباتك عشر واليوم نوباتك ثمان *** انا اللي احرج على الشعار رفرف ياعلم
الظاهر انك راس ضب يابس مافيه اذان*** إلعب مع ابن سويحل المقطار رفرف ياعلم
العازمي
يوم اقتسمتوا قسمة الاخوان ماصرتوا خوان *** طارت بكم ماقادها طيار رفرف ياعلم
انته وابن عمك تحبون الخطر ولا الامان***الجار ماينقص حقوق الجار رفرف ياعلم
بن ثايب
خل القسايم يافهد بين الرويضه وحلبان *** ميعادكم في مركز الدوار رفرف ياعلم
الظاهر انكم ياعوازم ماتصومون رمضان *** ياحجة الفنجار والتجار رفرف ياعلم
العازمي
لو اني ابنشدك وافول إلك كم بيض السمان*** ما انته مجاوبني بتقول اكثار رفرف ياعلم
حنا الرجال اهل السنان المعتبر واهل العنان*** مير انت ودك تلفت الانظار رفرف ياعلم
بن ثايب
ماني بعده مثل عدك من مكان اليا مكان*** ادخل على الله من لهوب النار رفرف ياعلم
لو.... ....والله ياعتيبه ماعقدتوا ذا القران *** استولت القمرا على القما رفرف ياعلم
العازمي
تعدها رمحة جمل واعدها طمرة حصان*** لاتعكس المدخال والمظهار رفرف ياعلم
علوم تشرح للعرب وعلوم تبغى ترجمان*** وانته تتابع نشرة الاخبار رفرف ياعلم
بن ثايب
انا ادري انك تعتبر في المنطقه كوفي عنان*** لكن حظر مرزوق ياحظار رفرف ياعلم
ما انت ضيف عندنا شلنا عليك الخيزران *** العلوم صغار واحنا كبار رفرف ياعلم

[فالح الشهراني]

والنعم في عتيبه وشعراءها .. لكن وبصراحه وبرأي المحايد .. سفر هو افضل الشعراء الشباب ليس على مستوى قبيلة عتيبه بل على مستوى القبائل ... وفي البقيه الخير والبركه

ولكم مني التحيه

[أبـوحرب]

سفر الدغيلبي هو الأقوى


يقول صياف رحمه الله :


لاوالله إلا طلع للشعر وارد جديد = 2002 طب السوق وإسمه سفر



هذا على مستوى قبيلة عتيبه أما على مستوى القبائل أنا أشوف

بجانب سفر حمود السمي

[حمّاد العبيوي]

سفر الدغيلبي هو الأقوى


يقول صياف رحمه الله :


لاوالله إلا طلع للشعر وارد جديد = 2002 طب السوق وإسمه سفر



هذا على مستوى قبيلة عتيبه أما على مستوى القبائل أنا أشوف

بجانب سفر حمود السمي




هل تعتقد ان هذا مدح !!!!

[عبدالمجيد النفيعي]

فالح الشهراني

ماعليك زود والرأي المحايد يضيف لـ الموضوع

،،

أبو حرب

رأيك محايد أيضاً يضيف لـ الموضوع

ويستاهل حمود السمي شاعر شاب أيضاً فرض تواجده في العشر السنوات الأخير بدون أن يستند على ضوء إعلامي كبير (المسابقات) وهو من قبيله معروفه بـ الشعر وأ الاحظ نفس شي الشاعر راشد السحيمي وأتوقع إنه شباب :) نفس الشيء من القبائل الاخرى أيضاً صقر سليم وبخيت السناني وابراهيم الشيخي

،،

حماد العبيوي

ياخي ولله العظيم إن وجهة نظرك وصلت من أول مشاركه لك (محذوفه) بس ماراح تلغي وجهة نظرنا كلنا وبعدين فيه من العتبان في هذا الموضوع خالفوا وجهة نظري لاكن بـ أدب وعشان كذا ماانحذفت مشاركاتهم وأنت مسلم وأيضاً من قبيله عربيه لابد أن يكون لك أخلاق ماتنقص عن أخلاقهم

،،

صياف الحربي الله يرحمه حب يشهد لـ سفر عن طريق مزح ،، واضحه

مع العلم إن سفر أثبت جدارته من خلال تواجده وأثبت إنه قد مسؤلية الشهاده له

[ابن المحايا]

فالح الشهراني

ماعليك زود والرأي المحايد يضيف لـ الموضوع

،،

أبو حرب

رأيك محايد أيضاً يضيف لـ الموضوع

ويستاهل حمود السمي شاعر شاب أيضاً فرض تواجده في العشر السنوات الأخير بدون أن يستند على ضوء إعلامي كبير (المسابقات) وهو من قبيله معروفه بـ الشعر وأ الاحظ نفس شي الشاعر راشد السحيمي وأتوقع إنه شباب :) نفس الشيء من القبائل الاخرى أيضاً صقر سليم وبخيت السناني وابراهيم الشيخي

،،

حماد العبيوي


ياخي ولله العظيم إن وجهة نظرك وصلت من أول مشاركه لك (محذوفه) بس ماراح تلغي وجهة نظرنا كلنا وبعدين فيه من العتبان في هذا الموضوع خالفوا وجهة نظري لاكن بـ أدب وعشان كذا ماانحذفت مشاركاتهم وأنت مسلم وأيضاً من قبيله عربيه لابد أن يكون لك أخلاق ماتنقص عن أخلاقهم

،،

صياف الحربي الله يرحمه حب يشهد لـ سفر عن طريق مزح ،، واضحه

مع العلم إن سفر أثبت جدارته من خلال تواجده وأثبت إنه قد مسؤلية الشهاده له



عندي ملاحظة يالغالي


راشد السحيمي شايب وقديم


بدا المحاورة عام 1393هــ


وينه وين الشباب

[عبدالمجيد النفيعي]

عندي ملاحظة يالغالي


راشد السحيمي شايب وقديم


بدا المحاورة عام 1393هــ


وينه وين الشباب

:d والله ياشكله شكل شباب وانا قلت (أتوقع) وماشالله عليك متابع جيّد لـ المحاوره انا ماعرفته الا عبر القنوات وبلاشك إنه شاعر له محبين

[سعود المقعار]

شاعر شباب قبيلة عتيبة برأيي سفر الدغيلبي و اخترته لعدة اسباب منها :

ردة على موال منيف ( العلم مرتفع فوق راس الجبل مرتفع فوق و اركد يا موج البحر ) لاكن للاسف استهزئ بمنيف و ياليته ما استهزئ به .

و كذالك مجاراته للطواريق الصعبة .

و تأليف الطواريق الرائعة مثل ( صح ماهو خطا ) و ( و الساري سرا ) و غيره . و كذالك الموالات .


.............................................

[عبدالمجيد النفيعي]

سعود المقعار

أخوي توضيح شاعر قبيلة من الشباب فيه فرق عن شاعر شباب قبيلة عتيبه فقط

أما بالنسبه لـ إستهزائه بـ المنقره للأسف ممكن إن إغتاض سفر من كلمة المنقره حينما وصف وجه شاعرنا بـ وصف لايليق وهذا سبب من اسباب طرحي لـ هذا الموضوع أضغط هنا (http://www.otaibah.net/m/showthread.php?t=105838) وهَذِه تعتبر من سلبيات الشاعرين وهم أكبر من كذا كـ مقامات جنسيتهم وأصولهم خصوصاً بـ أنهم سعوديين وكانت المحاوره بـ قطر

أما الطواريق لا أدري الطواريق ذكرتها موجوده في المحاوره من قبل أما من إبتكار سفر لأنها مشهوروه في المحاوره وانا معك سفر لعب عليها وسفر أيضاً على كلامه في أحد المقابلات إنه
إبتكر لحون

وعندي توضيح أيضاً هو إن الكلام المشفر بـ النقاط الحمر في مشاركه أخوي سعود قرأته أنا وكان مجرد نقد لـ ظاهره في المحاوره والاداره الله يجزاها خير أحذفته أكيد لـ كي لايثير مشاكل في جمهور المحاوره التوضيح هذا لـ كي لا أحد يفهم اخلاق سعود خطأ

[منيرالروقي]

أقول واكرر .§§§§ شاعرنا سفر الدغيلبي وبس

[حمّاد العبيوي]

حماد العبيوي

ياخي ولله العظيم إن وجهة نظرك وصلت من أول مشاركه لك (محذوفه)



ياأخي محمد النفيعي , نعم حذفت رغم انها موضوعية وأتكلم فيها من وجهة نظر نقدية بحتة , لكن هل تعلم أن ماتم حذفه خمس مشاركات , وسمح لي بواحدة هي ( اخالفكم الرأي جملة وتفصيلاً ) , لأنها عامة ولاتدخل في التفاصيل لتوضيح سبب ماأذكر .


وعموماُ يدوم الاحترام بهذا الشكل , وتسلمون !

[ابن طامي]

سلامات يالعبيـدي ؟


وش دخل أبن شايق .. في سفر ؟



.

[عبدالمجيد النفيعي]

منبر الروقي

رأي من باب محبه ونحترمه وأشكر إهتمامك بـ الموضوع

،،،

العبيوي

انا أخوك عبدالمجيد لاكن تبي الصراحه الاداره مالها لايم ترضا واحد بـ ينتقدك يصفك بـ خشاش الأرض ؟؟!!

،،،

ابن طامي

رديت عليه طال عمرك وإن شالله ردي مقنع ،، وأنا أشكر حمياك على بن عمك ولاتستغرب من عتيبي

[رائد الكيرعاني القحطاني]

هل تعتقد ان هذا مدح !!!!

نعم مدح وشهاده


ولا تفلسف طال عمرك على عماها اجل تبيهم يمجدونه عيني عينك واقول انك شاعر الارض والكون والقبيلة


لابد تكون الشهادة بانفه وشموخ وانه المشهود له اصغر من الشاهد في اي مجالات الحياة



والبيت هذا وسام من صياف الحربي في ذاك الوقت ودفعه معنويه لاي شاعر


والله يوفق الشاعر الجزل الكبيييييييير / سفر الدغيلبي


لكم تحياتي

[عبدالمجيد النفيعي]

نعم مدح وشهاده


ولا تفلسف طال عمرك على عماها اجل تبيهم يمجدونه عيني عينك واقول انك شاعر الارض والكون والقبيلة


لابد تكون الشهادة بانفه وشموخ وانه المشهود له اصغر من الشاهد في اي مجالات الحياة



والبيت هذا وسام من صياف الحربي في ذاك الوقت ودفعه معنويه لاي شاعر


والله يوفق الشاعر الجزل الكبيييييييير / سفر الدغيلبي


لكم تحياتي

أتفق معك بـ أن لا يعقل إن الشاعر صياف بـ يشهد بـ شكل مباشر لاكن كان واضح من صياغ البيت إن الشهاده كانت عن طريق مزح لا أكثر

[حسن إبراهيم الدجيماء]

يبقون شعرااء عتيبة الشباب جميعاً مبدعين ويبيضون الوجه ,,

ارجو من جميع من يبدي رأيه ,, يكون هدفه النقاش الهادف والبناء ,, وليس اشعال الفتنه ومحاولة استفزاز الاعضااء ,,

سفر ,, عبدالعزيز ,, حمداان ,, فلاح ,, وصل ,, الخ ,, كلهم يشرفون وكلهم ابنااء عتيبه ,,!!!

تحيتي وتقديري ...!!!

[عبدالمجيد النفيعي]

يبقون شعرااء عتيبة الشباب جميعاً مبدعين ويبيضون الوجه ,,

ارجو من جميع من يبدي رأيه ,, يكون هدفه النقاش الهادف والبناء ,, وليس اشعال الفتنه ومحاولة استفزاز الاعضااء ,,

سفر ,, عبدالعزيز ,, حمداان ,, فلاح ,, وصل ,, الخ ,, كلهم يشرفون وكلهم ابنااء عتيبه ,,!!!

تحيتي وتقديري ...!!!

كلهم كفو ما أختلفنا ،، لاكن إستثنائي لـ سفر كان واضح بـ أسبابه

وإذا عندك إنتقاد على الموضوع ولا على أي عضو حدد حتى تتيح الرد

[حسن إبراهيم الدجيماء]

لا والله انا وجهة نظري ابديتها ,, وهو ان سفر هو المميز بدون قاصر فالباقين ,,

وانا من المعجبين تمام الاعجاب في العملاااق سفر ,, قبل الموضوع وقبل النقاش ,, ولازلت ,,

والاسباب واضحه تماما ,, على صغر سنه الا ان من يسمعه يقيمه من العمالقة والكباار الله لايضره ,,

شاكر لك الموضوع مرة اخرى ,, الله لايحرمناا القروم شروااك ,,!!!

[ابوتيجان]

السلام عليكم

أنا لست عتيبي لكن ياعتيبه كانكم تبون العلم الي يجمد على الشارب سفر شاعر عتيبه بعد حبيب

وملفي ورشيد ومستور


بندق عتيبه مع الشاعر سفر ** ** نادور سفر وازهموه ببندفه


وللمعلومية هو طلع على يـد بن شايق حكحكه ابوشنب لين طلعه صـدق وبان شعره هو وتركي 2000


وطلعوا على مستوى النجوم وبالتوفيق للجميع


إخوكم / محمد العبيدي

عطنا محاورات سفر مع بن شايق اللي حكحكه فيها لاتجيب لي بيت ولاشطر بيت ابي المحاورة من اولها لاخرها

علما ان سفر تراثه وتراث اجدده هي المحاورة بعكس بن شايق

[الحنتووشي]

يعطــــــــــــــــــــــــــييـــــــــــــــــــ ـــــــــــكــ,.,.",.,."


آلـــــــــــــــــــــــــــــــــعــــــــــــــ ـــــأإأإأإأإفيــــــــــــه,.,.",.,."

[فيصل المسعودي]

من فضل الله تعالى

أنه أغلبية شباب قبيلة عتيبة المتواجدين في ساحة المحاورة

تنطبق عليهم أساسيات المحاورة المعروفة والمطلوبة من شعرائها

من فتل ونقض وسرعة بديهة ومقدرة على تركيب البيوت القوية ذات المعاني الجزلة

ومما لا شك فيه أنه الشاعر سفر يعتبر من أحد هؤلاء الشعراء

وقد لا أبالغ حين أقول أنه أصبح يصنف من ضمن عمالقة شعراء المحاورة ومن النخبويين فيها

راجين من الله التوفيق للأخ سفر ولبقية شعراء قبيلة عتيبة قي حياتهم ومسيرتهم الشعرية

ونشكر الأخ عبد المجيد النفيعي

على تطرقه لمثل هذه المواضيع التي تنمي روح الذائقة عند المتابعين للساحة الشعرية وما يدور فيها

تحياتي

[عبدالمجيد النفيعي]

الدجيماء

شرواك الطيب ياطيّب ويعلم الله إن تواجد إضافه لـ الموضوع

،،،

ابوتيجان

رديت عليه وخلاص ،، وسفر وبن شايق جاء بينهم محاورات حماسيه من كل الطرفين
،،،

الحنتوشي

الله يعافيك

،،،

فيصل المسعودي

العفو طال عمرك ولاهنت على الاضافه الجميله لـ الموضوع