الاخ الفاضل عبدالله ضاوي تفضل

[سمي الجد]

ياسلامي عل رجلن فعوله جليله= يذبح الحيل ويسرك نهار الطرادي


ينحر الموت ماهاب السيوف الصقيله= مايهاب الخطر ويدوس خد المعادي

[عبد الله ضاوي]

ارحب ثم ارحب ياسمي الجد والله يجملني معك واجاريك والمعذره تراني توي جديد على الجهاز



مرحبا عد كيف فوقه الجنزبيله= من يميني يقدم للصبي المفادي

والله انك سمي الجد مافيك حيله= هات علمك وعده ياالعريف الريادي

[سمي الجد]

الله يحييك ياعبدالله ونا كلنا جديدين على الجهاز ومنك نستفيد


البقا شد حيلك جاك سيل المخيله= قدحتك من زنادك واما انا من زنادي

ودي اهرج معك بااللين واحسن وسيله= وابذل الطيب معكم مثل طيب المهادي

[عبد الله ضاوي]

البقا واستلم


كل رجال بذراعه وعقله دليله= والله اللي علاه الجد والاعتمادي

المعاتب مايفسد ود خل وخليله= وانت شيخ وعلومك كلبوها قوادي

[سمي الجد]

الله انه يجمل من يريد الجميله= والله المطلع باسرار كل العبادي

القصيره قصيره والطويله طويله= كيف اومنك بشدادي وتكسر شدادي

[عبد الله ضاوي]

والله اني على العليا وعز القبيله= محتزم بام خمس ودونها بالجهادي


جيتني باالشداد اللي عوج فيه ميله= قلت عدل شدادك قلتلي روح غادي

[سمي الجد]

كل رجال فالميقاف نعرف حصيله= لاتحاول تغطي والخبر فالروادي

ياعميلن تردى يوم واجه عميله= يركض الخيل ويسل السيوف الحدادي

[عبد الله ضاوي]

شفت نار البدو وصلت لخشم الفتيله= طامعين البدو في جل مالي وزادي

اعترض في سبيلي كيف اخلي سبيله= وانت تدري بها لكن رحت متحادي

[سمي الجد]

كان هديت وضعك ماقربت الفشيله= وانت رجال فالميقاف رجلن قيادي


اثرك الاسود الله لابدن فالدبيله= كل ماجاك ساري راح ليله هجادي

[عبد الله ضاوي]

انشبونا مخلطت المرق بالعبيله= كيف قلبي يحب اللي عثا في ودادي

دون حلقي يديه مانخيت الحليله= العدا مالها عندي يكود العتادي

[سمي الجد]

يانصر كيف ترضى للعصيفير غيله= وانت نصر قوي وجبت كل البلادي

ابرهه مات وجاك فالدرب فيله= مار اظنه مايقدر علته فالفوادي

[عبد الله ضاوي]

مالراع البليله غير راع البليله= واما انا وانت نشرب من زلال العدادي


خابر الفيل مايقدر لحمله يشيله= والختام السلام بطيب عنبر وكادي