ياظلم كم شاعر تخرّج منك واسمك من ظلام !!

[فواز السعيدي]

العازمي .... :)



سلام رديه مثل ريح البختري والبشام = ولاّ كما طعم الشاورما عند ورعان الحضر !!

ياظلم كم شاعر تخرّج منك واسمك من ظلام = نبا لنا رجّال ينصانا ويعطينا خبر !!

[الصاطي,,]

هههههههههههههههههه





متااااااااااااااابع

[فايز بن سرحان الثبيتي]

ايبلللللللللله




صحححح لسانك ومتابع


وصح لسان ابو طلال "

[ساري الليل 11]

يا سلام سلم


صح لسانك يا فواز وبانتظار العازمي

[فواز السعيدي]

الصاطي ارحب ياخويي


لاهنت

[فواز السعيدي]

ابوريان صح بدنك ياسنايدي


لاهنت

[فواز السعيدي]

ساري الليل



لاهنت يابعدي

[مــــحــــمــــد]

صح لسانك يافواز

وفي انتظار مبدع ظلم ابو طلال والصف صفه

متابع للجزاله

[فواز السعيدي]

ارحب يامحمد


لااااااااااهنت

[علي فلاح العضياني]

الله الله



صح لسانك يابو عايش



بدائعه روعه



في انتظار سفير ظلم و صح لسانه مقدماً

[فواز السعيدي]

ارررررررررحب يابوفلاح


تحية المطر


صح بدنك ياسنايدي

[عيد العازمي]

ارحب



يامرحبا بالاوله للي يردون السلام = والثانيه بجناح فواز السعيدي لا .شهر!!



بين الرجال اللي تحفظ البندقيه والحزام = اقفى ظلام الليل في مطلعك يانور القمر!!

[عيد العازمي]

ارحبوووووووووووو

كل باسمه


شرفتو المتصفح


باطلالتكم


وصحت ابدانكم

[فواز السعيدي]

الله الله

/
/
/
....


منته بعاجبني ياعيد العازمي .. منته تمام = والله لو جبت آدمي في ظلم.. يمكن ينتحر !!

ماعندكم غير الغبار اللي يجيكم بالزكام = تعال في جده .. تشوف الناس وتشوف البحر !!

[عزوز النفيعي]

بين الرجال اللي تحفظ البندقيه والحزام
اقفى ظلام الليل في مطلعك يانور القمر!!

يالعازمي انت تستخدم الموت البطي في طواريقك

الصف صفك ولا يهون فواز متابع للتعلم

[فواز السعيدي]

ارحب يالصقيل


لاااااااااهنت

[سلطان الجـذع]

,,,


الله الله هههههههههههههههههه


صحت السنتكم متاااااااااااااااااابع

[عبدالله الاصعر]

فواز السعيدي



عيد العازمي



حضرتو وحضر الابداع



صحت اللسنتكم

[فواز السعيدي]

صح بدنك يالاسطوره


يالله حيه

[فواز السعيدي]

عبد الله الاصعر



يالله حيه


لااااااااهنت

[عيد العازمي]

ههههه



طبع الرجال اقسى من المرتين في صم العظام = واللي يموت ان شافنا ممزوج مع دمه عطر!!


سكّر قزازك يالسعيدي لاتضيم ولاتضام = واشرب مياه البحر واقل الجمبري فوق الجمر !!

[عيد العازمي]

عاد اللي بصفي


محمد والصقيل


لهم تواجد غير عندي


الف هلا


وشرفتو وصحت ابدانكم


الصقيل


انا دوب اتخارج الله يهداك


لكن شرفتني لاهنت

[عيد العازمي]

الجذع


الاصعر



مراحب


ياشعارنا الاكارم



وصحت ابدانكم

[فواز السعيدي]

ههههههه

ياسلام ..



يازارعين الورد الابيض من عفيف الياجهام = يسار دوّار البجاديه بتسعمية متر !!

اظن لو آخذت من دمك وحللنا جرام = نلقاه دم اصفر من العجّه ماهو دمٍ حمر !!

[علي فلاح العضياني]

الله الله الله


ماعندكم غيـر الغبـار اللـي يجيكـم بالزكـام
تعال في جده .. تشوف الناس وتشوف البحر




ماعندكم غيـر الغبـار اللـي يجيكـم بالزكـام
تعال في جده .. تشوف الناس وتشوف البحر



غن شاء الله يسمع منك ابو طلال

دايم اقول الكلام هذا لعيد بس الله يهديه





متااااابع

[فواز السعيدي]

ههههههه


بكره يشد يابو فلاح



لاهنت على تواجدك يابعدي

[ماجد الهذلي]

السلام عليكم

يا سلام يا سلام قاف ناري

متااابع وبصفك يا فواز

الليل الليل

[فواز السعيدي]

ارحب ياماجد


الصف يزهابك ياسنايدي

[عيد العازمي]

شرّق وغرّب يالسعيدي في ديار المجد عام= منته بلاقي غير عز وسيف ورجال وفخر!!


العجّ من وقتٍ مضى وقت المناوخ والعسام =لكن خذ قطرة دمي بالله واحسبها مهر!!

[عيد العازمي]

ارحب يابو فلاح


واذا شد ضلع ظلم شديت


ههههههه


ارحب ياماجد


شرفت القاف وحياك بين ربعك

[عيد العازمي]

نطلب مسانده

من اهل

ظـــــــــلم


:):)

[عيد العازمي]

ودي اعرف


من حط


******

؟؟؟:rolleyes:

[فواز السعيدي]

الله يهولك هههههه

/
/
/
....


حنا ترانا ماسمعنا علم ومزاقل كلام = هاذي حقايق وانشد اصحابك وفتّش فالصرر !!

اقول : جوالك مراقب لاتوجهها شمام = والعيّنه من دمك يالمجرم بضاعة مختبر !!

[عيد العازمي]

اما تصبّر واحتمل والا على حسب النظام=ماننشد الرجال لو يحمل قنابل فالكمر!!


دقّيت مسمار النعش فوق المطيه فالمسام = وارتحت من عزوة هذيل ومنتظر عزوة مضر!!

[فواز السعيدي]

الله الله
//////
............


حوصو عن دروب الجيوش المسرعه ياهل الخيام = اللي بنا فالمنصفه .. تحت الخطر تحت الخطر !!

روحو عساكم ياعتيبه كلبوكم للجذام = اللي مايبقي من عتيبه فوق الارض ولانفر !!

[محمد بن رشيد]

الله الله الله الله


لله دررركمــ ,,, المتابعه شي لابد منه


لاهنتواااا

[عيد العازمي]

الله الله



عاداتنا نرسي وندحر كل طاغي بالحسام = لكن طبّق كلمتك لن كان جاتك فالنحر!!


بالله لاتدعي تروّعنا ويصحون النيام = ماعاد باقي غير ادق الما لاشفتك فالنجر !!

[فواز السعيدي]

ارحب يابو حميد


لاهنت ياسنايدي

[عيد العازمي]

ابو مالك


ارحب


ياعلم


شرفتنا

[فواز السعيدي]

الله الله
//////
...........



حلال تلغيم الطريق المستوي ولاحرام = مايقعد الراس المصلفق غير برّاد الجمر !!

ترى الكتب واجد تطوّع .. في صلاتك والصيام = اختار فالانجيل والقرآن ولا فالزّبر !!


ابو طلال


صح لسانك يابحر


تشرفت بمجاراتك


وتصبح على خير

[عيد العازمي]

ياشارب البراد كيف اللي يحطّن الوشام = بعض العرب مايعرفون البن والهيل الخضر!!


ان كان فواز السعيدي يونس بخشمه عرام = ليته ورى حد اليمانيه تريّح واستتر!!



صح لسانك

يافواز


مبدع


وتحيه لكل من شرفنا هنا

[خالد الثبيتي]

ههههههههههههههه

هذا و الله المجالد

صحت الالسن

امتعتونا بابياتكم الاكثر من رائعه

اشكركم جزيل الشكر

[ابو فايح]

بالله لاتدعي تروّعنا ويصحون النيام=ماعاد باقي غير ادق الما لاشفتك فالنجر !!




ترى الكتب واجد تطوّع .. في صلاتك والصيام=اختـار فالانجيـل والقـرآن ولا فالزّبـر !!



هههههههههههه هههههههههههه

ملاكز غير شكل


صحت السنتكم يا مبدعين

[سعود البرقاوي]

ثنائي خطير وطاروق ممتع
صحت السنتكم

[فواز السعيدي]

جميع الاخوان اللي تواجدو



صحت ابدانكم



والله لايهينكم