جسر المحبّه يربط الدمام بالبحرين ,,,, خاااااص للاصعر

[علي فلاح العضياني]

بعد ما راح ثلث الليل الاول باقيٍ ثلثين=نبا نقضيه في طاروق ما مثله و لا زيّه !!!
ترى جسر المحبّه يربط الدمام بالبحرين=و الاصعر خوفي إنّه ينقز حدود السعوديه !!!

[ساري الليل 11]

ههههههههه


صح لسانك يا علي


وبانتظار الأصعر

[رائد الكيرعاني القحطاني]

الله الله الله


ترى جسر المحبّه يربـط الدمـام بالبحريـن
و الاصعر ما آمنه لا ينقز حدود السعوديه !!!

يا سلام يا سلام

متاااااااااااااابعين للإبداع

[صقر المحاني]

اخوك الداهوم متابع وعلى القوة يابوفلاح انت والاصعر

[نوآف الغنامي]

الله الله الله



ابو فلآح



صح والله لساااااااانكــــــــــــ مليووون ــــــــــــــ



مبدع كماااا انت



وننتظر الاصعر

وصح لسااااااانه



متاااااااابع :)

[علاي الحافي]

و الاصعر خوفي إنّه ينقز حدود السعوديه !!!


متابع للفائده

[محمد بن ساعد الثبيتي]

الفــــــالح صح لسسسسسسسانـك مدد بلا عدد

ونننتظر الاصعر وصح لسانه مقدماً

[فايز بن سرحان الثبيتي]

ترى جسر المحبّه يربط الدمـام بالبحريـن
و الاصعر خوفي إنّه ينقز حدود السعوديه !!!




ايسويها الاصعر "






صح لسانك يابو فلاح وصح لسان الاصعر "


متابعين لكم "

[علي فلاح العضياني]

ساري الليل


رايد القحطاني



صقر المحاني



خيال الصفراء




عابر سبيل


محمد ساعد



ابن سرحان





صحت أبدانكم




شرفتونا بالمرور الكريم

[عبدالله الاصعر]

نبى نسري معك فالطرقه وربي عليك يعين=لكنك هد فالسرعه ,, ترى السرعه جنونيه
تقوله مير الاصعر ماتعدى عن حدود الدين=صلا ته في حرم مكه وقصره فالعزيزيه

[عبدالله الاصعر]

ساري الليل


صقر المحاني


رايد القحطاني


عابر سبيل


محمد الثبيتي


خيال الصفراء


صحت ابدانكم مروركم شرف

[ولد عمهوج]

ياسلام ياسلام ياسلام

عليكم يامبدعين واصلوا

والصف صف ابن العم ولاهان الاصعر

[ساري الليل 11]

الله الله


صح لسانك يالاصعر نقض على مستوى رفيع

[الصاطي,,]

يا سلااااااااام على اللعب الكاايف





متااااااااااااااااااابع

[صقر المحاني]

تقوله مير الاصعر ماتعدى عن حدود الدين
صلا ته في حرم مكه وقصره فالعزيزيه

عســــــــــــــــــــــــاه قصراعامر

[عبدالله الاصعر]

ولدعمهوج صح بدنك والصف يزهابك سوا في صف العضياني او صفي


المهم متابعتك وحضورك المشرف

[سلطان الجـذع]

...

الله الله ... صحت ألسنتكم ... متاااااااابع

[عبدالله الاصعر]

ساري الليل



الصاطي



صقر المحاني



صحت ابدانكم والله لايهينكم على مروركم الكريم


ومتابعتكم الغاليه

[عبدالله الاصعر]

سلطان الجذع صح بدنك متابعتك شرف يابو عبدالله

[علي فلاح العضياني]

الله الله


ليا ما قام عدّاد الهمر يشّر على الـمـيـتـيـن=نشب في طلعةٍ بين البهيته و اليمانيّه !!!
ليا راحوا ثنين مع الخلا ,,, من ثالث الاثنين ؟=على المكشوف مكشوفه حقيقتك الحقيقيّه !!!!

[علي فلاح العضياني]

و لد عمهوج



الصاطي




سلطان الجذع



صحّت أبدانكم جميعاً




شرفتوا

[فواز السعيدي]

الله الله


مساء الابداع


ابو فلاح وعبد الله


متااااااااابع

[محمد بن ساعد الثبيتي]

علي العضيـاني


بعد ما راح ثلث الليـل الاول باقـيٍ ثلثيـن=نبا نقضيه في طاروق ما مثله و لا زيّه !!!
ترى جسر المحبّه يربـط الدمـام بالبحريـن=و الاصعر خوفي إنّه ينقز حدود السعوديه !!!


عبد الله الأصعر


نبى نسري معك فالطرقه وربي عليك يعين=لكنك هد فالسرعه ,, ترى السرعه جنونيه
تقوله مير الاصعر ماتعدى عن حدود الدين=صلا ته في حرم مكه وقصره فالعزيزيه

علي العضيـاني


ليا ما قام عدّاد الهمـر يشّـر علـى الميتيـن=نشب في طلعةٍ بين البهيتـه و اليمانيّـه !!!
ليا راحوا ثنين مع الخلا ,,, من ثالث الاثنين ؟=على المكشوف مكشوفه حقيقتك الحقيقيّه !!!!

[عبدالله الاصعر]

لكن امن الطرق فالدرب ,,واقف له على السيدين=ويعطيه القسيمه لا لقى الرخصه خصوصيه
ليا خليتهم في حالهم ماصار غير الزين=لا تفتح فوقنا باب القشر وتغيّر النيه

[عيد العازمي]

نبى نسري معك فالطرقه وربي عليك يعين
لكنك هد فالسرعه ,, ترى السرعه جنونيه



ليا ما قام عدّاد الهمـر يشّـر علـى الميتيـن
نشب في طلعةٍ بيـن البهيتـه و اليمانيّـه !!!


ههههههه


قام يزيد ابو فلاح


حتما ابداع حتما


بوجود علي وعبدالله


متااابع

[ولد عمهوج]

ليا ما قام عدّاد الهمـر يشّـر علـى الميتيـن
نشب في طلعةٍ بيـن البهيتـه و اليمانيّـه !!!
ياسلام والله ياعلي

واصل والصف صفك ولاهان قبيلك

[عبدالله الاصعر]

عيدالعازمي حياك الله مرورك يشرف وحضورك هو الابداع صح بدنك

[عبدالله الاصعر]

ولدعمهوج الله لايهينك على المتابعه الطيبه

[علي فلاح العضياني]

الله الله الله


بعد ما قام بنعق بيني و بينك غراب البين=عيون أهل تربه تبكي لفرقا فيصل العيّه !!!
ترى اليابان في حبك الصناعات أفضل من الصين=و ما يستورد من المانيا ميّه على ميّه !!!

[ساري الليل 11]

الله الله متابعين للابداع

[صقر المحاني]

بعد ما قام بنعق بينـي و بينـك غـراب البيـن
عيون أهل تربه تبكي لفرقـا فيصـل العيّـه !!!
ترى اليابان في حبك الصناعات أفضل من الصين
و ما يستورد من المانيـا ميّـه علـى ميّـه

اللةاللةاللةاللة

[عبدالله الاصعر]

عسى الله يرحم الميت ,, عسى الله يستر الحيين=وانا ماني بعيه ,, لا تبرق للعرب فيه
صحيح اللي تقول ,, ويصنعون بلستك وفلين=وانا ماستورد الفلين والبالون موليه

[مــــحــــمــــد]

ابو فلاح

عبد الله الأصعر

شعراء مبدعين

صحة الألسن والقلوب

[عبدالله الاصعر]

محمد صح بدنك مرورك شرف

[علي فلاح العضياني]

الله الله


بيوت من الحجر و بيوت مبني جدرها من طين=يا كبر الفرق واضح بين هذيّه و هذيّه !!!
أجل من ورّد الشيول و أبو جنزير و البكلين=تعرف العلم هذا بعد تجتاز الثناويّه !!!

[عبدالله الاصعر]

تراها فرقها ,,, سوات فرق السيف ( والسكين )=ولا ياللي تغني بالطواريق الهجينيه
صناعه من حديد(ن) صلب مير النار والبنزين=تذوبها ولا تتركلها فالارض ماريه

[بندر الهيلا]

علي والاصعر . صحت الالسن .

علي ترى العسكري اللي فأمن الطرق عند الاصعر يبى يسنعه .

الاصعر اجل موليه <<:):):)

متابع للمصامخ :)

[بندر الهيلا]

صح السانك الاصعررررررر

ننتظر علي ..

متابع
:)

[محمد بن رشيد]

قاف يستحق المتاااابعه



لاهنتواااا

[علي فلاح العضياني]

هههههههههههههههه



عن المديون يا ربي تخفّف من حمول الدّين=و تقبل حسنته لو هي قليل و تغفر السيّه !!!
يالاصعر روح سلم لي على راكان إبن حثلين= و قلّه يالامير ,,, الجايده ماهي كما النيّه !!!

[عبدالله الاصعر]

ليا منه كثر دينن عليك او وصل مليونين=ترى فالمملكه موجود جمعيات خيريه
الاصعر مايهمه ومتحجّي في جبل قزوين=لكن انته فركبه يلسبك برد الشماليه

[قنوع النفس]

لاهتم وصحت السنتكم





علي فلاح صح لسانك دائما مبدع ولايهون الاصعر

[عبدالله الاصعر]

قنوع النفـــــــــــــــــس مرورك شرف

[سعود البرقاوي]

ياسلام على الابداع واهل الابداع
صحت السنتكم